Fatih Terimlə kürəkənləri restorana basqın etdi — işə polis qarışdı

Fatih Terimlə kürəkənləri restorana basqın etdi
20:48
15.07.2017
12
İdman
A
Türkiyə millisinin baş məşqçisi Fatih Terimlə kürəkənləri restoranlardan birinə basqın edib.

Ölkə.Az axşam.az-a istinadən xəbər verir ki, onlar Yüzevlər adlı restoranın sahibini və 5 nəfər işçisini döyüblər. Üstəlik stol-stullar qırılıb, yumruq davası çıxıb. Yaralılar polisə şikayət ərizəsi yazıblar.

Dava isə "Yüzevlər"lə qonşuluqda yerləşən "Beeves" restoranının sahibi, Fatih Terimin kürəkəni Ahmet Baran Çetinin iki məkan arasına həsir sədd çəkməsindən sonra başlayıb. Bu səbəbdən bələdiyyəyə şikayət edilib və Çetin şikayətçinin "Yüzevlər"in sahibi Selahattin Aydoğdu olduğunu düşünüb. Terim Aydoğdudan şikayət etməsinin səbəbini soruşduqda qarşı tərəf "Mən etməmişəm. Amma sizdən də qorxum yoxdur" cavabını verib. Bu sözlərdən əsəbiləşən Terimlə kürəkənləri "Yüzevler"ə hücum edib.
 
Aydoğdu tərəfindən polisə şikayət edildikdən sonra Fatih Terimin adamları ondan şikayətini geri çəkməsini tələb ediblər. Amma restoran sahibi geri addım atmaq niyyətində olmadığını bildirib.

ŞƏRH YAZ
0

""Qarabağ"ın uduzacağını Əmrah Çəlikələ də demişdim"

22:58
15.12.2017
369
İdman
A
Xəbər verdiyimiz kimi, "Sumqayıt" Azərbaycan kubokunun ¼ final mərhələsində "Qarabağ"a 2:0 hesabı ilə qalib gələrək yarımfinala yüksəlib.

Ölkə.Az "qafqazinfo"-ya istinadən xəbər verir ki, oyundan sonra Peşəkar Futbol Liqasının prezidenti Ramin Musayev jurnalistlərin suallarını cavablandırıb. Musayev ilk olaraq oyun haqda danışıb:

"Baxımlı, əzmkar oyun oldu. "Sumqayıt" layiqli qələbə qazandı. Baxmayaraq ki, komandanın baş məşqçisi Samir Abasov ölkə hüdudlarından kənardadır. Ona işiylə bağlı uğurlar diləyirəm.

- Bu nəticəni gözləyirdiniz?

- Desəm ki, gözləyirdim, inanmayacaqsınız. Amma bunu gözləyirdim. "Qarabağ"ın uduzacağını Əmrah Çəlikələ də demişdim (gülür).

- "Sumqayıt"ın paltardəyişmə otağına daxil olanda səs-küy qopdu. Nə baş verirdi?

- Komandanı təbrik etdim. Hamısı yerli futbolçularımızdır.Təbrik etmək ixtiyarımız yoxdur?

- Adətən belə səs-küy mükafat veriləndə olur...

- Mükafat üçün pul var? Olsa verərəm (gülür). Pul olsa, böyük məmnuniyyətlə verərdim. Amma maddi sıxıntılar var. Büdcəmizdə qırmızı işıq yanır.

ŞƏRH YAZ
0

"Sumqayıt"dan sensasiyalı qələbə — "Qarabağ"ı kubokdan kənarlaşdırdı

22:43
15.12.2017
366
İdman
A
Bu gün Azərbaycan Kubokunda 1/4 final mərhələsinə yekun vurulub.

Ölkə.Az qol.az-a istinadən xəbər verir ki, keçirilən iki oyunla bütün yarımfinalçılar bəllli olub.

Günün ilk oyununda "Səbail" "Qəbələ"ni qəbul edib. Öz meydanında keçirilən ilk oyunda 1:0 hesablı qələbə qazanan "Qəbələ" cavab matçında da 4:2 hesabı ilə qalib gələrək yarımfinala yüksəlib. Roman Qriqorçukun komandası yarımfinalda "Neftçi" ilə qarşılaşacaq.

Digər görüşdə - ilin son qarşılaşmasında  isə "Qarabağ" "Sumqayıt"ın qonağı olub. Oyun "Sumqayıt"ın sensasiyalı qələbəsi ilə nəticələnib - 2:0. Beləliklə, son üç mövsümdə "qızıl dubl" edən "Qarabağ" gözlənilmədən kubokla vidalaşıb.

 

15 dekabr (cümə)

19:00.“Sumqayıt” – “Qarabağ” - 2:0 
Qol: Kamal Mirzəyev, 22, Amil Yunanov, 90 
İlk oyun - 1:2
Hakimlər: Rəhim Həsənov, Akif Əmirəli, Namiq Hüseynov, Elvin Əsgərov
“Kapital Bank Arena”

16:00.“Səbail” – “Qəbələ” - 2:4 
Qollar: Adrian Popoviçi, 16 (1:0), Filip Ozobiç, 22 (1:1), Ruslan Qurbanov, 44 (1:2), Famussa Kone, 56 (1:3), Baqali Dabo, 75 (1:4), Elman Taqayev, 78 (2:4)
İlk oyun - 0:1
Hakimlər: İnqilab Məmmədov, Rahil Ramazanov, Nahid Əliyev, Nail Nağıyev
“Bayıl Arena”

 

14 dekabr (cümə axşamı)


"Neftçi” – “Zirə” - 2:0 
İlk oyun - 0:1

“Kəpəz” – “Keşlə” - 2:3
İlk oyun - 0:2
 

 Yarımfinal cütlükləri

"Keşlə" - “Sumqayıt” 

“Neftçi”  – “Qəbələ”

Yarımfinallın oyunları 11-18 aprel tarixlərində keçiriləcək.

ŞƏRH YAZ
0
BAĞLA