Fədayə Laçının həbs müddəti artırıldı

Fədayə Laçının həbs müddəti artırıldı
15:08
17.05.2018
1106
Ölkə
A
Bakıda 2 məhbusun qaçmasında təqsirləndirilərək həbs edilən müğənni Fədayə Laçının həbs müddəti yenidən uzadılıb.

“Ölkə.Az” xəbər verir ki, bunu Trend-ə isaçıqlamasında F.Laçının vəkili Türkel Süleymanlı deyib.

Vəkil bildirib ki, Nəsimi rayon məhkəməsi istintaq orqanının təqdimatı əsasında F.Laçının barəsində seçilmiş həbs-qətimkan tədbirinin müddətini daha 3 ay uzadıb. Həbs müddəti avqustun 23-dək artırılıb.

Xatırladaq ki, ötən il oktyabrın 23-də Bakıda məhbusların qaçması faktı ilə bağlı Baş Prokurorluğun Ağır Cinayətlərə Dair İşlər üzrə İstintaq İdarəsində başlanılan cinayət işi üzrə F.Məmmədova təqsirləndirilən şəxs qismində cəlb olunaraq Nəsimi Rayon Məhkəməsinin qərarı ilə barəsində həbs qətimkan tədbiri seçilib. Onun barəsində Cinayət Məcəlləsinin 304.2.1-ci (mühafizə altında olan şəxsə qaçmağa yardım etmə, qabaqcadan əlbir olan bir qrup şəxs tərəfindən törədildikdə) maddəsi ilə cinayət işi başlanılıb. Nəsimi Rayon Məhkəməsinin qərarı ilə F.Laçın barəsində üç ay müddətinə həbs qətimkan tədbiri seçilib. Bundan qabaq, F. Laçın barədə olan həbs qərarı bir dəfə uzadılıb və onun həbs müddəti mayın 23-də başa çatırdı.

ŞƏRH YAZ
0

Nazirlik sürüşmə zonası ilə bağlı yeni məlumat yaydı

Nazirlik sürüşmə zonası ilə bağlı yeni məlumat yaydı
21:29
15.10.2018
1338
Ölkə
A
Badamdardakı sürüşmə sahəsində ümumi dinamikada gərginlik qalmaqdadır.

Bu barədə "Ölkə.Az"a Ekologiya və Təbii Sərvətlər Nazirliyi tərəfindən yaradılan Qərargahdan məlumat verilib.

"Sürüşmə zonasında saat 21-00-a olan monitorinqlərin nəticəsinə əsasən, sürüşmə sahəsi üzərində asılı qalmış süxurların xırda hissələrinin yamaca doğru hərəkəti yenə də müşahidə edilir. Ümumi dinamikada gərginlik qalmaqdadır", - deyə məlumatda bildirilir.

Ölkə.Az

ŞƏRH YAZ
0

Çaylarda suyun səviyyəsi açıqlanıb

Çaylarda suyun səviyyəsi açıqlanıb
20:00
15.10.2018
1390
Ölkə
A
Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə, ötən günlər ərzində yağan yağış nəticəsində respublikanın bəzi çaylarında, xüsusən də, Lənkəran-Astara bölgəsi çaylarında sululuğun artımı müşahidə olunub. Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 55-65, Kiçik Qafqazın çaylarında 30-80, Lənkəran-Astara çaylarında 50-70, Naxçıvan Muxtar Respublikası çaylarında 5 faizini təşkil edir.

Departamentdən "Ölkə.Az"a bildiriblər ki, oktyabrın 15-də Kür çayının Qıraqkəsəmən məntəqəsində suyun səviyyəsində dəyişiklik müşahidə olunmayıb. Hazırda məntəqədə su sərfi saniyədə 110 kubmetr olmaqla ongünlük normanın 65 faizini təşkil edir. 2017-ci ildə isə bu rəqəm saniyədə 167 kubmetr təşkil etməklə ongünlük normanın 99 faizinə bərabər olub.

Qanıx çayının Əyriçay məntəqəsində suyun səviyyəsində dəyişiklik müşahidə edilməyib. Hazırda məntəqədə su sərfi saniyədə 65 kubmetr olmaqla ongünlük normanın 61 faizini təşkil edir. Ötən il isə bu göstərici saniyədə 101 kubmetr təşkil edərək ongünlük normanın 94 faizinə bərabər olub.

Oktyabrın 15-də Kür çayının aşağı axınında suyun səviyyəsində əsasən artım qeydə alınıb. Belə ki, Kür çayının Surra məntəqəsində 6, Salyanda 2, Araz çayının Novruzlu məntəqəsində 7 santimetr artım müşahidə olunub. Lakin suyun səviyyəsi Şirvanda 2, Bankədə isə 1 santimetr azalıb.

Hazırda Surra məntəqəsində suyun səviyyəsi 336 (2017-ci il oktyabrın 15-də 381 sm), Şirvanda 179 (2017-ci il oktyabrın 15-də 273 sm), Salyanda 137 (2017-ci il oktyabrın 15-də 210 sm), Bankədə 167 (2017-ci il oktyabrın 15-də 197 sm), Araz çayının Novruzlu məntəqəsində isə 40 santimetrə (2017-ci il oktyabrın 15-də 108 sm) bərabərdir.

ŞƏRH YAZ
0
BAĞLA