FAO-dan Azərbaycanda qida təhlükəsizliyi barədə — AÇIQLAMA

FAO-dan Azərbaycanda qida təhlükəsizliyi barədə
23:26
18.07.2018
11419
İqtisadiyyat
A
Qida məhsullarının bütün tədarük zənciri çərçivəsində operatorlara dəstək Azərbaycanda ərzaq təhlükəsizliyinin daha da yaxşılaşdırılmasına imkan verəcək.

"Ölkə.Az" xəbər verir ki, bu barədə Trend-ə müsahibəsində BMT-nin Ərzaq və Kənd Təsərrüfatı Təşkilatının (FAO) Azərbaycandakı Tərəfdaşlıq və Əlaqələndirmə ofisinin rəhbəri Mələk Çakmak deyib.

M.Çakmak qeyd edib ki, qida təhlükəsizliyi üzrə səmərəli və səlahiyyətli agentliyin yaradılması yalnız ilk addımdır:

"Fermerlərə, istehsalçılara, ticarətçilərə və qida məhsullarının tədarük zəncirinin digər subyektlərinə də dəstək verilməlidir. Bunu müxtəlif treninqlərin keçirilməsi, proqramların hazırlanması və müxtəlif sektorlarda səmərəli istehsalat təcrübəsi üçün ümumi qaydaların köməyi ilə, həmçinin ictimaiyyətin daha da məlumatlandırılması üzrə kampaniyalarla və FAO-nun müxtəlif layihələri çərçivəsində digər tədbirlərlə təmin etmək mümkündür. Qida məhsullarının bütün tədarük zənciri çərçivəsində operatorlara dəstək vermək vacibdir".

O əlavə edib ki, bundan başqa, daha mühüm aspektlərdən biri də yeni şərtlərlə lazımi sərhəd nəzarətidir.

FAO-nun Azərbaycandakı fəaliyyətinə də toxunan M.Çakmak bildirib ki, hazırda təşkilat ölkədə fitosanitar yoxlamalar və diaqnostik xidmətlərin gücləndirilməsi üzrə layihələri, torpaqların konsolidasiyası üzrə milli strategiyanın hazırlanmasını və müvafiq pilot layihəni və s. həyata keçirir.

Ofis rəhbəri deyib ki, adıçəkilən və digər layihələr 2019-cu ildə də davam etdiriləcək.

Ölkə.Az

ŞƏRH YAZ
0

8 ayda istehsal edilmiş tikinti materiallarının dəyəri 31,7 faiz artıb

8 ayda istehsal edilmiş tikinti materiallarının dəyəri 31,7 faiz artıb
00:59
Bu gün
231
İqtisadiyyat
A
Yanvar-avqust aylarında tikinti materialları istehsalı sahəsində fəaliyyət göstərən müəssisələr tərəfindən istehsal edilmiş məhsulun ümumi dəyəri 31,7 faiz artaraq 382,9 milyon manat olub.

Dövlət Statistika Komitəsindən "Ölkə.Az"a verilən məlumata görə, hörmə üçün hazır beton qarışığı istehsalı 2,1 dəfə, tikinti əhəngi və sement istehsalı 21,4 faiz, tikinti kərpici istehsalı isə 0,5 faiz artıb.

Eyni zamanda, tikinti gipsi istehsalında 39,5 faiz, betondan yığma tikinti konstruksiyaları istehsalında 57,5 faiz azalma qeydə alınıb.

Ölkə.Az

ŞƏRH YAZ
0

Azərbaycanın ən iri sitrus bağlarında zərərvericilərlə mübarizə aparılır

Azərbaycanın ən iri sitrus bağlarında zərərvericilərlə mübarizə aparılır
00:29
Bu gün
282
İqtisadiyyat
A
Astara rayonunun Tüləgüvən kəndində məhdud dairədə yayılmış karantin tətbiq edilən orqanizmlərlə sirayətlənmiş ərazilərin müəyyən edilməsi və mübarizə işlərinin həyata keçirilməsi istiqamətində fitosanitar tədbirlər həyata keçirilir.

Kənd Təsərrüfatı Nazirliyi yanında Dövlət Fitosanitar Xidmətindən "Ölkə.Az"a verilən məlumata görə, Respublika Bitki Mühafizəsi Mərkəzinin yerli mütəxəssisləri tərəfindən bəzi torpaq mülkiyyətçilərinə məxsus sitrus bağlarında meyvə ağaclarının zərərvericilərlə sirayətlənməsinin müəyyən edilməsi istiqamətində müşahidələr davam etdirilir.

Dövlət büdcəsindən ayrılmış vəsait hesabına 36 hektar naringi bağlarında Kaliforniya qalxanlı yastıcasına (Quadraspidiotus perniciosus Comstosk) qarşı, 28 hektar naringi bağında Avstraliya şırımlı yastıcasına (Icerya purchasi Mask.) qarşı Tiometoksam tərkibli Artiste (0,2 l/1 ha) və Abamektin tərkibli Abam (0,025 l/1 ha) preparatlarından, təsərrüfat subyektləri hesabına isə 200 hektardan çox naringi, Kinkan (Çin limonu) və limon bağlarında adıçəkilən yastıcalara qarşı Dimetoat tərkibli Korumagor 40 EC (2-2,5 l/1 ha), İmidokloprid tərkibli Konfidor və Veftnor preparatlarından istifadə edilməklə kimyəvi mübarizə aparılıb. Ancaq bir çox hallarda sahibkarlar tərəfindən kimyəvi mübarizənin vaxtının və preparatların düzgün seçilməməsi görülən tədbirlərin səmərəsini aşağı salıb ki, bu da sahələrin zərərvericilərlə sirayətlənməsi üçün münbit şərait yaradıb.

Artıq Tüləgüvən kəndində sirayətlənmiş ərazilər Astara rayonu Bitki Mühafizəsi Mərkəzinin mütəxəssisləri tərəfindən nəzarətə götürülüb və torpaq mülkiyyətçilərinə zərərvericilərə və xəstəliklərə qarşı mübarizə tədbirlərinin düzgün aparılması üçün müvafiq tövsiyələr verilib.

Ölkə.Az

ŞƏRH YAZ
0
BAĞLA