KORONAVİRUSA YOLUXANLARIN SAYI - CANLI STATİSTİKA

Fəzail Ağamalı icra başçılarının — HƏBSİNDƏN DANIŞDI

Fəzail Ağamalı icra başçılarının
21:08
22.02.2020
9309
Siyasət
A
Dövlət Təhlükəsizlik Xidmətinin (DTX) Ağstafa Rayon İcra Hakimiyyətindən 2 ay sonra Neftaçala Rayon İcra Hakimiyyətində əməliyyat keçirərək icra başçısı İsmayıl Vəliyev də daxil bir neçə məmuru şübhəli şəxs kimi saxlaması müxtəlif mülahizələrə səbəb olub.

"Ölkə.Az" yenisabah.az-a istinadən xəbər verir ki, cəmiyyət tərəfindən müsbət qarşılanan bu əməliyyatlara konspirativ yanaşanlar da var.

Onlardan bəziləri icra başçılarının saxlanılmasını hakimiyyətdaxili ziddiyyətlərlə əlaqələndirir. Lakin bəzilərinin fikrincə, hakimiyyət sadəcə ölkədə baş qaldıran narazılığı bir qədər azaltmaq üçün artıq əhəmiyyətsiz fiqura çevrilən məmurları qurban verir. Yəni, iqtidar rüşvət və korrupsiyaya, məmur özbaşınalığına qarşı mübarizənin imitasiyasını həyata keçirməklə vətəndaşların itmiş inamını müəyyən qədər bərpa etmək və ömrünü uzatmaq istəyir.

60 saylı Salyan-Neftçala seçki dairəsinin qalibi elan edilən, bundan əvvəl həmin dairədən 3 dəfə deputat seçilən Ana Vətən Partiyasının (AVP) sədri Fəzail Ağamalı isə bu mülahizələri bölüşmür. Onun fikrincə, DTX-nın əməliyyatları 2018-ci ildə keçirilən prezident seçkilərindən sonra idarəçilik sisteminin yenilənməsinin, islahatların aparılmasının yeni mərhələyə qədəm qoyması ilə bağlıdır: "Prezident İlham Əliyev 2018-ci ildə keçirilən prezident seçkilərindən əvvəl idarəçilik sisteminin yenilənəcəyi, ölkədə bütün sahələr üzrə islahatlar aparılacağını bəyan etmişdi. Prezident seçkilərdən sonra dediklərini reallaşdırmağa başladı və ciddi islahatlara start verildi.

Hökumətin tərkibinin mütləq əksəriyyəti yeniləndi. Yeni simalar, müasir təfəkkürlü, müstəqillik dövründə yetişən, formalaşan kadrlar vəzifələrə təyin edildi. Daha sonra ölkə Prezidenti fərman və sərəncamları ilə həqiqətən də Azərbaycanı yeniləşdirən, gücləndirən və neqativ elementləri aradan qaldırmaq üçün əhəmiyyətli addımlar atdı.

Ölkə başçısı hər bir məmuru qəbul edərkən - artıq bunu ictimailəşdirərək həyata keçirir - onları xalqa ləyaqətlə xidmət etməyə səsləyir, əhəmiyyətli göstərişlər və məhəsləhətlər verir. Təbii ki, bundan sonra bütün prosesə ciddi nəzarət edir.

Xüsusi olaraq hüquq-mühafizə orqanlarında aparılan dəyişikliklər də diqqətdən yayınmalı deyil. Kifayət qədər peşəkar, dövlətə son dərəcə sədaqət göstərən, uzun illər xüsusi xidmət orqanlarında çalışaraq böyük nüfuz qazanan Əli Nağıyevin Dövlət Təhlükəsizlik Xidmətinin rəhbərliyinə gətirilməsi, həmçinin Daxili İşlər Nazirliyində yeniliyin həyata keçirilməsi və xüsusi peşəkarlığı ilə fərlqənən Vilayət Eyvazovun Daxili İşlər naziri təyin olunması göstərirdi ki, bu sahədə də qarşıya qoyulan vəzifələrin reallaşması üçün bütün vintlər bərkidilir. Bu baxımdan, artıq cəmiyyətdə neqativ hallara qarşı islahatların həyata keçirilməsi ilə yanaşı, inzbitai yollarla da mübarizə başladı və bu sırada bir neçə rayonda, eyni zamanda Nerftçalada əməliyyatlar həyata keçirildi".

AVP sədrinin fikrincə, məmurların fəaliyyətində müsbətə doğru ciddi dönüş yaranmayacağı təqdirdə güc strukturlarının əməliyyatları davam edə bilər.

"İcra başçıları, ümumiyyətlə, məmurlar nəhayət başa düşməlidrilər ki, ölkə başçısının niyyəti kifayət qədər ciddidir. Əgər ayrı-ayrı səlahiyyətli şəxslər gedən proseslərdən nəticə çıxarmasalar, onlar da bu cür konkret və ciddi hallarla üzləşməli olacaqlar. 2018-ci ildən sonra tamamilə yeni bir idarəçilik sisteminə keçidlə bağlı Prezidentin sərt iradəsi ortadadır. Bu məsələdə kimsəyə hər hansı xidmətindən asılı olmayaraq güzəşt yoxdur", -deyə Fəzail Ağamalı vurğulayıb.

AVP sədri Nefçalada keçirilən əməliyyatın 9 fevral seçkilərilə bağlı olması barədə iddialara da münasibət bildirib. Onun sözlərinə görə, DTX-nın keçirdiyi əməliyyatın seçkilərlə heç bir əlaqəsi yoxdur.

"Bu hadisələrin seçkilərlə zərrə qədər bağlılığı yoxdur. Mən bunu tam məsuliyyətlə deyirəm. Nə Sabir Rüstəmxanlının qalib gəldiyi 61 saylı Nefçala seçki dairəsində, nə də mənim qalib olduğum 60 saylı Salyan-Neftçala seçki dairəsində neqativ halların yol verilməsinə ehtiyac olub. Bunu Sabir Rüstəmxanlıdan da soruşa bilərsiniz. Orada seçkilər qanun çərçivəsində həyata keçirilib. Neftçalada namizəd olduğum dairənin dislokasiyasına aid 4 məntəqə var. Tam məsuliyyətlə deyirəm ki, bu məntəqələrin hər birində seçkilər şəffaf keçirilib. Nə Salyan, nə də Neftçala rayon icra hakimiyyətlərinin prosesə müdaxiləsi olmayıb", - deyə Fəzail Ağamalı qeyd edib.

Neftçaladan olan seçicilərinin İsmayıl Vəliyevdən ona şikayət edib-etməmlərinə gəlincə, AVP sədri bildirib:
"İsmayıl Vəliyevin fəaliyyətilə bağlı Neftçaladakı seçicilərimdən neqativ müraciətlər daxil olmayıb. Təbii ki, bu fakt həyata keçirilmiş əməliyyatın ciddiliyinə təsir göstərə bilməz. Çünki əməliyyatı həyata keçirən Dövlət Təhlükəsizlik Xidməti kifayət qədər peşəkar, dövlətin maraqlarına xidmət edən qurumdur. Bu baxımdan, hesab ediərm ki, onların keçirdiyi əməliyyat obyektivliyi əks etdirir".

Ölkə.Az

ŞƏRH YAZ
0

Paşinyan növbəti etirafı ilə özünü çətinə saldı

Paşinyan növbəti etirafı ilə özünü çətinə saldı
22:25
11.07.2020
1530
Siyasət
A
“Bu ilin 10 iyul tarixində Yerevanda keçirilən Təhlükəsizlik Şurasının iclasında Ermənistanın Milli Təhlükəsizlik Strategiyasının müzakirəsi zamanı bu ölkənin bölgədə sülh və təhlükəsizliyə birbaşa hədə törədən təcavüzkar siyasəti baş nazir N.Paşinyanın dilindən növbəti dəfə etiraf edildi”.

"Ölkə.Az" Xarici İşlər Nazirliyinə istinadən xəbər verir ki, Azərbaycanın beynəlxalq tanınmış torpaqlarına qarşı əsassız ərazi iddialarını, beynəlxalq hüququ kobudcasına pozaraq hərbi işğala əsaslanan siyasətini ölkənin milli strategiyasında əks etdirən Ermənistan bölgədə ciddi təhlükə ocağı olaraq qalmaqdadır:

“Azərbaycanın ərazilərini hərbi işğal edib bu ərazilərdə yaşayan erməni icmasının öz müqəddəratını müəyyən etməsindən danışan və bunu “milli məqsəd” kimi təhlükəsizlik strategiyasında əks etdirən işğalçı Ermənistan beynəlxalq hüququn, o cümlədən 1975-ci il Helsinki Yekun Aktının prinsiplərini yenidən görməzlikdən gəlir. Xalqların öz müqəddəratını təyin etməsi prinsipinin heç bir halda Azərbaycanın Dağlıq-Qarabağ bölgəsində yaşayan erməni icmasına şamil olunmadığını və ümumiyyətlə, Helsinki Yekun Aktının 8-ci bəndində öz müqqəddəratını təyin etmə prinsipinin BMT Nizamnaməsi, beynəlxalq hüququn norma və prinsipləri, xüsusilə ərazi bütövlüyünə uyğun şəkildə ifadə edilməsini təsbit edildiyini xatırladırıq.

Ermənistan rəhbərliyinin Azərbaycanın hərbi işğal altında saxladığı ərazilərində “suverenlik” iddiası, işğalçı siyasətinin nəticələrinin qorunub saxlanılmasının münaqişənin həlli üzrə aparılan danışıqların məqsədi kimi müəyyən etməsi bu ölkənin münaqişənin həlli prosesinə ciddi əngəl törətdiyini və beynəlxalq ictimaiyyətin qərar və qətnamələrinə hörmətsizlik nümayiş etdirdiyini açıq şəkildə göstərir.

Ermənistan rəhbərliyi anlamalıdır ki, hazırda apardıqları siyasətə görə Ermənistan-Azərbaycan Dağlıq Qarabağ münaqişəsinin həlli məsələsində tamamilə tək qalıblar. Bu ölkənin beynəlxalq reallıqlardan uzaq və sadəlövh milli təhlükəsizlik strayegiyası iflasa uğrayan daxili siyasəti sakitləşdirmək cəhdindən başqa bir şey deyildir.

Beynəlxalq tanınmış əraziləri, o cümlədən müvəqqəti işğal altında olan Dağlıq Qarabağ və ətraf rayonları da daxil olmaqla ərazi bütövlüyünü və azərbaycanlı məcburi köçkünlərin öz evlərinə geri qayıtmasını təmin etmək üçün Azərbaycanın cavab tədbirləri beynəlxalq hüquqa, BMT Nizamnaməsinə, BMT Təhlükəsizlik Şurasının qətnamələrinə və ölkə Konstitusiyasının ona verdiyi haqqa əsaslanır. Bölgədə artan gərginliyin məsuliyyəti isə bilavasitə işğalçı Ermənistanın üzərindədir”.

Ölkə.Az

ŞƏRH YAZ
0

Baş Nazir Əli Əsədov Konstitusiya Məhkəməsinə sorğu göndərib

Baş Nazir Əli Əsədov Konstitusiya Məhkəməsinə sorğu göndərib
21:05
11.07.2020
1268
Siyasət
A
Baş Nazir Əli Əsədov Konstitusiya Məhkəməsinə sorğu göndərdi.

"Ölkə.Az" Nazirlər Kabinetinin mətbuat xidmətinə istinadən xəbər verir ki, Əmanətlərin Sığortalanması Fondunun “Atabank” ASC, “NBCBank” ASC və “AGBank” ASC-də sığorta hadisəsinin baş verməsi ilə əlaqədar həmin banklarda olan müvafiq əmanətlərin qorunan əmanət hesab edilib-edilməməsi məsələsinə Azərbaycan Respublikasının Konstitusiya Məhkəməsi tərəfindən şərh verilməsi üçün Nazirlər Kabinetinə göndərdiyi müraciət öyrənilib və Konstitusiya Məhkəməsinə sorğu göndərilməsi qərar alınıb.

Nazirlər Kabinetinin Konstitusiya Məhkəməsinə ünvanladığı sorğuda həmin banklarda əmanətçilərin mənafelərinin qorunması məqsədilə “Əmanətlərin sığortalanması haqqında” Azərbaycan Respublikasının Qanununun 2.1.2.6-cı maddəsinə şərh verilməsinin zəruriliyi əsaslandırılır. 

Qeyd edək ki, “Əmanətlərin sığortalanması haqqında” qanunun 2.1.2.6-cı maddəsinə əsasən, cəlb edildiyi günə qorunan əmanətlər üzrə illik faiz dərəcəsinin yuxarı həddini maliyyə bazarlarına nəzarət orqanı və Mərkəzi Bankla razılaşdırmaqla müəyyən edilmiş həddən yuxarı illik faiz dərəcəsi ilə qəbul edilir.

Ölkə.Az

ŞƏRH YAZ
0
BAĞLA