Fikrət Qocanın oğlunun qətli ilə bağlı məhkəmə keçirildi

Fikrət Qocanın oğlunun qətli ilə bağlı məhkəmə keçirildi
18:29
16.10.2017
587
Ölkə
A
Bu gün Bakı Ağır Cinayətlər Məhkəməsində xalq şairi Fikrət Qocanın oğlunun qətlində təqsirləndirilən Elnur Nəhmədov, onun xuliqanlıqda təqsirləndirilən tanışları - Ruslan Məmmədov və Pərviz Hüseynovun cinayət işi üzrə məhkəmə iclası davam edib.

"Ölkə.Az"ın APA-ya istinadla məlumatına görə, hakim Novruz Kərimovun sədrlik etdiyi iclasda meyiti və təqsirləndirilən şəxsləri müayinə edən ekspertlər şahid qismində ifadə veriblər.

Onlar ölümə səbəb olaraq Y. Qocayevin başının yerə dəyməsini göstəriblər.

Təqsirləndirilən şəxslərlə bağlı isə bildiriblər ki, Elnur Nəhmədovda yüngül psixi pozğunluq müəyyən edilib. Qeyd olunub ki, ekspertiza zamanı onun uşaq vaxtı psixoloji travma aldığı müəyyən edilib.

Şahid qismində təqsirləndirilənlərin və öldürülən şəxsin tanışı Məlikağa Quliyev də ifadə verib. Bildirib ki, onları yaxşı adamlar kimi tanıyıb.

İclas digər şahidlərin ifadələri ilə davam etdirilib.

Proses oktyabrın 23-də davam edəcək.

Qeyd edək ki, bu il martın 11-də, saat 2:00 radələrində Vətən Müharibəsi Veteranlar Birliyinin Nəsimi rayon şöbəsinin inzibati binasında oranın üzvü, Bakı şəhər sakini Yalçın Qocayevə baş nahiyəsindən küt alətlə xəsarət yetirilib. 1963-cü il təvəllüdlü Y.Qocayev hadisə yerində ölüb.

Faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanılıb. İstintaq tədbirləri nəticəsində Y.Qocayevin tanışları - Sumqayıt şəhər sakini, əvvəllər məhkum olunmuş Ruslan Məmmədov, Sabirabad rayon sakini Elnur Nəhmədov, Bakı şəhər sakini Pərviz Hüseynovla aralarında baş verən mübahisə zəminində E.Nəhmədov tərəfindən döyülərək, öldürülməsi müəyyən edilib.

Görülmüş tədbirlərlə hər üç şəxs tutulub.

ŞƏRH YAZ
0

Sürücü avtobusla 20 yaşlı qızı öldürdü — RƏSMİ

Sürücü avtobusla 20 yaşlı qızı öldürdü
11:45
Bu gün
230
Ölkə
A
Oktyabrın 19-da saat 11:30 radələrində paytaxtın Sabunçu rayonu ərazisində Zaur Quliyevin 131 saylı marşrut xətti üzrə idarə etdiyi “General Avtocompany” MMC-yə məxsus “Daewoo BS 090” markalı 90-TH-257 dövlət qeydiyyat nişanlı avtobusu yolun sağ tərəfində saxlayıb sərnişin düşürdükdən sonra avtobusu arxaya doğru hərəkət etdirərkən piyada keçidində yolu keçmək istəyən 1998-ci il təvəllüdlü Aysel Məmmədovanı vurub üzərindən keçərək ölümünə səbəb olmasına şübhələr üçün əsaslar müəyyən edilib.

"Ölkə.Az" xəbər verir ki, Bakı şəhər Baş Polis İdarəsinin və şəhər prokurorluğunun birgə məlumatına görə, fakta görə Sabunçu rayon Polis İdarəsinin İstintaq Şöbəsində Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma zərərçəkmiş şəxsin ölümünə səbəb olduqda) maddəsi ilə cinayət işi başlanaraq zəruri ekspertizalar təyin edilmiş, şahidlər dindirilib.

Z.Quliyev iş üzrə təqsirləndirilən şəxs qismində cəlb olunaraq ona Cinayət Məcəlləsinin qeyd edilən maddəsi ilə ittiham elan edilməklə məhkəmənin qərarı ilə barəsində həbs qətimkan tədbiri seçilib.

İstintaq zamanı avtobusun sürücüsünün narkotik vasitələrdən istifadə etməsi müəyyən edildiyindən sürücünün sərnişindaşıma ilə məşğul olmasına şərait yaratmış “General Avtocompany” MMC-nin vəzifəli şəxsləri barəsində Bakı şəhər prokurorluğunun İstintaq İdarəsində araşdırmalara başlanılıb.

Hazırda cinayət işi üzrə zəruri istintaq tədbirləri davam etdirilir.

Ölkə.Az

ŞƏRH YAZ
0

Nəcməddin Sadıkov İsraildə səfərdədir

Nəcməddin Sadıkov İsraildə səfərdədir
11:37
Bu gün
158
Ölkə
A
Azərbaycan müdafiə nazirinin birinci müavini - Silahlı Qüvvələrin Baş Qərargah rəisi general-polkovnik Nəcməddin Sadıkov israilli həmkarı general-leytenant Qadi Ayzenkotun dəvəti ilə oktyabrın 23-də Tel-Əviv şəhərinə yola düşüb.

Bu barədə "Ölkə.Az"a Müdafiə Nazirliyinin mətbuat xidmətindən məlumat verilib.

Rəsmi səfər çərçivəsində general-polkovnik N.Sadıkovun İsrailin müdafiə naziri, Baş Qərargah rəisi və digər rəsmi şəxslərlə görüşü, müdafiə sənayesi sahəsində fəaliyyət göstərən müəssisələri ziyarət etməsi nəzərdə tutulub.

Ölkə.Az

ŞƏRH YAZ
0
BAĞLA