“Fənərbağça” “Qalatasaray”la bərabərləşdi

“Fənərbağça” “Qalatasaray”la bərabərləşdi
23:15
14.04.2018
815
İdman
A
Aprelin 14-də futbol üzrə Türkiyə Superliqasının 29-cu turunda turnir cədvəlinin dördüncü sırasında qərarlaşan “Fənərbağça” səfərdə “Sivasspor” komandası ilə qarşılaşıb.

"Ölkə.Az" xəbər verir ki, oyunda çempionluğa iddialı komandalardan “Fənərbağça” rəqibinə 2:1 hesabı ilə qalib gəlib. Matçın 30-cü dəqiqəsində Aatif Şeyşu hesabı açıb – 1:0. Bundan üç dəqiqə sonra sivassporlu Karl Medyani topu öz qapısına vurub - 2:0. Əlavə edilmiş dəqiqələrdə isə qonaqların braziliyalı futbolçusu Robino hesab arasındakı fərqi azaldıb – 2:1.

Bu qələbədən sonra İstanbul təmsilçisi xallarının sayını 57-yə çatdırıb. “Fənərbağça” çempionatda bir oyun az keçirən “Qalatasaray”la xallarının sayını bərabərləşdirib və turnir cədvəlinin dördüncü pilləsindəki mövqeyini möhkəmləndirib.

Tur çərçivəsində bu gün keçirilmiş digər görüşdə “Kasimpaşa” komandası “Karabükspor”u 2:0 hesabı ilə məğlub edib. “Yeni Malatyaspor” – “Alanyaspor” matçı heç-heçə başa çatıb - 1:1.

XXIX turun ən maraqla gözlənilən qarşılaşması aprelin 15-də çempionluğa əsas namizədlərdən olan “Qalatasaray” və “Başakşəhər” klubları arasında keçiriləcək.

Hazırda hesabında 59 xal olan “Beşiktaş” turnir cədvəlində birinci pilləni tutur. Eyni xala malik olan “Başakşehir” ikinci yerdə qərarlaşıb. “Qalatasaray” və “Fənərbağça” 57 xalla üçüncü və dördüncü yerləri bölüşürlər. “Trabzonspor” 45 xalla beşinci pillədədir.

Ölkə.Az

ŞƏRH YAZ
0

Turan Bayramov “Buenos-Ayres-2018”in finalında

Turan Bayramov “Buenos-Ayres-2018”in finalında
23:27
14.10.2018
601
İdman
A
Argentinanın paytaxtı Buenos-Ayresdə təşkil olunan Yeniyetmələrin III Yay Olimpiya Oyunlarında güləş yarışlarına bu gün yekun vurulur.

"Ölkə.Az" xəbər verir ki, sərbəst güləşçimiz Turan Bayramov (65 kq) mübarizəyə “A” qrupunda start verib. Dünya və Avropa çempionu ilk görüşdə Yeni Zelandiya təmsilçisi Tahi Pehi Eynsli Uesterlini elə ilk hissədə çətinlik çəkmədən məğlub edib. İdmançımız Pakistan güləşçisi İnayət Ullaha da rahat qalib gəlib və “A” qrupunda birinci yeri tutub.

Beləliklə, güləşçimiz Olimpiadanın finalına vəsiqə qazanıb. Həmyerlimiz finalda “B” qrupunun qalibi olan iranlı pəhləvan Məhəmməd Baqi Kərimiseyfabad ilə qarşılaşacaq.

Ölkə.Az

ŞƏRH YAZ
0

“Azərbaycan fantastik komandadır” — Malta yığmasının baş məşqçisi

“Azərbaycan fantastik komandadır”
23:09
14.10.2018
523
İdman
A
"Komandam yaxşı performans göstərdi. Azərbaycan çox yaxşı komandadır. Biz səfərdə qol vurduq, qələbə qazandıq. Oyunçular hər şeyini verdi. Kosovo ilə oyundan fərqli çıxış etdik. Baxmayaraq ki, çətin oyundan gəlmişdik, komandanın çıxışından razı qaldım".

"Ölkə.Az" "Report"a istinadən xəbər verir ki, bunu Malta yığmasının baş məşqçisi Rey Farruciya Bakıda Azərbaycanla 1:1 hesablı heç-heçə etdikləri UEFA Millətlər Liqasının IV tur matçından sonra mətbuat konfransında deyib. Daha sonra təcrübəli mütəxəssis jurnalistlərin suallarını cavablandırıb:

- Kosovoya məğlubiyyətdən sonra komanda çox tənqid olunurdu. Bu gün isə daha güclü rəqiblə oyundan xalla ayrıldınız...

- Həyat belədir. Mən təbii ki, insanlara qulaq asır, onlardan öyrənirəm. Hamının fikrini eşidirəm. İnsanların bizi tənqid etməyə haqqı var. Bundan daha da güclənirik. Bizim yaşı 21-dən aşağı olan bir neçə futbolçumuz var. Düzgün istiqamətdə irəliləyirik. Daha da güclü olmağımız üçün vaxta ehtiyac var.

- Bu gün gənc futbolçuların çıxışı sizi qane etdi?

- Bu, bizim işimizdir. Artıq fəlsəfəni dəyişməyin vaxtı çatıb. Cavanlar təcrübəlilərdən öyrənməlidir. Çox yaxşı oynadıq. Azərbaycan fantastik komandadır. Buna görə də nəticə çox ürəkaçan oldu.

- Matçdan əvvəl komandaya inandığınızı deyirdiniz. Bu, nədən qaynaqlanırdı?

- 12 illik təcrübəm var. Məni tanıyanlar bilir ki, heç vaxt təslim olmuram. Maltanın baş məşqçisi olmaq çox çətindir. İnkişafın ilkin cücərtiləri var. Zamanla bu, daha da yaxşı olacaq.

- Qrupda hər iki xalınızı Azərbaycandan almısınız. Bu rəqibinizin hansı zəif nöqtəsini tapmısınız?

- Hər oyunun öz hekayəsi var. Azərbaycana qarşı iki yaxşı oyun keçirdik. Amma qrupda ən yaxşı matçımız Farer adalarına qarşı oldu. Baxmayaraq ki, məğlub olmuşduq. Bu gün nəticədən çox komandanın oyunundan razı qaldım.

- Növbəti iki oyundan gözləntiləriniz nədir?

- İki oyunçumuz geri qayıdacaq. Kiçik adayıq və hər oyunçunun hazır olması lazımdır. Pozitivik və növbəti oyunları səbirsizliklə gözləyirik.

- 1 xalı antifutbolla qazandığınızı demək olarmı? Çünki futbolçularınız tez-tez yerdə qalır, vaxt uzadırdılar...

- Bu, futbolun bir hissəsidir. Mən komandamdan razıyam. Çox yaxşı oynadıq.

Ölkə.Az

ŞƏRH YAZ
0
BAĞLA