KORONAVİRUSA YOLUXANLARIN SAYI - CANLI STATİSTİKA

Fermerlərə ŞAD XƏBƏR — 800 manat subsidiya veriləcək - VİDEO

Fermerlərə ŞAD XƏBƏR
11:12
23.09.2019
1806
Ölkə
A
Subsidiya hər hektara görə ödəniləcək.

"Ölkə.Az" realtv-yə istinadən xəbər verir ki, gələn ildən Azərbaycanda fermerlərə intensiv meyvə bağlarının hər hektarına görə subsidiya veriləcək.

Subsidiyanın məbləği 800 manat olacaq.

Vüqar Hüseynovun sözlərinə görə, subsidiyalar ilk 4 il ərzində ödəniləcək. Beşinci ildən isə intensiv meyvə bağlarına 240 manat əkin subsidiyası ödənilməsi nəzərdə tutulur.

2019-cu ildən əvvəl salınmış intensiv və intensiv olmayan meyvə bağlarına əkin subsidiyası 1,2 əmsalla ödəniləcək , deyə Vüqar Hüseynov bildirib.

Vüqar Hüseynovun sözlərinə görə, 2019-ci ildə 10 intensiv bağ salmış fermer 8000 manat subsidiya alacaq. İlk 4 il başa çatdıqdan və bağlar məhsula düşdükdən sonra fermerə 2400 manat subsidiya ödəniləcək.

Ölkə.Az

ŞƏRH YAZ
0

Ermənistan yenə mülki sakinlərə mərmi atdı — “Məəttəl qaldım ki, niyə ölmədim” - FOTO

Ermənistan yenə mülki sakinlərə mərmi atdı
21:40
Bu gün
616
Ölkə
A
İyulun 16-sı saat 17:00-da Ermənistan silahlı bölmələri Tovuzun Vahidli kəndini artilleriya qurğularından atəşə tutub.

"Ölkə.Az" bildirir ki, oxu.az-ın Tovuza ezam olunan əməkdaşı xəbər verir ki, mərmi zərbəsi nəticəsində kənd sakini Arif Məmmədovun şəxsi təsərrüfatına ziyan dəyib.

Mərmi ot tayasına düşüb və onu yandırıb. A.Məmmədov deyir ki, mərmi düşərkən ot tayasının yaxınlığında olub.

“Mərmi düşdü, tez yerə uzandım. Sanki mərmi məni yenidən qaldırıb yerə çırpdı. Ot tayası yandı. Məəttəl qaldım ki, niyə ölmədim. Allah məni saxladı”, - deyə o əlavə edib. 

A.Məmmədov bildirir ki, iki maşın ot tayası şəxsi təsərrüfatı üçün çox vacib idi. 

Onu da qeyd edək ki, hadisə zamanı A.Məmmədovun evinə də ziyan dəyib. 

ŞƏRH YAZ
0

Sərt karantin rejimi daha iki həftə uzadılacaq? — AÇIQLAMA

Sərt karantin rejimi daha iki həftə uzadılacaq?
21:22
Bu gün
2135
Ölkə
A
"Təəssüflə qeyd etmək lazımdır ki, həmin gecədən (14 iyun aksiyaları) bir gün əvvəl, döyüşlərin davam etdiyi həmin günlər bu məsələni Operativ Qərargahda ciddi olaraq müzakirə etmişdik".

"Ölkə.Az" xəbər verir ki, bunu Səhiyyə Nazirliyinin İctimai Səhiyyə və İslahatlar Mərkəzinin şöbə müdiri Nabil Seyidov deyib.

O bildirib ki, bu cür kütləvi tədbirlərin keçirilməsi, 5 nəfərdən çox adamın bir araya gəlməsi pandemiyayla mübarizədə ciddi fəsadlar yarada bilər:

"Ermənilərin sərhəddəki təxribatlarına etirazı nümayiş etdirmək üçün ordumuza dəstək məqsədilə kütləvi tədbirlərin keçirilməsi, eyni zamanda beynəlxlaq təşkilatların ofislərinin qarşısında mövqe göstərmək baxımından, emosionallıq, psixoloji dəstək baxımından bunlar hamısı əlbəttə ki, çox əhəmiyyətlidir, çox vacibdir. Lakin başqa şəraitlərdə. Yəni, hazırda pandemiya ilə Azərbaycan mübarizə apardığı üçün bizə daxildə ikinci cəbhə açmaq qətiyyən əlverilşli deyil. Bu cür kütləvi tədbirlərin keçirilməsi, 5 nəfərdən çox adamın bir araya gəlməsi pandemiyayla mübarizədə ciddi fəsadlar yarada bilər. Hələ bu aksiyalarda yüzlərlə, minlərlə adam olub. Digər şəhərlərimizi də götürsək, Sumqayıt olsun, Tovuz olsun, Bakı olsun, Qəbələ olsun fərq etməz. Hər bir yerdə yüzlərlə, minlərlə adam toplaşmışdı.

Orada birincisi hamı maska taxmamışdı, əksəriyyət maskadan istifadə etmişdi, bu bir. İkincisi, maska taxıb 2 metr məsafə saxlamamağın özü də yüksək yoluxma risqi daşıyır özündə. İstəyir maska olsun, dəfələrlə demişik ki, iki adam maska taxsa belə məsafə saxlamasa əhəmiyyəti olmayacaq. Əlbəttə ki, bu xoşməramlı hərəkətdir. Doğrudan da başqa bir vəziyyət olsaydı, pandemiya olmasaydı bu həddindən artıq çox başadüşüləndir və dəstəklənməli bir məqamdır, bunu ölkə rəhbəri də qeyd etdi. Amma pandemiya dövründə vətəndaşlarımızın hər biri qanuna uyğun hərəkət etməlidir. Hazırda Operativ Qərargaha hökümətin konkret olaraq qərarı var ki, 5 adamdan çox toplaşmaq olmaz, ikincisi, kütləvi tədbirlərin keçirilməsi istər bu toy olsun, istər yas mərasimi olsun, istər nümayiş olsun və s. qətiyyən yolverilməzdir və səbəbi də sırf pandemiyadır. Təəssüflə qeyd etmək istəyirəm ki, böyük ehtimalla bu aksiyalar yoluxma hallarının sayının artmasına gətirib çıxaracaq. Ümid edək ki, belə olmayacaq. Amma təəssüflə qeyd edək ki, buna ehtimal azdır. Çünki adam çox olub və xüsusilə Bakıda. Bakı da bilirsiniz ki, Azərbaycanda pandemiyanın episentridir. Digər bəzi rayon və şəhərlərimizlə müqayisədə Bakı bizdə ən epidemik mərkəzdir. Ona görə min adam, 3 min adam, 4 min adam bir yerə yığışanda mütləq şəkildə onların içində böyük ehtimalla koronavirusa yoluxan şəxslər olub, o cümlədən heç yoluxduğunu bilməyənlər də olub".

Şöbə müdiri qeyd edib ki, belə davam edərsə yoluxma sayı gündəlik 1000-ə çata bilər:

"Əgər 5-6 gündən sonra kəskin artım baş verərsə, bu, təəssüf ki, səhiyyə sistemini çox ciddi gərginliyə salacaq. Çünki adətən bu cür tədbirlərdən sonra inkubasiya dövrünü nəzərə alsaq, 5, 6, 7 gün sonra biz artım müşahidə edə bilərik. Təki olmasın, amma ehtimal var ki, olacaq. Xəstəxanalarda çarpayı ehtiyatının kəskin azalmasını müşahidə edə bilərik. Bu da o deməkdir ki, Azərbaycan diqqətini nəinki cəbhədə ermənlərin təxribatına qarşı, təəssüf ki, ölkə daxilində pandemiyanın daha da yayılmasının qarşısını almaq məqsədilə görülən tədbirlərə yönəltməli olacaq. Belə hallarla üzləşməmək üçün hamımız bir olub, təlimatlara əməl etməliyik ki, pandemiya Azərbaycanda tam nəzarətdə qalsın. Artım olmamalıdır, stabil olmalıdır ki, dövlət, hakimiyyət, ordu, xalq tam diqqətini yalnız hazırda Azərbaycanın Ermənistanla arasındakı proseslərə yönəltsin. Amma belə davam edərsə yoluxma sayı gündəlik 1000-ə çata bilər, ehtimal çox böyükdür. Çünki insanların kütləvi toplaşması Bakıdan əlavə həm Sumqayıtda, həm Tovuzda, həm Qəbələdə müşahidə edildi. Buralarda təşkil edilən yas mərasimləri hər kəsə bəllidir. Bu çox başadüşüləndir. Amma nəzərə almaq lazımdır ki, biz bugünkü gün ordumuzu təhlükə qarşısında qoyuruq. Çünki o yas mərasimlərində ordu nümayəndələrimiz də iştirak edirdilər, eyni zamanda şəhidlərimizin ailə üzvləri, yaxınları. Hamı emosiyalarını cilovlamalıdır, soyuqqanlı davranmalıyıq. Çünki biz indi elə şəraitdəyik ki, həm pandemiya, həm Ermənistanın təcavüzü davam edir. Hər şey "alman dəqiqliyi" ilə edilməlidir. Əks təqdirdə biz ciddi yoluxma ilə üzləşə bilərik, 1000-dən də çox yoluxma ola bilər və nəticədə xəstəxanalarda ciddi çarpayı problemi yaranacaq. Hamımız bunu anlamalıyıq, başa düşməliyik. Bəli, emosional məsələdir, bəli, dəstəyimizi nümayiş etdirməliyik. Amma hazırda ən yaxşı dəstək ölkə daxilində diqqətli olmaq, təxribatların qarşısını almaq, evdə oturmaq, pandemiyanın yayılmasına yol verməmək, dəstəyimizi informasiya məkanında göstərmək, əmr verilərsə səfərbərlikdir, o zaman dövlətə, orduya dəstəyimizi göstərməliyik. Amma buna qədər hamımız diqqətimizi pandemiyaya yönəltməlyik ki, dövlət iki cəbhədə vuruşmasın, diqqət Ermənistanın təxribatlarına cavab verməyə yönəldilsin. Sərtləşdirilmiş karantin rejimin sonu yaxınlaşır (20 iyul-red). Hazırda sağalanlarla yoluxanların sayında bərabərlik müşahidə edilir, hətta sağalanlar yoluxanlardan daha çox olur.

Həm dünya təcrübəsini, həm digər infeksiyalarla bağlı alimlərin təhlillərini, analizlərini nəzərə alaraq səhiyyə mütəxəssisi kimi fikrim ondan ibarətdir ki, mən açığı düşünürəm ki, sərtləşdirilmiş karantin tədbirləri, xüsusilə indiki dövrdə yenə əlavə iki həftə uzadılmalıdır, bu qaçılmazdır. Çünki biz böyük ehtimalla artımı görəcəyik. Nə qədər istəsək də, nə qədər ümid etsək ki, "İnşallah artım olmaz", amma biz soyuqqanlı düşünməliyik və başa düşməliyik ki, yüzlərlə, minlərlə insanın maskasız bir yerə toplaşması böyük riskdir".Milli.az

ŞƏRH YAZ
0
BAĞLA