Faşist Breyvik Ermənistanda qəhrəmana çevrilib — Portreti Yerevanda sərgilənib

Faşist Breyvik Ermənistanda qəhrəmana çevrilib
15:14
09.08.2019
1397
Siyasət
A
Amansız qatil, terrorçu, məhkum olunmuş cinayətkar Anders Breyvik Ermənistanda qəhrəmana çevrilib. O, erməni rəssam Maksim Qikinyan üçün ilham mənbəyidir. Rəssam “Terlemezyan xatirələri” adlı sərgidə Breyvikin portretini Ermənistanın bayrağı fonunda sərgiləyib.

Terlemezyan məktəbini 40 il əvvəl bitirmiş yeddi məzunun işləri orada təqdim olunub. Lakin məhz bu “iş” diqqət mərkəzində olub.

Müasir faşizmin rəmzinə çevrilmiş Anders Breyvik hansı səbəbdən bu cür diqqətə layiq görülüb?

Ermənistan mətbuatının məlumatına görə, norveçli terrorçu “Yaşasın Ermənistan” ifadəsini işlədib. Buna görə də 70 yaşlı M.Qikinyan Breyvikin rəsmini çəkməklə hansısa səhvə yol verdiyini hesab etmir.

“O, (Breyvik – red.) özünün ağır vəziyyətində erməni xalqını unutmayıb. Onu ittiham edirlər, o “günahkar deyiləm” deyir”, - erməni rəssam qeyd edib.

Əlbəttə ki, M.Qikinyan yalan danışır. 2017-ci ildən Fyotolf Hansen adı ilə məşhur olan Anders Berinq Breyvik Norveç milliyyətçisi, protestant fundamentalisti, 2011-ci il iyulun 22-də Oslonun mərkəzində partlayışın və Norveçin hakim Əmək Partiyasının gənclər düşərgəsinə hücumun təşkilatçısı və icraçısıdır.

O, törətdiyi cinayətləri etiraf edib. Sadəcə olaraq, kütləvi qətlin cinayət olduğunu hesab etmir. Bu isə ASALA terrorçularını mədh edən erməni ideologiyası ruhuna tam uyğundur. O, 77 nəfərin qətlində və 151 nəfərin (aralarında xeyli sayda yeniyetmə var) xəsarət almasında təqsiri olduğunu etiraf edib, lakin bunun cinayət olduğunu düşünmür.

Breyvik 2012-ci il avqustun 24-də təqsirkar bilinərək 21 il müddətinə (Norveçdə maksimum həbs müddətidir) azadlıqdan məhrum edilib. İla həbsxanasına yerləşdirilən Breyvikin həbs müddəti qeyri-məhdud müddətə uzadıla bilər.

Ermənistanın Rəssamlar İttifaqı sosial şəbəkələrdə qalxan səs-küyü “təxribat” adlandırıb.

İttifaqın sədri Suren Safaryan qeyd edib ki, qurum sərgini təşkil etməyib, sadəcə olaraq, sərginin keçirilməsi üçün məkan ayırıb (!) və belə olan halda İttifaq rəssama hansısa rəsm əsərini təqdim etməyi qadağan edə bilməz.

Breyvik erməni yeniyetməni öldürsəydi, çətin ki, bu, mümkün ola bilərdi. Amma o, gürcüstanlı qız Tamta Lipartelianini soyuqqanlı şəkildə güllələyib. Lakin bu, erməni tərəfini maraqlandırmır. Əsas odur ki, Breyvik Ermənistanı tərifləyib.

Ölkə.Az

ŞƏRH YAZ
0

İlham Əliyev İsveçrə Prezidenti ilə görüşdü

İlham Əliyev İsveçrə Prezidenti ilə görüşdü
00:57
Bu gün
275
Siyasət
A
Azərbaycan Respublikasının Prezidenti İlham Əliyevin yanvarın 22-də Davosda İsveçrə Konfederasiyasının Prezidenti xanım Simonetta Sommaruqa ilə görüşü olub.

"Ölkə.Az" xəbər verir ki, bu barədə Azərbaycan Prezidentinin Mətbuat Xidməti məlumat yayıb.

ŞƏRH YAZ
0

Rövnəq Abdullayev Zelenski ilə görüşdü

Rövnəq Abdullayev Zelenski ilə görüşdü
00:07
Bu gün
339
Siyasət
A
Ukrayna Prezidenti Vladimir Zelenski Davosda ARDNŞ-in Prezidenti Rövnəq Abdullayev ilə görüşüb.

"Ölkə.Az" APA-ya istinadən xəbər verir ki, bu barədə Ukrayna Prezident Administrasiyasının mətbuat xidməti məlumat yayıb.

Məlumatda bildirilir ki, V.Zelenski və Rövnəq Abdullayev Ukraynanın infrastruktur layihələrinə, müəssisələrinə investisiya qoyulması, habelə Ukraynanın qaz nəqli imkanları barədə müzakirə aparıblar.

Ukrayna prezidenti ötən ilin dekabr ayında Azərbaycana səfərini xatırladaraq bu səfərin məhsuldar olduğunu deyib: “İnanıram ki, bu görüş ölkələrimiz arasındakı münasibətləri yeni mərhələyə qaldırdı”.

Tərəflər ARDNŞ ilə yeni layihələri, Ukrayna prezidentinin Azərbaycana səfəri zamanı imzalanmış müqavilələrin icrasını müzakirə ediblər.

Ölkə.Az

ŞƏRH YAZ
0
BAĞLA