Fazil Məmmədovun qudası işdən çıxarıldı

Fazil Məmmədovun qudası işdən çıxarıldı
12:01
14.01.2018
8139
Ölkə
A
Vergilər naziri Mikayıl Cabbarovun bir neçə gün öncə qeyri-müəyyən müddətə məzuniyyətə göndərdiyi nazir müavini Namiq Əliyev rəsmən vəzifədən kənarlaşdırılıb.

Ölkə.Az-ın mia.az-a istinadən yaydığı xəbərə görə, nazir müavininin işdən çıxarılması ilə bağlı müvafiq sərəncam yanvarın 12-də verilib.  

Qeyd edək ki, N.Əliyev keçmiş vergilər naziri Fazil Məmmədovun qudasıdır. Belə ki, keçmiş nazirin qızı nazir müavininin oğlu ilə ailə qurub.

Ölkə.Az

ŞƏRH YAZ
0

İkinci əl avtomobillərə tələb artıb — SƏBƏB + VİDEO

İkinci əl avtomobillərə tələb artıb
01:15
Bu gün
831
Ölkə
A
"Ölkə.Az" xəzər tv-yə istinadla xəbər verir ki, hazırda paytaxtda ikinci əl avtomobil satan salonlara tələb kifayət qədər çoxdur.

Məsələn, avtomobillərdən birinin istehsal ili 2018-dir. Təzəsinin qiyməti 180 min dollar olduğu halda, bu, bir neçə ay sürülüb və cəmi 210 km. yol qət edib. Qiyməti isə 155 min dollardır. Yəni təzəsindən 25 min dollar uzuc, həm də zəmanəti var.

Avtomobil ustası Sahil Ağabəyli də təzəsini almaqdansa, pula qənaət məqsədilə az istifadə edilən avtomobilləri almağı tövsiyə edir. Ancaq sürücülərin aldana biləcəyini və ona görə də mütləq zəmanəti olan avtomobillərə üstünlük vermələrini məsləhət görür.

Avtomobil bazarını araşdıran Sərxan Qədirov isə deyir ki, ölkəmizdə Koreya və Yaponiya istehsalı olan avtomobillərin satışı geniş yayıldığı üçün bu kimi hallar həmin avtomobillərdə daha çox müşahidə edilir.

Onu da qeyd edək ki, belə avtomobillərə tələb böyük olduğundan onları tapmaq da asan olmur.

Ölkə.Az

ŞƏRH YAZ
0

Cocuq Mərcanlıda 25 ildən sonra məhsul istehsalına başlanılıb — VİDEO

Cocuq Mərcanlıda 25 ildən sonra məhsul istehsalına başlanılıb
00:19
Bu gün
1307
Ölkə
A
Cəbrayıl rayonunun Cocuq Mərcanlı kəndində 25 ildən sonra ilk dəfə kənd təsərrüfatı məhsulları becərilib.

"Ölkə.Az" xəzər tv-yə istinadəla xəbər verir ki, bir müddət əvvəl İqtisadiyyat Nazirliyinin və Türkiyənin Azərbaycandakı səfirliyinin birgə həyata keçirdiyi layihələr çərçivəsində kənddə istixana təsərrüfatları yaradılmışdı. Burada hər biri 160 kvadratmetr sahəyə malik polietilen örtüklü, tunel tipli 15 istixana qurulmuşdu. Artıq 25 ildir ki, əkilməyən həmin torpaqlardan bol məhsul əldə edilib.

Cocuq Mərcanlı fermerlərinə dəstək məqsədilə istixanalarda yetişdirilmiş 1100 kiloqram xiyar Dövlət Aqrar Ticarət Şirkəti tərəfindən satın alınıb. Bununla yanaşı, fermerlər məhsulun pərakəndə satışını da həyata keçirirlər.

Fermerlər növbəti illərdə digər kənd təsərrüfatı məhsulları da becərmək niyyətindədirlər.

Təsərrüfatlardan əldə olunacaq məhsulların satışına dəstək məqsədilə Dövlət Aqrar Ticarət Şirkəti ilə Cocuq Mərcanlı fermerləri arasında razılıq əldə olunub. Bu məqsədlə sözügedən qurumla fermerlər arasında memorandum imzalanacaq.

Ölkə.Az

ŞƏRH YAZ
0
BAĞLA