\"Facebook\"dakı selfie qatili həbs etdirdi
Kanadada baş verən bir cinayət işi "Facebook"da paylaşılan selfie sayəsində tapılıb.
"Ölkə.Az" xəbər verir ki, iki il davam edən polis istintaqı nəticəsində 21 yaşlı Çeyen Roz Entoni 18 yaşlı rəfiqəsi Britni Gergolu öldürdüyünü etiraf edib.
Cinayətdən əvvəl rəfiqələrin "Facebook"da paylaşdıqları foto qatili tapmağa kömək edib. Entoninin belindəki kəmər bu cinayətə işıq tutub. İki il əvvəl Britninin kəmərlə boğulan meyiti yol kənarında tapılmışdı. Polis isə fotoda Çeyenin belindəki kəməri görüb. Entoni rəfiqəsi ilə dalaşdıqdan sonra onu qətlə yetirib. Məhkəmənin hökmü ilə ona 7 il azadlıqdan məhrum edilmə cəzası verilib.
Hikmət Həsənov
Ölkə.Az
