Fərhad Qəribovun oğlu Miqrasiya idarəsini məhkəməyə verdi

Fərhad Qəribovun oğlu Miqrasiya idarəsini məhkəməyə verdi
15:14
17.10.2017
354
Ölkə
A
Milli Məclisin sabiq deputatı Fərhad Qəribovun oğlu Elnur Qəribov 1 saylı Bakı İnzibati-İqtisadi Məhkəməsinə müraciət edib.

"Ölkə.Az"ın Report-a istinadən xəbərinə görə, o, Daxili İşlər Nazirliyinin (DİN) Baş Pasport, Qeydiyyat və Miqrasiya İdarəsini məhkəməyə verib.

E.Qəribovun iddiası əsasında Baş İdarənin aktları və hərəkətləri (hərəkətsizliyi) mübahisələndirilir.

ŞƏRH YAZ
0

58 yaşlı qadını işgəncə ilə öldürənə 18 il cəza

58 yaşlı qadını işgəncə ilə öldürənə 18 il cəza
16:08
Bu gün
101
Ölkə
A
Bakı Ağır Cinayətlər Məhkəməsində qətl törətməkdə təqsirləndirilən Firuz Nəsiblinin cinayət işi üzrə məhkəmə prosesi başa çatıb.

“Ölkə.Az”ın xəbərinə görə, hakim Əfqan Hacıyevin sədrliyi ilə keçirilən prosesdə hökm oxunub.

Məhkəməinin hökmü ilə o, 18 il 6 ay müddətinə azadlıqdan məhrum edilib.

Qeyd edək ki, 2017-ci il noyabrın 9-da 58 yaşlı Həsənova Nuridə Bəhram qızının üzərində bıçaqla yetirilməyə xarakterik deşilmiş-kəsilmiş xəsarətləri olan meyitinin yaşadığı Sumqayıt şəhəri, 7-8-12 məhəllə, ev 78A, mənzil 19-da aşkar olunub. Mənzilə daxil olan F.Nəsibli əvvəlcə kəsici-deşici alətlərlə Nuridə Həsənovanın müxtəlif nahiyyələrinə zərbələr vurmaqla ona xüsusi işgəncə verib. Daha sonra isə başını kəsib.
Qadının meyitini həyat yoldaşı aşkar edib. 

Faktla bağlı şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanaraq müvafiq ekspertizalar təyin edilib. Cinayətin Sumqayıt şəhər sakini Nəsibli Firuz Şadət oğlu tərəfindən aralarında yaranmış şəxsi münasibətlər zəminində törədilməsində əsaslı şübhələr olduğundan sonuncu şübhəli şəxs qismində tutularaq istintaqa cəlb olunub. Daha sonra onun barəsində həbs qətimkan tədbiri seçilib.
Xatırladaq ki, qətlə yetirilən N.Həsənova Sumqayıtda Mənzil İstismar Sahəsində (JEK) işləyib.

ŞƏRH YAZ
0

Qanunsuz ağac kəsən 15 nəfərə cinayət başladı

Qanunsuz ağac kəsən 15 nəfərə cinayət başladı
14:12
Bu gün
1299
Ölkə
A
Daxili İşlər Nazirliyinin Baş İctimai Təhlükəsizlik İdarəsi və şəhər, rayon polis orqanları tərəfindən qanunsuz ovun, mülki silahın daşınması qaydalarının pozulması hallarının qarşısının alınması məqsədilə respublikanın şəhər və rayonlarında mütəmadi tədbirlər həyata keçirir.

Nazirlikdən "Ölkə.Az"a verilən xəbərə görə, cari ilin ötən 3 ayında keçirilmiş belə tədbirlər zamanı İnzibati Xətalar Məcəlləsinin 272.3-cü (ov qaydalarının pozulması) və 590-cı (mülki silahın və ya döyüş sursatının saxlanılması və daşınması qaydalarının pozulması) maddələrinin tələblərini pozmuş 240 nəfər barəsində inzibati protokol tərtib olunub, həmin şəxslərə 26 min manata yaxın cərimə tətbiq edilib.

Eyni zamanda, İnzibati Xətalar Məcəlləsinin 252-ci (meşəqırma fondundan istifadənin, oduncağın tədarük edilib daşınması qaydasının pozulması) və 253-cü (meşə sahələrində və meşə fonduna daxil olmayan sahələrdə ağacların, kolların və digər yaşıllıqların qanunsuz kəsilməsi (götürülməsi), zədələnməsi və ya məhv edilməsi) maddələrinin tələblərini pozmuş 10 nəfər barəsində inzibati tədbir görülüb, 15 nəfər barəsində isə Cinayət Məcəlləsinin 259-cu (qanunsuz ağac kəsmə) maddəsi ilə cinayət işi başlanılıb. ​Bu istiqamətdə tədbirlər davam etdirilir.

ŞƏRH YAZ
1
BAĞLA