“Fiat”ın işçiləri Ronaldunun transferinə görə tətilə çıxıblar

“Fiat”ın işçiləri Ronaldunun transferinə görə tətilə çıxıblar
22:17
11.07.2018
1109
Dünya
A
İtaliyanın “Fiat” avtomobil konserninin əməkdaşları Portuqaliya millisinin futbolçusu Kriştianu Ronaldunun “Yuventus”a transferinə etiraz olaraq tətil elan ediblər.

"Ölkə.Az" xəbər verir ki, işçilər 33 yaşlı hücumçunun İspaniyanın “Real” klubundan alınması üçün ödənilən vəsaitin, eləcə də oyunçunun illik əmək haqqının qəbuledilməz olduğunu düşünürlər.

“İşçilər kəməri bərk-bərk sıxdıqları halda, şirkət bir futbolçu üçün bu cür vəsait ödəyir. Əməkdaşlar az və yubanan maaşlara görə qənaət edir, amma kampaniya milyonlar xərcləyir. Bu, qəbuledilməzdir!”, – deyə onlar bildiriblər.

Qeyd edək ki, “Fiat” “Yuventus”un sahibi olan “Exor” holdinqinə daxildir. Turin klubu Kriştianu Ronaldunun transferi üçün iki il ərzində “Real”a 100 milyon avro ödəyəcək. Dörd illik müqaviləyə qol çəkən futbolçunun illik maaşı isə 30 milyon avro olacaq.

Ölkə.Az

ŞƏRH YAZ
0

Pilot arvadını öldürmək üçün idarə etdiyi təyyarəni öz evinə çırpdı — VİDEO

Pilot arvadını öldürmək üçün idarə etdiyi təyyarəni öz evinə çırpdı
19:08
Bu gün
667
Dünya
A
Botsvanada pilot təyyarə ilə həyat yoldaşını öldürməyə çalışıb.

"Ölkə.Az" xarici mediaya istinadən bildirir ki, hadisə ölkənin paytaxtı Qaboronedə baş verib.

İlkin məlumatlara görə, pilot hadisədən bir neçə saat əvvəl həyat yoldaşı ilə mübahisə edib. Mübahisədən sonra isə həyat yoldaşını öldürmək qərarına gələn pilot təyyarəni evinin üstünə çırpıb.

Hadisə nəticəsində pilot həyatını itirib. Ailə üzvləri isə evdən qaçaraq sağ qalıblar. 

Xatırladaq ki, təyyarənin evə çırpılması nəticəsində ev tamamilə dağılıb. Ətrafdakı 11-ə yaxın nəqliyyat vasitəsinə ciddi ziyan dəyib.

<iframe width="560" height="315" src="https://www.youtube.com/embed/Jfsc87I0T94" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Ölkə.Az

ŞƏRH YAZ
0

Mixeil Saakaşvilinin partiyasına yeni sədr seçilib

Mixeil Saakaşvilinin partiyasına yeni sədr seçilib
18:50
Bu gün
308
Dünya
A
Bu gün Gürcüstanın sabiq prezidenti Mixeil Saakaşvilinin lideri olduğu Vahid Milli Hərəkat Partiyasının (VMHP) qurultayı keçirilib.

"Ölkə.Az" report-a istinadən bildirir ki, qurultayda VMHP-yə yeni sədr seçkiləri keçirilib.

Qriqol Vaşadze səs çoxluğu ilə partiyanın sədri seçilib. O, partiya sədrliyinə yeganə namizəd olub.

Qurultayda səsvermə elektron qaydada keçirilib. İştirakçılar xüsusi mobil applikasiya vasitəsilə səs veriblər.

Q.Vaşadzenin namizədliyinin lehinə 364 nümayəndə, əleyhinə 1 nəfər səs verib, digər 1 nəfər isə səsvermədə iştirakdan imtina edib.

M.Saakaşvili partiyanın qurultayına canlı video bağlantı ilə qatılıb. O, VMHP-nin böyük ideyalar təşkilatı olduğunu bildirib: "Biz ilk öncə xalqın partiyasıyıq. Bütün insanlar partiya və ölkənin rəhbərliyində iştirak etməlidirlər".

Qeyd edək ki, bu günə qədər VMHP-nin sədri vəzifəsini Nika Melia icra edib.

Q.Vaşadze 2008-2012-ci illərdə Gürcüstanın xarici işlər naziri olub.

Ölkə.Az

ŞƏRH YAZ
0
BAĞLA