KORONAVİRUSA YOLUXANLARIN SAYI - CANLI STATİSTİKA

Fərhad Bədəlbəylinin qızı və kürəkəni karantinə yerləşdirilib

Fərhad Bədəlbəylinin qızı və kürəkəni karantinə yerləşdirilib
18:31
26.03.2020
2798
Ölkə
A
“Olduqca təhlükəli və faciəvi vəziyyətdir. Bizimkilər başa düşmürlər, küçədə-bayırda gəzirlər, Bulvara çıxırlar, hansı bəla ilə üz-üzə qaldığımızı hələ dərk etmirlər”.

"Ölkə.Az" xəbər verir ki, bunu APA-ya açıqlamasında Bakı Musiqi Akademiyasının rektoru, Xalq artisti Fərhad Bədəlbəyli deyib.

F. Bədəlbəyli bildirib ki, İtaliyadan dostları var, onlarla danışır: "Mənə deyirlər ki, ölkələrində vəziyyət pisdir. Nəyə görə? Çünki italiyalılar bir az bizə oxşayırlar. Çindəki kimi qayda-qanun, dəmir yumruq İtaliyada yoxdur. Çində hər şeyi ordu həll edirdi, İtaliyada isə belə deyildi. Restoranlar, kinoteatrlar, barlar açıq idi. Camaat axşamlar küçəyə tökülüşürdü. Ona görə orda indi faciə yaşanır. İtalyalı dostlarım mənə tapşırırlar ki, siz bizim problemləri təkrar etməyin, insanları başa salın ki, bu çox böyük təhlükədir, ehtiyatlı olun, qoyulan qaydalara əməl edin”.

F. Bədəlbəyli ABŞ-dan qayıdan qızı və kürəkəninin hazırda karantində olduğunu vurğulayıb: “Mən onların karantinə alınmamaları üçün heç bir şey etmədim. Qoy nə qədər lazımdır karantində otursunlar. Burda tanış, hörmət filan keçmir. Nə lazımdır, o da olmalıdır, başqa cür ola bilməz”.

Xalq artisti koronavirus pandemiyası ilə mübarizənin müharibəyə bənzədiyini diqqətə çatdırıb: “Bu, müharibədir. Ermənistan kimi virusun biri az idi, indi də koronavirus çıxıb. Bəlkə bu, ondan da təhlükəlidir. Ona görə mən hamıya deyirəm, bir az özünüzə gəlin. Nə qədər restoran olar, nə qədər kef olar, nə qədər qonaqlığa getmək olar? Bəsdir! Bir az ciddilik lazımdır. Ölkə çox çətin vəziyyətdədir. Dövlət hər şey edir. Qocalardan kim təkdir ərzaq göndərəcəklər, könüllülər yaxşı işləyəcəklər. Bizdə bu sistem çox yaxşı qurulub. Ona görə mən hamıya deyirəm, çölə çıxmayın, evdə oturun. O qədər kitab var, oxusunlar, internet var, sosial şəbəkələr, filmlər, seriallar var. Evdə qalıb vaxt keçirmək üçün hər cür vasitə var. Yenə də deyirəm, bu çox ciddi məsələdir. Mənə italiyalı dostlarım da deyirlər, siz orda hamıya başa salın ki, vəziyyət çox ciddidir”.

Rektor koronavirusla mübarizə çərçivəsində Bakı Musiqi Akademiyasının hazırladığı layihə barədə də məlumat verib: “Bizim Akademiyanın tələbələri, müəllimləri, məzunları, aspirantları – hər kəs evdən bir musiqi parçası ifa edir və bu musiqi parçası Bakı Musiqi Akademiyasının saytında yerləşdirilir. Biz də heç olmasa bu karantin günlərində insanlarımıza musiqi hədiyyə edərək kömək etməyə çalışırıq. Əlimizdən başqa nə gəlir? Camaatın könlünü almaq lazımdır. Qoy, hər kəs öz sahəsində əlindən nə gəlirsə, eləsin. Yalnız möhkəm olaq. Bizdən evdə oturmaq tələb olunur, bəs bizim əsgərlərimiz neyləsinlər? Ön cəbhədə düşmənlə üzbəüz dayanırlar. Biz heç olmasa rahat evdə otururuq, hər şeyimiz var. Bir az fikirləşmək lazımdır ki, biz müharibə aparırıq. Bu ikinci cəbhədir, bunu unutmamalıyıq”.

Ölkə.Az

ŞƏRH YAZ
0

AzTV-dən Respublika Günü ilə bağlı maraqlı təqdimat — VİDEO

AzTV-dən Respublika Günü ilə bağlı maraqlı təqdimat
15:31
Bu gün
79
Ölkə
A
“Azərbaycan Televiziya və Radio Verilişləri” QSC (AzTV) 28 May- Respublika Günü münasibətilə maraqlı videoçarx hazırlayıb.

"Ölkə.Az xəbər verir ki, Azərbaycanın müstəqilliyinin 102-ci ilinə həsr olunan videoçarxda dövlətimizin şərəfli istiqlal tarixini yazan Azərbaycan Xalq Cümhuriyyətinin Milli Ordusundan və bu ordunun varisi olan müasir Azərbaycanın qüdrətli Silahlı Qüvvələrindən bəhs olunur.

Vətənin bütövlüyü, azadlığı uğrunda son damla qanlarına qədər düşmənlə mübarizə aparan igid əsgərlərimiz tərənnüm edilir.

ŞƏRH YAZ
0

Müdafiə Nazirliyi Respublika Günü ilə bağlı video-çarx hazırlayıb — VİDEO

Müdafiə Nazirliyi Respublika Günü ilə bağlı video-çarx hazırlayıb
15:03
Bu gün
531
Ölkə
A
Müdafiə Nazirliyi 28 May - Respublika Günü münasibətilə video-çarx hazırlayıb.

“Ölkə.Az” xəbər verir ki, videoda 102 il əvvəl Azərbaycan Xalq Cümhuriyyətinin yaranması tarixindən bəhs olunub.

Nazirlik eyni zamanda Cahangir Qurbanovun ifasında Bayraq mahnısına çəkilən klipi də yayımlayıb. 

Bundan başqa, Azərbaycan Ordusunun Sənədli və Tədris Filmləri Mərkəzinin genişmiqyaslı əməliyyat-taktiki təlimlər ərəfəsində təqdim etdiyi “Qələbəyə gedən yollar” videoçarxı sosial şəbəkə istifadəçiləri tərəfindən maraqla izlənilib.

Mərkəz 28 May – Respublika Günü münasibəti ilə “Zəfər marşı” adlı yeni layihəni təqdim edir. Marşın sözləri Əməkdar incəsənət xadimi, Prezidentin fərdi təqaüdçüsü polkovnik Abdulla Qurbaniyə, musiqisi bəstəkar Azad Zahidə, ifası isə Həzi Aslanov adına Ordu İdeoloji və Mədəniyyət Mərkəzi rəisinin müavini, Əməkdar artist, Prezident mükafatçısı mayor Cahangir Qurbanova aiddir.

ŞƏRH YAZ
0
BAĞLA