FED uçot dərəcəsini yenə endirdi

FED uçot dərəcəsini yenə endirdi
07:30
31.10.2019
1407
İqtisadiyyat
A
ABŞ-ın Federal Ehtiyat Sistemi (FED) uçot dərəcəsini endirib.

“Ölkə.Az” xəbər verir ki, ölkənin mərkəzi bankı funksiyalarını yerinə yetirən Federal Ehtiyat Sistemi uçot dərəcəsini 1,5-1,75%-ə qədər endirib.

Qeyd edək ki, FED il ərzində artıq 3-cü dəfədir ki, uçot dərəcəsini azaldır. Ekspertlər uçot dərəcəsinin endiriləcəyini proqnozlaşdırırdılar.

Daha əvvəl Federal Ehtiyat Sisteminin sədri Cerom Pauel deyib ki, rəhbərlik etdiyi qurum iqtisadiyyatda tənəzzül gözləmir. O, bu ilin yekununda ABŞ-da ümumi daxili məhsulun ötən ilin yekunu ilə müqayisədə 2%-2,5% artacağını qeyd edib.

Ölkə.Az

ŞƏRH YAZ
0

Mərkəzi Bankdan 100 milyon manatlıq addım

Mərkəzi Bankdan 100 milyon manatlıq addım
22:28
28.01.2020
364
İqtisadiyyat
A
Yanvarın 29-da Azərbaycan Mərkəzi Bankı (AMB) tərəfindən vəsaitlərin cəlb edilməsi üzrə depozit hərracı keçiriləcək.

"Ölkə.Az" xəbər verir ki, hibrid hərracda 100 000 000 (yüz milyon) manat məbləğində vəsaitin cəlbi nəzərdə tutulur.

Depozit hərracının müddəti 28 gündür.

"Bloomberg" ticarət sistemində keçiriləcək hərrac üzrə faiz dərəcələri 5,76% - 7,49% faiz təşkil edir.

Ölkə.Az

ŞƏRH YAZ
0

“Fitch” SOCAR-ın reytinqini təsdiqləyib

“Fitch” SOCAR-ın reytinqini təsdiqləyib
20:15
28.01.2020
444
İqtisadiyyat
A
“Fitch” beynəlxalq reytinq agentliyi Azərbaycan Dövlət Neft Şirkətinin uzunmüddətli defolt reytinqini (IDR) və təmin edilməmiş borc reytinqini “BB+” səviyyəsində təsdiqləyib.

"Ölkə.Az" report-a istinadən xəbər verir ki, bu barədə agentliyin açıqlamasında bildirilir.

Qurumun şirkətin reytinqi üzrə proqnozu isə “Sabit”dir.

Qeyd edək ki, SOCAR-a verilmiş reytinq Azərbaycanın suveren reytinqinə uyğundur. 

Bildirilib ki, SOCAR-ın ölkədəki əksər neft-qaz layihələrində minoritar payı var, bundan başqa şirkət dövləti təmsil edir və dövlətin payına düşən mənfəət neftinin və qazının satışını həyata keçirir: “Əlavə olaraq, SOCAR-ın dövlətin dəstəklədiyi Cənub Qaz Dəhlizi kimi əsas enerji layihələrdə də payı var”.

Qeyd edilib ki, 2018-ci ildə dövlətin gəlirlərində SOCAR tərəfindən ödənilən verginin payı 10% təşkil edib: “Dövlətin payına düşən və Azərbaycan Dövlət Neft Fonduna transfert olunan mənfəət neftinin satışından əldə olunan məbləğ dövlətin gəlirlərinin 80%-ni təşkil edib. 2017-ci ildə isə mıbfəət neftinin gəlirlərləd payı 65% olub. Artım beynəlxalq bazarlarda neftin qiymətinin qalxması ilə bağlıdır”, - hesabatda qeyd edilib.

Bildirilib ki, reytinqin dövlətə uyğunluğu SOCAR-ın sosial rolu ilə də bağlıdır. Agentliyin analitikləri bildirib ki, onun əsas funksiyalarından biri yanacağın istehsalı və daxili bazarda tənzimlənmiş qiymətlərdə satışıdır. “Bu, şirkətin əməliyyat xərclərini ödəsə də, beynəlxalq qiymətlərdən aşağıdır. Bildirilib ki, SOCAR Azərbaycanda 50 mindən çox insanı işlə təmin edir”,- “Fitch”in hesabatında qeyd edilib.

Agentliyin analitikləri hesab edir ki, SOCAR-ın yüksək levereci avtonom kredit profili “b+” olaraq məhdudlaşsa da onun biznes profili güclüdür və “bb” kateqoriyasına uyğun gəlir.

Ölkə.Az

ŞƏRH YAZ
0
BAĞLA