FETÖ üzvi olmaqda ittiham edilən şəxs BMT-dən sığınacaq alıb
“Ölkə.Az”ın məlumatına görə, hakim Fikrət Qəribovun sədrliyi ilə keçirilən prosesdə Azərbaycan Ədliyyə Nazirliyinin nümayəndəsi çıxış edib.
O, bildirib ki, Türkiyə tərəfi yazılı zəmanət verib:
"Onlar şəxsin heç bir işgəncəyə və yaxud qeyri-insani rəftara məruz qalmayacağını deyib. Normal saxlanma şəraiti olacaq. Türkiyə tərəfi deyib ki, İsa Özdəmir öz ölkəsinə eksradisya olunacağı təqdirdə bütün hüquqları qorunacaq".
İ.Özdəmirin vəkili çıxış edərək bildirib ki, müvəkkili BMT-dən sığınacağ alıb. Həmin vəsiqəni məhkəməyə təqdim ediblər.
Hakim bildirib ki, Türkiyə tərəfinin zəmanəti də məhkəməyə də daxil olub.
Proses iyulun 4-ə təyin edilib.
Qeyd edək ki, İsa Özmedir Fətullahçı Terror Təşkilatının (FETÖ) üzvü olmaqda ittiham edilir. O, 1993-cü ildən Azərbaycanda yaşayıb. Lakin Türkiyə tərəfi onun barəsində axtarış elan edib. O, Bakıda saxlanılıb. Türkiyə tərəfi onun ölkəsinə təhvil verilməsini tələb edib.
