Fələstin səfiri: “Qarabağda təşkil olunan “seçkiləri” tanımırıq”

Fələstin səfiri: “Qarabağda təşkil olunan “seçkiləri” tanımırıq”
17:25
18.03.2017
6
Siyasət
A
“Dağlıq Qarabağ münaqişəsi ilə Fələstin probleminin həm oxşar, həm də fərqli tərəfləri var”.

Bunu “Ölkə.Az”-a açıqlamasında Fələstinin Azərbaycandakı səfiri Nasir Əbdül Kərim bildirib. 

Səfir deyib ki, Dağlıq Qarabağ münaqişəsi ilə bağlı Fələstinin mövqeyi açıq və birmənalıdır: 

“Biz Azərbaycanın haqlı mövqeyini dəstəkləyirik, Ermənistanı BMT-nin Azərbaycanın ərazi bütövlüyü ilə bağlı qəbul etdiyi qətnamələrin tələblərini yerinə yetirməyə çağırırıq. Fələstin bu məsələ ilə bağlı öz  mövqeyini dəfələrlə bəyan edib. Dağlıq Qarabağ və ətraf rayonlar Azərbaycanın beynəlxalq tanınmış ərazisidir”.

Nasir Əbdül Kərim Dağlıq Qarabağda təşkil olunan qondarma seçkilərin də heç bir dövlət tərəfindən tanınmadığını söyləyib:

“Qarabağda təşkil olunan “seçkiləri” tanımırıq. Bilirsiniz ki, Azərbaycana dəstək əlaməti olaraq Fələstinin Ermənistanla diplomatik əlaqələri mövcud deyil. Biz işğalın nə olduğunu gözəl bilirik. Fələstinin ərazisi də işğal altındadır. Ona görə də biz işğalı və işğalçını heç cür dəstəkləyə bilmərik. Fələstin Azərbaycanın ərazi bütövlüyünü pozan hər hansı fəaliyyəti heç vaxt qiymətləndirə bilməz. Bu, ölkəmizin açıq və birmənalı mövqeyidir”. 

Ramal Hüseynli
Ölkə.Az

ŞƏRH YAZ
0

Aİ-nin Cənubi Qafqaz üzrə xüsusi nümayəndəsi Bakıya səfər edəcək

Aİ-nin Cənubi Qafqaz üzrə xüsusi nümayəndəsi Bakıya səfər edəcək
18:08
Bu gün
40
Siyasət
A
Avropa İttifaqının Cənubi Qafqaz və Gürcüstan üzrə xüsusi nümayəndəsi Toivo Klaar yaxın zamanlarda Bakıya səfər edəcək.

"Ölkə.Az" xəbər verir ki, bu barədə APA-ya Avropa İttifaqının mətbuat ofisindən məlumat verilib.
 
Bildirilir ki, T. Klaar Bakı, İrəvan və Tbilisiyə səfər etməyi planlaşdırır. Səfər Gürcüstandan başlayacaq. O gələn həftə Gürcüstanda Cenevrə Beynəlxalq Müzakirələri həmsədrlərinin hazırlıq məsləhətləşmələrində iştirak edəcək.
 
Aİ-nin mətbuat ofisindən yeni xüsusi nümayəndənin Dağlıq  Qarabağ münaqişəsinin həllinə nə kimi töhfələr verəcəyi ilə bağlı suala da cavab verilib: "Həll olunmamış Dağlıq Qarabağ münaqişəsi regionun sabitliyi və inkişafı üçün əsas maneə olaraq qalır: "Azərbaycan və Ermənistan prezidentləri dəfələrlə atəşkəsə və münaqişənin sülh yolu ilə həllinə sadiq qaldıqlarını bəyan ediblər. Aİ həmçinin Cənubi Qafqaz və Gürcüstan üzrə xüsusi nümayəndə vasitəsi ilə  ATƏT-in Minsk qrupu həmsədrlərinin münaqişənin həlli üzrə səylərini dəstəkləyir və bu səyləri tamamlayır. Aİ Dağlıq Qarabağ münaqişəsinin sülh yolu ilə həlli üzrə Avropa Əməkdaşlıq Proqramının icrası da daxil olmaqla, münaqişə boyunca sülh və etimad tədbirlərini təşviq edir".

ŞƏRH YAZ
0

İlham Əliyev iki nəfərə “Əməkdar müəllim” fəxri adı verdi

İlham Əliyev iki nəfərə “Əməkdar müəllim” fəxri adı verdi
16:33
Bu gün
389
Siyasət
A
Prezident İlham Əliyev “Əməkdar müəllim” fəxri adının verilməsi haqqında sərəncam imzalayıb.

"Ölkə.Az"ın məlumatına görə, sərəncamla Azərbaycan Respublikasında təhsilin inkişafındakı xidmətlərinə görə aşağıdakı şəxslərə “Əməkdar müəllim” fəxri adı verilib:

Hacıyev Allahverdi Şəmistan oğlu
Hacıyev Hacan Qulu oğlu.

ŞƏRH YAZ
0
BAĞLA