Filippin prezidenti oğlunu öldürməyə and içdi
Filippin prezideni şok bəyanat səsləndirib.
"Ölkə.Az" xəbər verir ki, Rodriqo Duterte oğluna qarşı irəli sürülən narkotik maddə ticarəti təsdiqlənsə, onu öldürəcəyinə and içib.
Qeyd edək ki, bu ay Senat Paolo Duterte haqqında istintaqa start verib. Müxalifət siyasətçisinin ittihamına görə, Paolo Filippindən Çinə narkotik maddə daşıyan çinli sindikatın üzvüdür.
Prezident Duterte deyib: "Əvvəl də demişəm, əgər narkotik maddə qəbul edən övladım varsa, onları öldürün. Mən bunu oğlum Paoloya da demişəm. Əgər səni həbs etsələr, öldürülməyini əmr etmişəm. Əgər bu həqiqətdirsə, səni öldürən polisi müdafiə edəcəm".
Qeyd edək ki, Filippin prezidenti hazırda narkotik maddə ticarətinə qarşı savaş açıb.
Hikmət Həsənov
Ölkə.Az
