Filippin prezidenti Putinlə görüşə gəlib

“Ölkə.Az” xəbər verir ki, bu barədə Rusiya Xarici İşlrə Nazirliyi məlumat yayıb. Məlumata görə, Rodriqo Dutertenin şəxsi təyyarəsi Moskva aeroportuna eniş edib.

Filippin prezidentini Rusiya XİN rəhbərinin müavini İqor Morqulov qarşılayıb. Rodriqo Dutertenin Rusiyada 22-25 may tarixlərində səfərdə olacağı bildirilib.

Səfər çərçivəsində o, mayın 25-də Rusiya prezidenti Vladimir Putinlə görüşəcək. Səfərin iki dövlət arasında münasibətləri yaxşılaşdırmaq məqsədi daşıdığı bildirilib.

“İki ölkə rəhbəri görüş zamanı iqtisadi-siyasi əlaqələrdən, iki dövlət arasında sıx əməkdaşlıq, mədəni tərəfdaşlıq və s. məsələlərdən danışacaqlar. Danışıqlar zamanı həmçinin Asiya-Sakit okean regionunda sabitlik və təhlükəsizlik məsələləri diqqət mərkəzində olacaq”, - deyə məlumatda bildirilib.

Ziya Səccad
Ölkə.Az