Fəxri ad alan Anar Heybətov: “Bayaqdan ancaq telefonla danışıram”

Fəxri ad alan Anar Heybətov: “Bayaqdan ancaq telefonla danışıram”
21:29
09.03.2017
66
Mədəniyyət
A
Prezident İlham Əliyev Azərbaycan Respublikasının teatr xadimlərinə fəxri adların verilməsi haqqında sərəncam imzalayıb.

“Ölkə.Az” xəbər verir ki, sərəncama əsasən fəxri adlar verilən insanlar arasında Akademik Milli Dram Teatrının tanınmış aktyoru Anar Heybətov da var. Anar Heybətov ölkə rəhbərinin sərəncamı əsasında “Əməkdar artist” adına layiq görülüb.

Xəbəri eşidən kimi Anar Heybətovun özü ilə əlaqə saxladıq. Aktyor Ölkə.Az-a çox sevindiyini bildirdi. Onun sözlərinə görə, bu barədə çəkilişdə olarkən xəbər tutub. 

“İlk növbədə məni bu ada layiq görən insanlara təşəkkür edirəm. Cənab Prezident İlham Əliyev cənabları başda olmaqla, mədəniyyət nazirimiz, onun müavininə minnətdaram. Bu gün teatrdan dostlar zəng vurdular. Həmin vaxt çəkilişdə idim. İlk zəng vurduğum adam da müəllimim Azərpaşa Nemətov oldu. Onu təbrik etdim. Mən onun tələbəsi olmuşam. Onun tələbəsi olmuşam. Xəbəri eşidən kimi çox sevindi. Müəllimimə də çox təşəkkür edirəm”, - deyə Anar Heybətov bildirib.

Anar Heybətov onu da əlavə edib ki, ad almasından dolayı təbrik edənlərin və buna sevinənlərin çox olmasına görə də, sevincinin həddi-hüdudu yoxdur:

“Bayaqdan ancaq telefonla danışıram. Çox sevinirəm ki, məni istəyən insanlar var. Buna da ayrıca sevinirəm”.

Ölkə.Az kollektivi adından biz də Anar Heybətovu təbrik edirik. Ona bundan da böyük nəaliyyətlər arzu edirik.

Ziya Səccad
Ölkə.az

ŞƏRH YAZ
0

Xalq artisti xəstəxanaya yelrəşdirildi — Vəziyyəti ağırdı

Xalq artisti xəstəxanaya yelrəşdirildi
17:32
16.01.2018
2201
Mədəniyyət
A
Respublikanın Xalq Artisti, Lənkəran Dövlət Dram eatrının aktrisası Böyükxanım Əliyeva ağ ciyər və ürək çatışmazlığı diaqnozu ilə 1 saylı şəhər klinik xəstəxanasına ("Semaşko" yerləşdirilib.

"Ölkə.Az"-ın məlumatına görə, bu barədə sosial şəbəkədə əməkdar artist Qurban Məsimov yazıb. 

Qeyd edək ki, hazırda reanimasiya şöbəsində olan aktrisanın vəziyyəti ağırdır. 

Qeyd edək ki, B.Əliyeva 1945-ci ildə Xaçmazda anadan olub.

 Ölkə.Az

ŞƏRH YAZ
0

Xalq artisti Çingiz Sadıxovla vida mərasimi başladı — FOTO / YENİLƏNİB

Xalq artisti Çingiz Sadıxovla vida mərasimi başladı
14:11
16.01.2018
1516
Mədəniyyət
A
Xalq artisti Çingiz Sadıxovla vida mərasimi keçirilib.

"Ölkə.Az"ın APA-ya istinadən xəbərinə görə, mərasimdə mədəniyyət və turizm naziri Əbülfəz Qarayev, nazir müavini Ədalət Vəliyev, xalq artistləri Fərhad Bədəlbəyli, Ağaverdi Paşayev və başqaları iştirak ediblər.

F. Bədəlbəyli Ç. Sadıxovun vəfatını Azərbaycan mədəniyyəti və musiqisi üçün böyük itki kimi dəyərləndirib. O qeyd edib ki, Azərbaycan musiqisində Ç. Sadıxovun özünəməxsus yeri və xidmətləri var.

Mərhumun cənazəsi dəfn üçün II Fəxri Xiyabana götürülüb.

***

Xalq artisti, pianoçu Çingiz Sadıxovla Təzə Pir məscidində vida mərasimi keçirilir.

"Ölkə.Az"ın APA-ya istinadən xəbərinə görə, mərasimdə mədəniyyət və turizm nazirinin müavini Ədalət Vəliyev, mərhumun sənət yoldaşları, ailə üzvləri və yaxınları iştirak edir.

Vida mərasimi saat 14.00-da başa çatacaq.

Xalq artisti Bakıda II Fəxri xiyabanda dəfn ediləcək.

Qeyd edək ki, Çingiz Hacı oğlu Sadıxov 1929-cu il aprelin 5-də Bakıda anadan olub. İlk musiqi təhsilini paytaxtdakı Onillik musiqi məktəbində (indiki Bülbül adına Orta ixtisas musiqi məktəbi) alıb. Sonra Ü.Hacıbəyli adına Azərbaycan Dövlət Konservatoriyasının (indiki Bakı Musiqi Akademiyası) Fortepiano fakültəsində, Moskva Dövlət Konservatoriyasının aspiranturasında oxuyub. 

Görkəmli musiqiçi Azərbaycan Dövlət Filarmoniyasının solisti və konsertmeysteri olub, Bülbül, Rəşid Behbudov, Müslüm Maqomayev, Lütfiyar İmanov, Fidan və Xuraman Qasımovalar və başqa məşhur vokalçıları müşayiət edib. Çingiz Sadıxov Bakıda 16 saylı musiqi məktəbinin direktoru, “Azkonsert” yaradıcılıq birliyinin bədii rəhbəri, Bakı Musiqi Akademiyasının professoru vəzifələrində çalışıb, eləcə də Yəmən Demokratik Respublikasında İncəsənət İnstitutunun təşkilatçısı və müəllimi olub.

Çingiz Sadıxov 1959-cu ildə Azərbaycanın Əməkdar artisti, 1987-ci ildə Xalq artisti fəxri adlarına layiq görülüb. Prezident İlham Əliyevin 2009-cu il 28 oktyabr tarixli sərəncamı ilə Azərbaycan musiqi sənətinin inkişafında xidmətlərinə görə “Şöhrət” ordeni ilə təltif edilib.

Musiqiçi 1994-cü ildən ABŞ-ın San-Fransisko, son vaxtlar isə San-Xose şəhərlərində yaşayıb. 2017-ci il dekabrın 30-da orada dünyasını dəyişib.

ŞƏRH YAZ
0
BAĞLA