Fatih Terim futbol üzrə Türkiyə milli yığmasının heyətini təsdiqlədi

 "Ölkə.Az" xəbər verir ki, təsdiqlənən heyət Finlandiya və Moldova ilə oyunlarda meydançaya çıxacaq.

Türkiyə milli yığması 24 mart tarixində Antalyada Finlandiya, 27 martda isə Eskişehirdə Moldova ilə yarışacaq.

Yeni heyətdə 4 "Fənərbaxça", 3 "Beşiktaş", 2 "Galatasaray" futbolçusu var. Fatih Terim "Kayserispor" klubundan Güray Vural və Deniz Türüç, "Gençlerbirliyi" komandasından isə Serdar Gürleri əsas heyətə cəlb edib.

Əvvəlcədən heyətə dəvət edilən Yalçın Ayhan, Bilal Başacıkoğlu, Hasan Ali Kaldırım və Tolga Ciğerci bu dəfə Terim tərəfindən oyunlara cəlb edilməyəcək. Futbolçu Burak Yılmaz isə zədəli olduğu üçün heyətə dəvət edilməyib.

Terimin yeni milli yığma heyətində bu futbolçular yer alıb:

Harun Tekin, Onur Recep Kıvrak, Volkan Babacan, Göhkan Gönül, Şener Özbayraklı, Ahmet Yılmaz Çalık, Çağlar Söyüncü, Mehmet Topal, Ömer Toprak, Güray Vural, İsmail Köybaşı, Emre Mor, Serdar Gürler, Arda Turan, Deniz Türüç, Emre Çolak, Kaan Ayhan, Oğuzhan Özyakup, Okay Yokuşlu, Selçuk İnan, Cengiz Ünder, Olcay Şahan, Volkan Şen, Cenk Tosun, Esen Ünal, Yunus Mallı.

Hikmət
Ölkə.Az