“Facebook”da sıralama dəyişdi, bir nömrəli ölkə artıq Hindistandır

“Facebook”da sıralama dəyişdi, bir nömrəli ölkə artıq Hindistandır
18:47
17.07.2017
28
Maraqlı
A
“Facebook”da ən çox istifadəçisi olan ölkələr və şəhərlərdə dəyişmələr var.

Birinci sırada olan ABŞ, Hindistandan gələn hücum ilə ikinci sıraya keçdi.

"Ölkə.Az" fins.az-a istinadən xəbər verir ki, bu barədə Webrazzi məlumat yayıb. 

Hindistan 241 milyon istifadəçi ilə birinci sıraya keçərkən ABŞ-ın “Facebook”da 240 milyon istifadəçisi var.

“Facebook” 2017-ci ilin əvvəlindən bəri ABŞ və Hindistanda böyüməyə davam etdi. Ancaq təqdim edilən hesabata görə Hindistandakı böyümə ABŞ-ın iki qatıdır.

Hindistanda istifadəçi sayında son altı ayda 27 faizlik (+50 milyon istifadəçi) bir böyümə yaşanarkən bu nisbət ABŞ-da, sadəcə, 12 fazilik (+26 milyon istifadəçi) oldu.

Hindistandakı bu böyüməyə nəzərən ölkənin ümumi əhali sayı ilə müqayisədə sosial media istifadəçilərinin sayı olduqca aşağıdır. Ölkənin yalnız 19 faizi aktiv sosial media istifadəçisidir. Bununla müqayisədə ABŞ-ın 73 %-i aktiv sosial media istifadəçisidir.

Məlumatları ətraflı araşdırdığımızda Hindistandakı böyümənin cəmiyyətin hər seqmenti üçün bərabər olmadığını görürük. Hindistandakı “Facebook” istifadəçilərinin təxminən 75 faizi cinsiyyətini kişi olaraq bildirib. Bununj əvəzində ABŞ-dakı qadın istifadəçilərin nisbəti 54 faizdir.

Hindistanın istifadəçiləri ümumi olaraq gənclərdən ibarətdir. Ölkənin gənc əhalisinin çox olduğu düşünülərsə, bu, təəccüblü deyil.

Ümumi olaraq nəzər saldıqda Hindistanın hələ böyümə və inkişaf sahəsi mövcuddur. Gələcək illərdə mobil istifadənin yayılması və internetin əlçatan olması ilə bu nisbətlərdə daha böyük dəyişmələr görə bilərik.

ŞƏRH YAZ
0

Fransa Rusiyanın "Çar borcları"nı bağışladı

Fransa Rusiyanın
12:08
Bu gün
262
Maraqlı
A
Fransanın iqtisadiyyat nazirliyi Rusiya imperiyası dövründən Fransaya qalan borca aid məhkəmə prosesi barədə məlumat verib.

"Ölkə.Az" xəbər verir ki, rəsmi Paris Rusiyaya qarşı bu məsələ ilə bağlı istənilən tələbdə imtina edib. 

Nazirlik bildirir ki, "rus zayomları" ilə bağlı məsələ 1997-ci ildə ləğv edilib. 1997-ci ilə Fransa və Rusiya qarşılıqlı olaraq 1945-ci ilin 9 may tarixinə qədər aralarında yaranan bütün maliyyə borclarından imtina etmişdilər.

Bununla yanaşı maliyyə nazirliyi bəyan edib ki, vətəndaşlarına borcları uğrunda mübarizə aparmağı qadağan edə bilməz.

Qeyd edək ki, fransız investorlarının 400 minə yaxın varisi çar Rusiyasının borclarının Rusiya Federasiyası tərəfindən ödənilməsini tələb ediblər.

Hikmət Həsənov
Ölkə.Az

ŞƏRH YAZ
0

Tarixçilərdən yeni araşdırma — Orta Əsr Avropasında vəba daşıyıcısı kəsəyənlər olmayıb

Tarixçilərdən yeni araşdırma
09:40
Bu gün
774
Maraqlı
A
Bu günə qədər tarixçilərin fikrinə əsasən, Orta Əsr Avropasında vəba kəsəyənlər tərəfindən yayılıb.

"Ölkə.Az" xəbər verir ki, Oslo və Ferara universitetlərinin alimləri yeni tədqiqatın nəticələrini açıqlayıblar. Nəticələrə əsasən, vəba daşıyıcısı kəsəyənlər yox, vəbadan əziyyət çəkən ölkələrin sakinləri olub.

Riyazi modelləşdirmənin köməyi ilə mütəxəssislər yayılmanın 3 üsulunu bərpa ediblər. Riyazi modelləşdirmə tarixi mənbələr, xəstəliyin yayılmasının statistikasına əsaslanıb. Məlum olub ki, vəba xəstəliyi kəsəyənlər, hava və insan paltarı və saçında yaşayan bit və birələr vasitəsilə yayılır.

Real hadisələrə daha çox sonuncu yayılma üsulu uyğun gəlib.

Alimlərin qənaətinə əsasən, gələcəkdə vəbanın yayılmasına qarşı mübarizədə ən vacib faktor gigiyenadır.

Hikmət Həsənov
Ölkə.Az

ŞƏRH YAZ
0
BAĞLA