"Fənərbaxça"nın vitse-prezidenti vəfat etdi

11:18
13.09.2017
326
İdman
A
"Fənərbaxça" klubunun vitse-prezidenti Hakan Dinçay müalicə olunduğu xəstəxanada vəfat edib.

"Ölkə.Az" xəbər verir ki, Dinçay klubun həm vitse-prezidenti, həm də voleybol şöbəsi üzrə məsul şəxs idi.

Klubun rəsmi internet səhifəsində yazılıb: "Klubumuzun vitse-prezidentlərindən olan Hakan Dinçay müalicə aldığı xəstəxanada vəfat edib. Hakan Dinçaya Allahdan rəhmət diləyirik. Dinçay ailəsi, sevənləri və bütün Fənərbaxça camiəsinə başsağlığı veririk".

Hakan Dinçay kimdir?

Hakan 1961-ci ildə İstanbulda anadan olub və ömrünü "Fənərbaxça" klubuna həsr edib. 1994-cü ildən kluba xidmət edir. 2002-ci ildən bu yana klubun idarə heyətinin üzvüdür. Klubun voleybol komandasının uğurlarında böyük rolu olub. Klub prezidenti Əziz Yıldırım digər idman növlərinə də diqqət ayırmaq barədə qərar qəbul edəndə Dinçay voleybol şöbəsinə təyin edilib. O dövrə qədər "Fənərbaxça"nın voleybol üzrə nə kişilər, nə də qadınlar komandasının çempionluğu olmayıb. Son 15 ildə isə ard-arda qələbələr qazandı.

Hakan Dinçay ailəlidir. İki qızı, bir oğlu var. Ötən il amansız xəstəliyə mübtəla olub.

Hikmət Həsənov
Ölkə.Az

ŞƏRH YAZ
0

Turan Bayramov “Buenos-Ayres-2018”in finalında

Turan Bayramov “Buenos-Ayres-2018”in finalında
23:27
14.10.2018
601
İdman
A
Argentinanın paytaxtı Buenos-Ayresdə təşkil olunan Yeniyetmələrin III Yay Olimpiya Oyunlarında güləş yarışlarına bu gün yekun vurulur.

"Ölkə.Az" xəbər verir ki, sərbəst güləşçimiz Turan Bayramov (65 kq) mübarizəyə “A” qrupunda start verib. Dünya və Avropa çempionu ilk görüşdə Yeni Zelandiya təmsilçisi Tahi Pehi Eynsli Uesterlini elə ilk hissədə çətinlik çəkmədən məğlub edib. İdmançımız Pakistan güləşçisi İnayət Ullaha da rahat qalib gəlib və “A” qrupunda birinci yeri tutub.

Beləliklə, güləşçimiz Olimpiadanın finalına vəsiqə qazanıb. Həmyerlimiz finalda “B” qrupunun qalibi olan iranlı pəhləvan Məhəmməd Baqi Kərimiseyfabad ilə qarşılaşacaq.

Ölkə.Az

ŞƏRH YAZ
0

“Azərbaycan fantastik komandadır” — Malta yığmasının baş məşqçisi

“Azərbaycan fantastik komandadır”
23:09
14.10.2018
528
İdman
A
"Komandam yaxşı performans göstərdi. Azərbaycan çox yaxşı komandadır. Biz səfərdə qol vurduq, qələbə qazandıq. Oyunçular hər şeyini verdi. Kosovo ilə oyundan fərqli çıxış etdik. Baxmayaraq ki, çətin oyundan gəlmişdik, komandanın çıxışından razı qaldım".

"Ölkə.Az" "Report"a istinadən xəbər verir ki, bunu Malta yığmasının baş məşqçisi Rey Farruciya Bakıda Azərbaycanla 1:1 hesablı heç-heçə etdikləri UEFA Millətlər Liqasının IV tur matçından sonra mətbuat konfransında deyib. Daha sonra təcrübəli mütəxəssis jurnalistlərin suallarını cavablandırıb:

- Kosovoya məğlubiyyətdən sonra komanda çox tənqid olunurdu. Bu gün isə daha güclü rəqiblə oyundan xalla ayrıldınız...

- Həyat belədir. Mən təbii ki, insanlara qulaq asır, onlardan öyrənirəm. Hamının fikrini eşidirəm. İnsanların bizi tənqid etməyə haqqı var. Bundan daha da güclənirik. Bizim yaşı 21-dən aşağı olan bir neçə futbolçumuz var. Düzgün istiqamətdə irəliləyirik. Daha da güclü olmağımız üçün vaxta ehtiyac var.

- Bu gün gənc futbolçuların çıxışı sizi qane etdi?

- Bu, bizim işimizdir. Artıq fəlsəfəni dəyişməyin vaxtı çatıb. Cavanlar təcrübəlilərdən öyrənməlidir. Çox yaxşı oynadıq. Azərbaycan fantastik komandadır. Buna görə də nəticə çox ürəkaçan oldu.

- Matçdan əvvəl komandaya inandığınızı deyirdiniz. Bu, nədən qaynaqlanırdı?

- 12 illik təcrübəm var. Məni tanıyanlar bilir ki, heç vaxt təslim olmuram. Maltanın baş məşqçisi olmaq çox çətindir. İnkişafın ilkin cücərtiləri var. Zamanla bu, daha da yaxşı olacaq.

- Qrupda hər iki xalınızı Azərbaycandan almısınız. Bu rəqibinizin hansı zəif nöqtəsini tapmısınız?

- Hər oyunun öz hekayəsi var. Azərbaycana qarşı iki yaxşı oyun keçirdik. Amma qrupda ən yaxşı matçımız Farer adalarına qarşı oldu. Baxmayaraq ki, məğlub olmuşduq. Bu gün nəticədən çox komandanın oyunundan razı qaldım.

- Növbəti iki oyundan gözləntiləriniz nədir?

- İki oyunçumuz geri qayıdacaq. Kiçik adayıq və hər oyunçunun hazır olması lazımdır. Pozitivik və növbəti oyunları səbirsizliklə gözləyirik.

- 1 xalı antifutbolla qazandığınızı demək olarmı? Çünki futbolçularınız tez-tez yerdə qalır, vaxt uzadırdılar...

- Bu, futbolun bir hissəsidir. Mən komandamdan razıyam. Çox yaxşı oynadıq.

Ölkə.Az

ŞƏRH YAZ
0
BAĞLA