Fikrət Qoca Müşfiqi təhqir edənlərə "od püskürdü" — “Belə adamlar atasını, babasını tanımır”

Fikrət Qoca Müşfiqi təhqir edənlərə
11:57
13.03.2018
6619
Mədəniyyət
A
Azərbaycan Yazıçılar Birliyinin birinci katibi, xalq şairi Fikrət Qoca sosial şəbəkələrdə özünü “gənc şair” adlandıran bəzilərinin Azərbaycan xalqının sevilən şairi, repressiya qurbanı Mikayıl Müşfiqi təhqir etməsinə cavab verib.

F.Qoca “Ölkə.Az”a açıqılamasında bildirib ki, Elşad Barat və onun kimi bir çox gənc Mikayıl Müşfiqi tanımır:

“Mikayıl Müşfiq onun atasından, babasından da yaşlı adam olub. O necə Mikayıl Müşfiq haqqında doğru fikir söyləyə bilər? Belə adamlar heç atasını, babasını tanımırlar. Həmin gəncdən soruşsanız, heç babası haqqında düzgün fikir söyləyə bilməz. Heç bilmir ki, babası kim olub. Sabah onun da övladı olacaq. Övladı həmin gəncə “ata sən nə üçün Mikayıl Müşfiqi təhqir etmisən?” sualını verəndə bəs necə olacaq? Övladına necə cavab verəcək? Ağılsızlıq hər bir adamın başına bəla açır. Hər bir cavan ədəbiyyatçı düşünməlidir ki, sabah o da qocalacaq”.

F.Qoca qeyd edib ki, Mikayıl Müşfiq Azərbaycanın ən görkəmli şairlərindən biri olub:

“Çox təəssüf ki, bir qrup gənc Azərbaycan xalqının görkəmli nümayəndələrinin həyat yolu və yaradıcılığını oxumaq, öyrənmək əvəzinə, onlara ləkə yaxmağa çalışır. Əslində, gənclər Mikayıl Müşfiqi təhqir etmək əvəzinə, ona təşəkkür etməli idilər. İnsan hər şeydən əvvəl düzgün danışmağı, özünə hörmət etməyi bacarmalıdır. Şairlikdən də əvvəl əxlaqla danışmağı bilmək lazımdır. Bütün bunlardan sonra şairlik gəlir. Əxlaqa qiymət veriləndə şairin sözünə də, şeirlərinə də həvəs, hörmət olacaq”.  

Vasif Həsənli
Ölkə.Az

ŞƏRH YAZ
0

Bakıda “Avropa mədəni irsi ili” çərçivəsində festival keçiriləcək

Bakıda “Avropa mədəni irsi ili” çərçivəsində festival keçiriləcək
21:57
19.09.2018
1519
Mədəniyyət
A
Avropa İttifaqının Azərbaycandakı nümayəndəliyi quruma üzv dövlətlərlə birgə Azərbaycanda mədəni irsin qorunub saxlanılmasının vacibliyinə dair məlumatlılığın artırılması məqsədilə “FANTAZIA” adlı festival təşkil edəcək. “United Cultures in Baku” MMC festivala təşkilati dəstək verəcək.

"Ölkə.Az" xəbər verir ki, bu fikir “2018-ci il Avropa mədəni irsi ili” çərçivəsində Avropa İttifaqının Azərbaycandakı nümayəndəliyinin və “United Cultures in Baku” MMC-nin birgə təşkilatçılığı ilə Bakıda keçiriləcək “FANTAZİA” festivalı ilə əlaqədar sentyabrın 19-da mətbuat konfransında səslənib.

Bildirilib ki, noyabrın 1-dən 10-dək davam edəcək festivalda konsertlər, ekskursiyalar, seminarlar, sərgilər, müsabiqələr təşkil olunacaq, yerli və xarici mütəxəssislərlə görüşlər keçiriləcək.

Tədbirdə Avropa İttifaqının Azərbaycandakı nümayəndəliyinin rəhbəri Kestutis Yankauskas, Fransanın, Niderlandın, Polşanın, Macarıstanın, Meksikanın ölkəmizdəki səfirləri Aureliya Buşez, Onno Kervers, Marek Tsalka, Viktor Szederkenyi, Xuan Rodriqo Labardini Flores və digərləri çıxış edərək festivalın əhəmiyyəti barədə danışıb, Azərbaycanın tarixinin, zəngin mədəni irsinin qorunmasının vacibliyini qeyd ediblər.

Sonra festivala həsr edilmiş videoçarx nümayiş olunub.

Ölkə.Az

ŞƏRH YAZ
0

Sumqayıt Dövlət Dram Teatrı Hüseyn Cavidi anacaq

Sumqayıt Dövlət Dram Teatrı Hüseyn Cavidi anacaq
21:42
19.09.2018
1328
Mədəniyyət
A
Sumqayıt Dövlət Dram Teatrı 50-ci yubiley mövsümünü sentyabrın 25-də açacaq.

Teatrdan "Ölkə.Az"a verilən məlumata görə, kollektiv mövsümün ilk tamaşası olaraq N.Muradoğlunun “Zülmətdə nur” yeni səhnə əsərini tamaşaçılara təqdim edəcək.

Tamaşanın quruluşçu rejissoru xalq artisti Firudin Məhərrəmov, musiqi tərtibatçısı Telman Qəniyevdir.

Əsas obrazları əməkdar artistlər İlahə Səfərova, Rauf Ağakişiyev, Cəlal Məmmədov, İzaməddin Bağırov, aktyorlar Habil Xanlarov, Oqtay Mehdiyev, Şəmistan Süleymanlı, Sədaqət Nuriyeva, Dağlar Rüstəmov, İlahə Səfərova, İlham Səfərli, Şəhla Məmmədova, Rövşad İlyasov, Akif Mirzəyev ifa edirlər.

Tamaşa 1937-ci il represiya qurbanlarının, əsasən də H.Cavid ailəsinin faciəvi həyatından bəhs edir. Tamaşada H.Cavid ilə bərabər, o dövr Stalin və Bağırov siyasətinin qurbanları Ə.Cavad, M.Müşviq və onların həyat yoldaşları Şükriyyə və Dilbər xanımın represiya əzabları da səhnədə yer alıb.

Ölkə.Az

ŞƏRH YAZ
0
BAĞLA