"Fənərbaxça"da zəlzələ
"Fənərbaxça" futbol klubunun qapıçısı Volkan Dəmirəl mövsüm sonunda futbolla vidalaşacaq.
"Ölkə.Az" xəbər verir ki, "Trabzonspor" klubu ilə görüşdə qol buraxan və azarkeşlərin fitlədiyi idmançı futbolla vidalaşmaq qərarına gəlib.
2002-ci ildə "Kartalspor"dan "Fənərbaxça"ya transfer olan 35 yaşlı qapıçı 15 il ərzində əsas simalardan birinə çevrilmişdi. Mövsümün əvvəlində 1+1 illik müqaviləyə imza atan təcrübəli Volkan "Trabzonspor"la oyundan sonra depressiyaya düşüb.
Azarkeşlər tərəfindən fitə basıldıqdan sonra komanda dostlarına ""Fənərbaxça" kapitanı öz stadionunda fitə basılmaz. Əgər fitə basılırsa, getməlidir"-deyib. Mehmet Topal və Həsən Əli Kaldırım geyinmə otağında qapıçıya ürək-dirək vermək istəsələr də, Volkan mövsüm sonunda müqaviləni bitirəcəyini bildirib.
Hikmət Həsənov
Ölkə.Az
