İntizam Komissiyası sədrindən Fəzail İbrahimli ilə Fəzail Ağamalı arasındakı qalmaqalla bağlı — AÇIQLAMA

İntizam Komissiyası sədrindən Fəzail İbrahimli ilə Fəzail Ağamalı arasındakı qalmaqalla bağlı
11:33
15.11.2017
2152
Siyasət
A
Milli Məclisin İntizam Komissiyasının sədri, deputat Ağacan Abıyev millət vəkilləri – Fəzail İbrahimli ilə Fəzail Ağamalının bir-birinin ünvanına sərt və təhqiramiz ifadələr səsləndirməsinə münasibət bildirib.

A.Abıyev “Ölkə.Az”a açıqlamasında deputatların bir-birinin haqqında etikadan kənar ifadələr səsləndirməməsini tövsiyə edib:

“Mən onların bir-biri haqqında nə deməsindən məlumatsızam. Ancaq bizim Komissiyanın işi sırf Milli Məclisin iclaslarında olan xoşagəlməz hərəkətlərlə bağlı ölçü götürməkdir. Kimlərsə Milli Məclisdən kənarda, mətbuatda bir-biri haqqında hansısa fikirlər səsləndirirsə, buna biz cavabdeh deyilik. Bunun cavabdeh olan müvafiq qurumlar var. Yenə də deyirəm, Komissiya yalnız Milli Məclisdə baş verən hadisələrə cavabdehdir. İndi hansısa deputatlar kənarda bir-biri haqqında nəsə söyləyirsə, artıq ona biz qarışa bilmirik”.

Xatırladaq ki, deputat Fəzail Ağamalı həmkarı Fəzail İbrahimli haqqında musavat.com-a sərt açıqlamalar verib.

F.Ağamalı iddia edib ki, oğlu Yalçının yol qəzası törətməsi haqda yalan məlumatı həmkarı İbrahimli ötürüb və bunu namərdlik adlandırıb:

“Fəzail İbrahimlinin cinayət törədən oğlunun adını övladımın adı ilə dəyişərək, düşünülmüş şəkildə oğlumu gündəmə gətirməsi çox böyük namərdlikdir”.

Millət vəkili Fəzail İbrahimli isə həmkarının, onun barəsindəki ittihamlara münasibət bildirərək, Fəzail Ağamalını təhqir edib. 

Vasif Həsənli
Ölkə.Az

ŞƏRH YAZ
0

Oqtay Şirəliyevin qızı Rusiyada nazir oldu — FOTOLAR

Oqtay Şirəliyevin qızı Rusiyada nazir oldu
23:08
25.09.2018
3687
Siyasət
A
Azərbaycanlı xanıma Rusiyada yüksək vəzifə verilib.

“Ölkə.Az” Rusiya mətbuatına istinadən xəbər verir ki, Nərmin Şirəliyeva adlı azərbaycanlı Moskva vilayətində Nazirlər Kabinetində vəzifəyə təyin olunub. Bu barədə vilayət qubernatoru Andrey Vorobyev məlumat verib. Bildirib ki, o, N. Şirəliyevanı Mədəniyyət naziri təyin edib. 

Nərmin Şirəliyeva uzun illər Rusiyada “Mədəniyyət” telekanalında çalışıb və böyük əksəriyyət onu buradan tanıyır. 2013-cü ildən Moskva vilayətində qubernatorun mədəniyyət işləri üzrə müşaviri çalışıb. O, böyük layihələrin hazırlanması və həyata keçirilməsində iştirak edib.

Qeyd edək ki Nərmin Şirəliyeva Səhiyyə naziri Oktay Şirəliyevin qızıdır

Ölkə.Az

 

ŞƏRH YAZ
0

Elmar Məmmədyarov ABŞ dövlət katibinin köməkçisi ilə görüşdü

Elmar Məmmədyarov ABŞ dövlət katibinin köməkçisi ilə görüşdü
20:59
25.09.2018
1881
Siyasət
A
Azərbaycan xarici işlər naziri Elmar Məmmədyarov Nyu-Yorkda ABŞ dövlət katibinin Avropa və Avrasiya məsələləri üzrə köməkçisi Ves Miçel ilə görüşüb.

XİN-dən "Ölkə.Az"a verilən məlumata görə, görüş BMT Baş Assambleyasının 73-cü sessiyası çərçivəsində baş tutub.

Tərəflər ikitərəfli əməkdaşlıq gündəliyinin bir çox məsələləri üzrə fikir mübadiləsi aparıb. 

Görüşdə həmçinin qarşılıqlı maraq doğuran regional və beynəlxalq məsələlər müzakirə edilib.

Ölkə.Az

ŞƏRH YAZ
0
BAĞLA