Finlandiya Stalin dövründə həlak olmuş yüz minlərlə finin taleyini araşdıracaq

Finlandiya Stalin dövründə həlak olmuş yüz minlərlə finin taleyini araşdıracaq
04:05
18.01.2020
1217
Dünya
A
Finlandiya hökuməti inqilabdan sonra Rusiyaya gəlmiş və Stalin dövründə həlak olmuş yüz minlərlə finin taleyini araşdırmaq niyyətindədir.

"Ölkə.Az" bildirir ki, Finlandiya hökumətinin mətbuat xidmətinin yaydığı xüsusi məlumatda belə deyilir.

Finlandiyada SSRİ-də finlərin taleyi mövzusunda açıq müzakirələr 2019-cu il avqust ayının sonlarında - ölkədə çıxan nüfuzlu "Helsingin Sanomat" qəzeti bu mövzu ilə bağlı məqalə dərc edəndən sonra başlayıb.

Finlandiya hökuməti 1917-1953-cü illər dövrünü əhatə edəcək irimiqyaslı araşdırmaya başlamaq barədə qərar qəbul edib. Bu günə olan məlumata görə, inqilabdan əvvəl Böyük Finlandiya Knyazlığı istisna olmaqla, Rusiya İmperiyası ərazisində 400 mindən çox etnik fin və karel yaşayıb.

İndi Finlandiya tədqiqatçıları hazırlıq işlərinə başlayıblar. Layihənin icrasına 2020-ci ilin avqustunda başlanacaq və 2025-ci ilin iyulunadək davam edəcək. Onun maliyyələşdirilməsinə Finlandiya hökuməti katibliyindən, Təhsil və Mədəniyyət Nazirliyindən 2 milyon avrodan çox vəsait ayrılacaq.

ŞƏRH YAZ
0

Ermənistan İranla sərhədini bağladı — Koronavirusa görə

Ermənistan İranla sərhədini bağladı
23:14
23.02.2020
246
Dünya
A
Ermənistan koronavirusun ölkədə yayılmasının qarşısını almaq məqsədilə İranla sərhədi iki həftəlik bağlayıb.

"Ölkə.Az" xəbər verir ki, bu barədə Ermənistanın Baş naziri Nikol Paşinyan məlumat verib.

O qeyd edib ki, İranda koronavirusa yoluxma və ölüm hadisəsindən sonra iki ölkə arasında təyyarə reysləri də müvəqqəti dayandırılıb.

Xatırladaq ki, İranda koronavirusa 43 nəfər yoluxub, səkkiz nəfər isə bu virusdan ölüb.

Ölkə.Az

ŞƏRH YAZ
0

Türkiyə-İran sərhədində daha bir zəlzələ baş verib

Türkiyə-İran sərhədində daha bir zəlzələ baş verib
22:23
23.02.2020
325
Dünya
A
Fevralın 23-də yerli vaxtla saat 20:00-da Naxçıvan stansiyasından 110 kilometr cənub-qərbdə - Türkiyə-İran sərhədində maqnitudası 5.9 bal olan zəlzələ baş verib.

"Ölkə.Az" Azərbaycan Milli Elmlər Akademiyası nəzdində Respublika Seysmoloji Xidmət Mərkəzinə istinadən xəbər verir ki, ocağı 3 kilometr dərinlikdə yerləşən zəlzələ Naxçıvan Muxtar Respublikasında 4-3 bala qədər hiss olunub.

Qeyd edək ki, bu, Türkiyə-İran sərhəddində gün ərzində baş verən ikinci zəlzələdir. Birinci zəlzələ saat 09:52-də qeydə alınıb. Zəlzələnin maqnitudası 5.8, ocağının dərinliyi 10 kilometr olub və Naxçıvan Muxtar Respublikasında 4-3 bala qədər hiss edilib.

ŞƏRH YAZ
0
BAĞLA