Faş olunmuş həqiqətlərin bəziləri zərərinizə işləyəcək

Faş olunmuş həqiqətlərin bəziləri zərərinizə işləyəcək
00:09
08.07.2018
6448
Maraqlı
A
"Ölkə.Az" Milli.Az-a istinadən günün ulduz falını təqdim edir:

Qoç - Günün ilk yarısında qarşınıza qoyduğunuz məqsədə çatmaq üçün əlinizdən gələni edin. Fəqət özünüzə həddən artıq güvənməyin. Təşəxxüs sizi illüziyalara aldanaraq reallıqdan uzaqlaşdıra bilər.

Günün ikinci yarısında vəd və öhdəlikləri unutmayın. Müstəqil fəaliyyət göstərin. Yaxın ətrafınızdakı insanlarla təmaslarda həlim, mehriban olun. Başqalarının mövqelərini nəzərə alın.

Axşam saatlarında evdən kənarda dincəlmək olar.

Buğa - Günün ilk yarısı uğurlu olacaq. Son vaxtlar darıxdığınız insanla görüş və ya sizə əziz insandan xəbərlərin alınması istisna deyil. Maraqlı ideyalardan birini yaxın vaxtlarda dostlar və ya qohumlardan birinin yardımı ilə həyata keçirə bilərsiniz. Yaşam potensialının səviyyəsi yüksəkdir.

Günün ikinci yarısında mənfi təmayüllərin təsiri artacaq. Qəflətən yaranan problemlərdən biri sizi planlarda təcili dəyişikliyə vadar edəcək.

Əsla maraqlanmadığınız işlə məşğul olmaq məcburiyyətində qalacaqsınız. Maliyyə itkiləri istisna deyil.

Əkizlər - Maliyyə problemlərinin həllində süstlük etməyin. Önəmli işlərin çözülməsində başqalarından yardım gözləməyin. Şərik və ya tərəfdaş kömək etmək istəyirsə, təklifi dəyərləndirin. 

Günün ikinci yarısında sizdən yardım istəyəcəklər. Eyni zamanda bilik və bacarıqlarınıza tələbat da artacaq. Qəfil tapşırıq, öhdəlik də istisna deyil.

Sənədləşdirmələrdə, hesabatlarda diqqətli olun. 

Ailə üzvlərinizin səmimiyyət və qayğıya daha çox ehtiyacı var.

Xərçəng - Müsbət təmayüllərin təsiri artır. Gün uğurludur. Emosional fon yaxşı olmadığından əhvalınız tez-tez dəyişəcək. Bədbinliyə qapılmayın. Yaxınlarınızla münasibətlərdə anlaşılmazlıq, fikir ayrılıqları yarana bilər. Ünsiyyətdəki problemlər əhəmiyyətli deyil. Hər şeyi ürəyinizə salmayın.

Günün ikinci yarısında maliyyə məsələlərini həll etmək əlverişli deyil. Alış-veriş zamanı kəskin zərurət duyulmayan əşyalar almayın.

Axşam saatlarında səyahətə və ya səfərə yollanmaq olar. Əhvalınız yaxşılaşacaq.

Yeni tanışlıqlar istisna deyil.

Şir - Sirlərinizi hamı ilə bölüşməyin. Mübhəm nüansları aşkarlamayın. Faş olunmuş həqiqətlərin bəziləri zərərinizə işləyə bilər. Yaxınlarınızla səmimi və açıq olun. Peşəkar fəaliyyət sahəsindəki tapşırıqların detalları barədə çox danışmayın.

Günün ikinci yarısında yaxın gələcəklə bağlı planlarda zəruri dəyişikliklər edə bilərsiniz. Axşam saatlarını həmfikir və ya dostla müzakirələrdə keçirə bilərsiniz.

Əməkdaşlığın yeni istiqamətlərini nəzərdən keçirin.

Kəskin mübahisələrə başlamayın.

Qız - Gün uğurlu olacaq. Səylə və iradə ilə çalışsanız, ciddi uğurlara nail ola bilərsiniz. Əməyinizin bəhrəsini görəcəksiniz. Səfərlər ehtimal olunandan artıq vaxt alacaq. Ailədə fikir ayrılıqları istisna deyil.

Sizi eqoizmdə, laqeydlikdə, yalnız öz maraqlarınızı düşünməkdə suçlayacaqlar.
Günün ikinci yarısında səhhətinizdə problemlər yarana bilər. İmkan, qüvvə və potensialınızı olduğundan artıq dəyərləndirməyin. Axşam saatları fiziki iş və ya idmanla məşğul olsanız, özünüzü ifrat yormayın.

Tərəzi - Yeni sifarişçi və ya müştəri ilə təmaslar olacaq. Bilik və bacarıqlarınızdan maksimum səviyyədə yararlana biləcəyiniz şərait yaranacaq. Məsul tapşırıqlarda səhvlərə yol verməyin.

Günün ikinci yarısında rəqabət artacaq. Biznes sxemi yenilənmə tələb edir. Yeni təmaslar qurduğunuz insanla işbirliyini intensivləşdirin. Sınaqlara sinə gərin.
Emosiyalara uymayın.

Əqrəb - Günün ilk yarısında karyera və yaradıcılıq müstəvilərində yeni perspektivlər açılacaq. Əvvəlki problemlər və sədlər aktuallığını itirir. İrəliləyiş üçün yaxşı imkanlar var.

Günün ikinci yarısında təhsil, təcrübə və informasiyanızı artırın. Şəxsi münasibətlərinizdə harmoniyanın yaranmasını istəyirsinizsə, qarşı tərəfin maraqlarını qulaqardına vurmayın. Yeni təklifləri dəyərləndirmədən razılaşmayın.
Axşam saatlarında səhhətinizdə kiçik problem yarana bilər.

Oxatan - Vəzifə səlahiyyətlərinin icrası zamanı diqqətli olun. Fəaliyyətinizə və kommersiya maraqlarınıza zidd ola biləcək addımlar atmayın. Karyera müstəvisində sürətlə irəliləməyin yollarını arayın. Gəlir mənbələrinin sayını çoxaldın.

Günün ikinci yarısında cəsarətli, eyni zamanda iradəli olun. Fəqət düşünülməmiş riskə varmayın, məntiqsiz addımlar atmayın. Yaxın ətrafınızdakı insanlarla münasibətlərdə əvvəlcədən bəlirlənmiş hədləri keçməyin. Onların fikir və mövqelərini nəzərə alın. Hissiyyatsız eqoist insan təsiri bağışlamayın.
Axşam saatlarında ailənizlə birlikdə istirahət edin.

Oğlaq - Təmkinli və səbirli olun. Gündəlik hadisələrin axarında qəfil olaylar, gözlənilməz məqamlar olacaq. Yanlışlıqlar sizi işdən soyutmasın. Qarşınıza qoyduğunuz məqsədə çatmaq üçün var qüvvənizlə çalışın.

Günün ikinci yarısında işdə rəhbərlik fəaliyyətinizi daha sərt şəkildə izləyəcək.

Ciddi səhvlərə yol verməmək üçün sayıq işləyin. Yeni tərəfdaşlıq, şəriklik və əməkdaşlıq imkanları yaranacaq. Risklərə qapılmayın. Avantüralardan uzaq durun.

Axşam saatlarında stressdən qurtulun.

Dolça - Cari işlərdən usanaraq macəralar aramayın. Riskli işlərə başlamayın. Təcrübəli insanın məsləhətlərinə ehtiyacınız var. Tapşırıq və sifarişləri vaxtında yerinə yetirin. Ləngimələrlə təxirəsalmalar fəaliyyətinizdə ağır fəsadlar yarada bilər.

Günün ikinci yarısında təcrübəli şərikiniz mürəkkəb situasiyada sizə dəstək olacaq. Maliyyə məsələsində ehtiyatlı davranın. Pul müşkülləri şəxsi münasibətlərə mənfi təsir edəcək.

Balıqlar - Günün ilk yarısı aktiv fəaliyyət üçün əlverişlidir. İşlərinizdə yeni perspektivlər görəcəksiniz. Layihə çərçivəsində fərqli istiqamətləri sezə bilin. 

Günün ikinci yarısında yeni tanışlıqlar, şanslar və imkanlar istisna deyil. Qeyri-adi ideyanı dərhal rədd etməyin. Ailə üzvlərinin planlarından hali olun.
İşgüzar niyyətlərinizi yeniləyin.

Ölkə.Az

ŞƏRH YAZ
0

Yaxınlarınız sizi mübahisələrə cəlb edəcəklər — Günün ulduz falı

Yaxınlarınız sizi mübahisələrə cəlb edəcəklər
01:16
16.12.2018
40295
Maraqlı
A
"Ölkə.Az" milli.az-a istinadən günün qoroskopunu təqdim edir.

Qoç - günün ilk yarısı məhsuldar keçəcək. Səfər və ya ezamiyyət uğurlu alınacaq. Təşəbbüskar olun, məsuliyyət tələb edən qərarlarda vasvasılıq etməyin. Emosiyaların asanlıqla nəzarətdən çıxdığını unutmayın.

Günün ikinci yarısında peşəkar müstəvidəki fəaliyyətinizi aktivləşdirin.

Yaxınlarınız sizi mübahisələrə cəlb edəcəklər. Onlar kiminsə tərəfini tutmağınızı istəyirlər. Belə fellərə uymayın. İncikliyi unudun, ötənlərin yükündən qurtulun.

Axşam saatlarında dostlar qəflətən qonaq gələ bilərlər.

Buğa - kiçik problemlər və uyarsızlıqlar sizi uzaqlara yollanmağa, tənha qalmağa vadar etməsin. Bəzi adamların yaramaz hərəkətləri ilə qarşılaşanda hamıdan və hər kəsdən narazı qaldığınızı göstərməyə dəyməz.

Günün ikinci yarısında yaxınlarınızla ünsiyyətdə çətinliklər yarana bilər. Münasibətləri yalnız səmimi söhbət, müzakirə, əməkdaşlıq cəhdləri yaxşılaşdıra bilər. Axşam saatlarında ailə üzvlərindən birinin problemlərini həll etmək gərəkdir.

Çətinlikləri aradan qaldırın.

Əkizlər - cari məsələlərin həlli və qayğıların çözülməsi aktiv fəaliyyət tələb edir. Ən adi məsələlərdə müşkül durum yarana bilər. Təmkinli olun, soyuqqanlı davranın. Bələd olmadığınız insanla söhbətdə emosional fərd təsiri bağışlamayın.

Günün ikinci yarısında ailə qayğıları əlavə zaman və qüvvə tələb edir. Axşam saatlarını evdən kənarda, dostlar və yaxınlarınızla keçirin. Romantik şam yeməyi sizdə məmnunluq hissi yaratmayacaq. İllüziyalara qapılmayın.

Xərçəng - çoxsaylı imkanlara və cazibədar şanslara rəğmən bir işi seçin. Bütün diqqəti həmin işin başa çatdırılmasına, effektiv görülməsinə yönəldin. Diqqətli olun. Adi günlərdə səbrinizin çatmayacağı mürəkkəb, intellektual prosesi tamamlandırın.

Günün ikinci yarısında yaşamdakı situasiyalarla bağlı yaxınlarınızın mövqeləri fərqli ola bilər. Bu səbəbdən də haqlı olduğunuzu hər vəchlə sübuta yetirməyə çalışmayın. Belə davranış gərəksiz qarşıdurmalara və ruhi müvazinətin pozulmasına səbəb ola bilər.

Şir - düşünülmüş, səbatlı qərarların reallaşdırılması üçün yaxşı zamandır. İşlərdə ləngimələr və gecikmələr ola bilər. Gəlirlərdə azalma müşahidə olunacaq. Enerji və həddən artıq vaxt tələb edən layihəyə başlamaq üçün münasib zaman deyil.

Ticarət, kommersiya, sahibkarlıq müstəvilərində sayıq olun.

Günün ikinci yarısında mənasız və səbəbsiz inadkarlıq münasibətlərdə problemlər yarada bilər. Ən yaxın bildiyiniz insandan laqeyd, başdansovdu cavablar eşidəndə sinirlənə bilərsiniz. Halbuki, dediklərinizi normal kəlmələr sanırsınız.

Qız - yaşam ritmini köklü şəyildə dəyişməyin. Mütləq şəkildə uğur əldə etmək üçün sizə xas olmayan hərəkətlər etməyin. Özünüzə sadiq qalın, amma mümkün problemi qulaqardına vurmayın. Yaxşı hazırlaşın, yalnız düşünülmüş qərarlar verin. Yaşam arealında qayda yaradın, diqqətinizi cəmləyin.

Günün ikinci yarısında sərvaxt davranın. Bu gün ailə qayğılarını yaxınlarınıza həvalə edə bilməyəcəksiniz. Məişət problemini özünüz həll edin. Qətiyyətli olun, təmkinli və əzmli davranın.

Tərəzi - danışıqlar və müzakirələr aparmaq üçün yaxşı zamandır. Planlarınız barədə addımbaşı danışmayın. Bununla belə, etibarlı yardımçı və köməkçi aramalısınız.

Planları dəyişməyin. Görüləsi işlərin siyahısını hazırlayın, həmin siyahıya bənd-bənd riayət edin.

Günün ikinci yarısında diqqətli olun. Önəmli məqamları nəzərdən qaçırmayın.

Yaxın perspektivə hesablanmış işlərdə yaxınlarınız sizi dəstəkləyəcəklər. Yaşam arealında təmir və rekonstruksiya aparmaq olar.

Axşam saatlarını sakit keçirməyə çalışın. Romantikaya ifrat aludə olmayın.

Əqrəb - maliyyə hesabatları və işgüzar danışıqlar üçün yaxşı zamandır. Səhiyyə sahəsində çalışırsınızsa, işləriniz lap əla olacaq. Məhkəmə-hüquq problemlərini həll etmək, iddialara cavab vermək olar. Uzunmüddətli istifadə üçün texnikanın alışını ertələyin.

Günün ikinci yarısnıda bədxərclik etməyin. Yaxınlarınızla münasibətləriniz arxa plana keçəcək. Sevdiyiniz insanın soyuqqanlı davranışından inciməyin, nədənsə şübhələnməyin.

Hər şey qarşılıqlıdır. Bunu unutmayın.

Oxatan - bəzi məsələlər dəqiqlik, müəyyənlik tələb edir. Başladığınız işi yaxşı yerinə yetirmək üçün nə etməli olduğunuzu tam anlamalısınız. Sual verməkdən, nə isə soruşmaqdan çəkinməyin. Detallarla təfərrüatları qulaqardına vurmayın.

Günün ikinci yarısında problemlərin həllinə diqqətli yanaşma peşəkar olduğunuzu göstərəcək.

Şəxsi münasibətlərdə də prinsiplərinizə sadiq olun. Sevdiyiniz insanla təmaslarda mümkün qədər həssas, anlamlı olun. Axşam saatları romantik hisslər vəd edir.

Oğlaq - tədqiqat, elm və ya səhiyyə sahəsində çalışırsınızsa, uğurlu situasiyadan yararlanmağa cəhd göstərin. Addım atmaq və ya qərar verməzdən əvvəl yaxşıca düşünün. Səlis, dəqiq qərarlar verin. Qeyri-formal müzakirələr üçün yaxşı zamandır.

Günün ikinci yarısında sizdən məsləhət, yaxınlarınızdan birinin problemlərinin həllində fəal iştirak tələb olunacaq.

Kimsədən nə isə uymayın, istəməyin. Sevdiyiniz insandan adekvat cavab almaq asan deyil. Ailə ilə bağlı vədlərinizi unutsanız, yaxınlarınız kəskin narazılıqlarını bildirəcəklər.

Dolça - məsuliyyətsiz davranış və düşünülmədən deyilən sözlər yaxın ətrafınızdakı insanlarla münasibətlərinizi gərə bilər. O insanlar dediklərini unutmayacaqlar.

Uğura kor-koranə şəkildə bel bağlamayın.

Rasional olun. Problemlərin həllinə konstruktiv yanaşın.

Günün ikinci yarısında yaxın ətrafınızdakı insanların problemlərinin həllinə ifrat vaxt ayırmayın. Axşam saatlarında əyləncəyə yollanmaq olar. Səhhətinizə fikir verin. Enerji potensialı səviyyəsinin aşağı düşməsi əhvalınıza təsir edəcək.

Balıqlar - uzunmüddətli işə və ya layihəyə başlamaq üçün çox əlverişli zamandır. Xərcləri nizama salın. Təşkilati və istehsalat məsələlərini həll edin. İşdə rəhbərliklə ünsiyyətdə hiyləgərlik etməyin.

Karyeranızın asılı olduğu insanla səmimi danışın.

Günün ikinci yarısında etibar etdiyiniz insanla problemləri müzakirə etsəniz, anlayışla qarşılanacaqsınız.

Gündəlik işləri və təsərrüfat qayğılarını dəyər verdiyiniz insanla çözməyə çalışın. Ailə üzvləri ilə səmimi olun.

Ölkə.Az

ŞƏRH YAZ
0

Bu dalğıcın xəstəliyi tibb dünyasını heyrətə saldı — FOTO

Bu dalğıcın xəstəliyi tibb dünyasını heyrətə saldı
22:09
15.12.2018
21930
Maraqlı
A
Peruda bir dalğıcın üzləşdiyi xəstəlik tibb dünyasını heyrətə salıb.

"Ölkə.Az" bildirir ki, Peruda maraqlı bir hadisə yaşanıb.

Peşəkar olaraq dalğıclıqla məşğul olan 56 yaşlı Alexandro Ramosun suyun altında başına gələnlər onun həyatını tamamilə dəyişdirib.

Dörd il öncə dalğıc suyun altında olarkən bir gəmi tərəfindən təmiz hava borusu qoparılıb.  

O, gözlərini açan zaman xəstəxanada olduğunu anlayıb. Məlum olub ki, dalğıc suyun altında olduğu zaman dərinliyin qəfil azalması səbəbindən qanındakı azot damarlarını qapayıb və beyninə oksigen getməyib. Bu səbəbdən, əsasən, sinəsi və çiyinlərində şişlər əmələ gəlməyə başlayıb. Getdikcə daha da böyüyən şişlər Ramosu cizgi film qəhramanı Təməl rəisə bənzədib.

Şiddətli ağrılar hiss etməsinə baxmayaraq, həkimlər hələ də onun dərdinə çarə tapa bilməyiblər.

Ölkə.Az

ŞƏRH YAZ
0
BAĞLA