Fəzail Miskinli: "Saz ona şıllaq atanlara qənim olacaq"

Fəzail Miskinli:
14:03
17.04.2018
4580
Maqazin
A
"Saza şıllaq atanlar, saz sizə qənim olacaq. Çünki saz müqəddəsdir".

Bu fikirləri "Ölkə.Az"a açıqlamasında tanınmış aşıq Fəzail Miskinli səsləndirib. F.Miskinli bildirib ki, bəzi aparıcılar sazı təhqir edirlər:

"Bir aparıcı efirdə dedi ki, saz niyə müqəddəs olur? Sözündən belə çıxdı ki, sazın bir hissəsi ağacdan, bir hissəsi dəmirdən olduğu üçün müqəddəs sayıla bilməz. O söz çox xətrimə dəydi. Həmin məclisdə əyləşən ustadlardan heç kim aparıcıya irad bildirmədi. Halbuki Koroğlu dəlilərini saz ifasından sonra seçərdi. Aşıq Cünunu çağırıb bir saz havası çaldırar, əlini seçəcəyi igidin nəbzinə qoyarmış. Əgər saz çalınanda o adamın nəbzinin döyüntüləri artmadısa, dəliləri sırasına qəbul etməzmiş. Türk qoşunlarının qarşısında aşıq gedib. Saz sənəti təkcə çalıb oxumaqdan ibarət deyil. Əgər saz çala bilirsənsə, silahın var, sözün yoxdursa, deməli, silahının gülləsi də yoxdur"

F.Miskinli dahi Bülbülün saz haqda dediklərini xatırladıb:
"Dahi Bülbül deyir ki, saz özündə bir neçə istiqaməti birləşdirir. Bəstəkarlıq, aktyorluq, rəqqaslıq saz sənətində birləşir. Bundan gözəl söz ola bilərmi".

İntiqam VALEHOĞLU
Ölkə.Az

ŞƏRH YAZ
0

Bu məşhurlarımız plastik əməliyyatın QURBANI OLDU — FOTO

Bu məşhurlarımız plastik əməliyyatın QURBANI OLDU
23:02
20.04.2019
5663
Maqazin
A
İnsanlar, xüsusən də qadınlar hər zaman gözəl görünməyə can atır. Gözəllik isə necə deyərlər "qurban" tələb edir. Müasir dövrümüzdə əsl qurbana çevrilənlərin sayı az deyil.

"Ölkə.Az" redaktor.az-a istinadən bildirir ki, ölkəmizdə uğursuz, eləcə də ölümlə nəticələnən bir çox plastik cərrahiyyə əməliyyatları baş verir. Sıravi vətəndaşlarla yanaşı məşhurlarımız da əməliyyat masasına uzanır.

Yaxın keçmişdə ilk dəfə plastik cərahiyyə əməliyyatı etdirən xalq artisti, bədii qiraətçi Əminə Yusifqızı olub. O, burun əməliyyatı keçirib.

Onun ardınca isə xalq artisti Flora Kərimova əməliyyat masasına uzanıb. Xanım sənətçi Redaktor.az-a açıqlamasında bildirib ki, hər qadın gözəl görünmək üçün əlindən gələni etməlidir:

"Mənim plastik əməliyyata münasibətim çox yaxşıdır. Hər qadın gözəl görünmək istəyir. Əks halda, bu, onda narahatlıq, özünəqapanma, kompleks yarada bilər. Həyatı cəhənnəmə dönə bilər. Əsas odur ki, peşəkar əllərə özünü həvalə edəsən. Mən cavanlığımda əməliyyat etdirmişəm və hesab edirəm ki, yenə ehtiyac duysam, o masaya uzanacam. Amma bu, mənim gözəl görünməyim üçün sonuncu şansım olacaq".

İlk dəfə uğursuz əməliyyata məruz qalan müğənni isə Nəzakət Məmmədova olub. O, boynundakı qırışlardan azad olunmaq üçün həkimə müraciət edib. Nəticədə isə xanım sənətçi qanaxmadan vəfat edib.

Uğursuz əməliyyat elətdirən digər məşhur isə "Elit star" ləqəbi ilə tanınan müğənni Cəmilə olub:

"Son zamanlar məşhurlar adətən plastik əməliyyat xəstəliyinə tutulublar. Əməliyyat lazımdır, amma üzlə bədənə toxunmaq olmaz. Mən onları anlaya bilmirəm, nəyə lazımdır? İdmanla məşğul olub, az yeyib arıqlamaq lazımdır. Mən silikonla dodağımı şişirtdim, amma sonradan çıxartdım. Çünki fəsadlarla qarşılaşdım. Dodağım çürüməyə və göynəməyə başladı".

Əməkdar artist Nahidə Orucova hesab edir ki, səhnədə olan hər kəs mütləq əməliyyat etdirməlidir:

"Mədəmi kiçiltdirib, üzümü dartdırmışam, lakin fəsadla qarşılaşmamışam. Əməliyyatdan öncə özümü mənəvi hazırlışam. Amma tamaşaçılar məni bəyənməyiblər".

Ölkə.Az

ŞƏRH YAZ
0

“İlhamə gözəl qadınları qısqanırdı” — Firuzə İbadova

“İlhamə gözəl qadınları qısqanırdı”
22:19
20.04.2019
3062
Maqazin
A
Lider kanalında yayımlanan “Ay ev yiyəsi” verilişinin növbəti qonağı əməkdar artist Firuzə İbadova olub.

“Ölkə.Az” xəbər verir ki, ifaçı mərhum sənətkar İlhamə Quliyeva haqqında xatirələrini bölüşüb.  

“İlhamə çox mötəbər nəslin nümayəndəsi idi. O, boş-boşuna tikanlarını çıxartmırdı. Özünü müdafiə etmək lazım olanda sərt olurdu. Məni yalnız Nazpəri xanımla olan qalmaqalı üzürdü. O, özü də Nazpərini çox istəyirdi, sənətini, səsini bəyənirdi. İlhamə xanım özü gözəl qadın idi, gözəl qadınları qısqanırdı. Son vaxtlar bu işə görə, peşmançılıq çəkirdi”, – deyə Firuzə İbadova bildirib.

Xatırladaq ki, İlhamə Quıiyeva  2016-cı il 25 fevralda vəfat edib.

Vüsalə Balayeva
Ölkə.Az

ŞƏRH YAZ
0
BAĞLA