Finlandiyada Azərbaycan Xalq Cümhuriyyətinin 100 illiyi ilə bağlı təqdimat keçirilib — FOTO

Finlandiyada Azərbaycan Xalq Cümhuriyyətinin 100 illiyi ilə bağlı təqdimat keçirilib
23:00
26.04.2018
3504
Dünya
A
Finlandiyanın Tampere Universitetində Azərbaycan Xalq Cümhuriyyətinin (AXC) 100 illiyi ilə bağlı təqdimat və Azərbaycan həqiqətlərini əks etdirən kitab sərgisi keçirilib.

"Ölkə.Az" xəbər verir ki, bu ilin 16-24 aprel tarixlərində Azərbaycan Respublikasının Gənclər və İdman Nazirliyinin dəstəyi ilə Azərbaycan Gənc Alim, Aspirant və Magistrlər Cəmiyyətinin sədri, fəlsəfə doktoru İlqar Orucovun rəhbərliyi altında nümayəndə heyəti Finlandiyanın Tampere şəhərində Avropa Gənc Alimlər Şurasının (EURODOC) İllik Baş Toplantısında və elmi konfransda ölkəmizi təmsil edib. 

Aprelin 21-də Tampere Universitetində rektor professor Liisa Laakso, Avropa Gənc Alimlər Şurasının prezidenti dr. Garek OʹNell, Avropa Komissiyasının elm və təhsil üzrə komissarı professor Fabiana Gauter, Finlandiya Akademiyasının nrəsmisi professor Hannel Lahtinen, Finlandiya Təhsil və Mədəniyyət Nazirliyinin və 38 dövlətin gənc alimlərinin milli assosasiyalarının rəhbər heyətindən ibarət 100-dək nümayəndənin qatıldığı tədbirdə Azərbaycan Gənc Alim, Aspirant və Magistrlər Cəmiyyətinin təşəbbüsü ilə Azərbaycan Xalq Cümhuriyyətinin (AXC) 100 illiyinə həsr olunmuş geniş təqdimat mərasimi təşkil edilib.

İştirakçıların böyük maraqla izlədiyi təqdimat mərasimində ölkə başçısı cənab İlham Əliyevin imzaladığı Sərəncamla 2018-ci ilin “Azərbaycan Xalq Cümhuriyyəti İli” elan edilməsi məclis iştirakçılarının diqqətinə çatdırılıb və təqdimatın məhz xalqımız üçün tarixi bir məqamda keçirilməsini vurğulayıb.

Müsəlman Şərqində ilk parlament respublikası olan Azərbaycan Xalq Cümhuriyyətinin yaranması tarixi, fəaliyyət göstərdiyi qısa dövr ərzində həyata keçirilən islahatlar barədə tədbir iştirakçılarına geniş məlumat verilib. Qeyd olunub ki, xalqımızın mədəni-intellektual, siyasi səviyyəsinin məhsulu və dövlətçilik ənənələrinin təcəssümü olan demokratik dövlət maarifin, elmin və mədəniyyətin inkişafına xüsusi diqqət yetirib. 

Azərbaycan Gənc Alim, Aspirant və Magistrlər Cəmiyyətinin üzvü, Bakı Dövlət Universitetinin əməkdaşı Səbuhi Talıbovun çıxışı ilə davam edən təqdimatda Xalq Cümhuriyyətinin süqutuna səbəb olan tarixi reallıqlar əks olunub və bildirilib ki, 70 il SSRİ imperiyası tərkibində olmasına baxmayaraq sivil və dünyəvi Azərbaycan xalqı daim qəlbində müstəqillik ideyalarını və arzularını yaşadıb.

Təqdimatda Azərbaycanda həyata keçirilən müstəqil və uğurlu siyasət, iqtisadi nailiyyətlərimizdən, Bakının bütün dünyada humanitar mərkəz kimi rolundan və bu istiqamətdə görülən işlərdən, Azərbaycanda gənclər sahəsində aparılan siyasətin və ölkə başçısı möhtərəm İlham Əliyevin gənclərin təşəbbüslərinin reallaşması üçün yaratdığı unikal imkanlardə danışılıb. 

Azərbaycan Gənc Alim, Aspirant və Magistrlər Cəmiyyətinin təşəbbüsü ilə növbəti aksiya 22 aprel tarixində Tampere Universitetinin Mərkəzi Elmi Kitabxanasında baş tutub. Azərbaycan Milli Elmlər Akademiyasının Abbasqulu Ağa Bakıxanov adına Tarix İnstitutunun ingilis dilində çap etdirdiyi tariximizə, xalqımıza qarşı ermənilər tərəfindən həyata keçirilmiş silsilə soyqırım faktlarına, Qarabağda məhv edilmiş və özünküləşdirilmiş  maddi-mədəniyyət və arxeoloji abidələrə həsr olunmuş kitabların sərgisi təşkil edilib. Sərgidə xalqımıza qarşı Ermənistan tərəfinin hərbi təcavüzü, 20 faiz torpaqlarımızın işğal edildiyi, 1 milyondan çox insanımızın doğma yurd-yuvalarından didərgin salınaraq bu gün də məcburi köçkün həyatı yaşamaları ilə bərabər, işğal olunmuş torpaqlarda qanunsuz cinayətlər və vandalizm aktları həyata keçirildiyi vurğulanıb. Qeyd olunub ki, işğal altında olan torpaqlarda bu gün də böyük humanitar fəlakət yaşanmaqdadır.

Sərginin sonunda kitablar müxtəlif ölkələrdən olan xarici alimlərə paylanılıb.

Ölkə.Az

ŞƏRH YAZ
0

ABŞ-da müsəlmanlara hücum planlaşdıranlar həbs edilib

ABŞ-da müsəlmanlara hücum planlaşdıranlar həbs edilib
01:29
Bu gün
3426
Dünya
A
ABŞ-da müsəlmanların yaşadığı qəsəbəyə hücum planlaşdıran qruplaşma üzvləri həbs edilib.

"Ölkə.Az" reporta istinadən bildirir ki, onlar Roçester şəhərində həbs olunublar. Saxlanılanlar 18-20 yaşlarında üç kişi və 16 yaşlı gəncdir. Onlar müsəlmanların yaşadığı, Nyu-York ştatındakı İslamberq qəsəbəsinə hücum hazırlığında ittiham edilirlər.

Hüquq-mühafizə orqanlarının əməkdaşları axtarışlar zamanı şübhəli şəxslərdə bir neçə əldəqayırma partlayıcı qurğu aşkarlayıb. Həbs edilənlərə qarşı sui-qəsd və silah saxlama maddələri üzrə ittihamlar irəli sürülüb.

Ölkə.Az

ŞƏRH YAZ
0

“Nəsiminin məzarı qohumlarının nəzarəti altındadır” — Azərbaycanın Livandakı səfiri

“Nəsiminin məzarı qohumlarının nəzarəti altındadır”
00:28
Bu gün
4645
Dünya
A
Prezident İlham Əliyevin sərəncamı ilə 2019-cu il Azərbaycanda görkəmli şair və mütəfəkkir, Azərbaycan dili və ədəbiyyatının inkişafında müstəsna xidmətləri olmuş İmadəddin Nəsimninin şərəfinə "Nəsimi ili" elan olunub. Bu il dahi mütəfəkkirin 650 illik yubileyi qeyd olunacaq. Məlum olduğu kimi, Nəsiminin məzarı Suriyanın Hələb şəhərində yerləşir. Müharibə bölgəsi olan Hələb şəhərindəki məzarın taleyi Azərbaycanda da narahatlıq doğrur. Azərbaycanın hazırda Suriyada diplomatik korpusu fəaliyyət göstərmir. Ölkəmizin Suriya ilə münasibətləri Livandakı səfirliyimiz vasitəsilə tənzimlənir.

"Ölkə.Az" modern.az-a istinadən bildirir ki, Azərbaycanın Livandakı səfiri Ağasəlim Şükürov müsahibə verib:

- Cənab səfir, bildiyiniz kimi, 2019-cu il Prezident İlham Əliyevin sərəncamı ilə Azərbaycanda "Nəsimi ili" elan olunub. Sərəncamı necə qiymətləndirirsiz? Səfirlik olaraq, Nəsiminin məzarına nəzarət edə bilirsizmi?

- Əvvəla, cənab Prezidentin sərəncamını yüksək qiymətləndirirəm. Düşünürəm ki, bu çox yaxşı təşəbbüsdür. Qaldı ki, Nəsiminin məzarına nəzarət etməyimizə, hazırda Suriyada onun qohumlarının yaşadığını deyə bilərəm. Bildiyiniz kimi, Suriya münaqişə ocağıdır. Açığı, Nəsiminin məzarının olduğu yerə gedib-gəlməyimiz çətindir. Ora səfər etməyimiz bir qədər müşkül məsələdir. Sadəcə, onu söyləyə bilərəm ki, bu günə kimi Nəsiminin məzarı qohumlarının nəzarəti altındadır.

- Vaxtaşırı qohumları ilə əlaqə saxlayıb, real vəziyyət barədə informasiya əldə edə bilirsinizmi?

 

- Əlbəttə. Bu barədə onun varisləri  ilə söhbətlərimiz olur. Onlar da Nəsiminin məzarının normal vəziyyətdə olduğunu söyləyirlər. Təbii ki, münaqişə ocağı gedən ərazidən söhbət gedir. Buna baxmayaraq, məzar dağıdılmayıb. Ona görə də nisbətən normal vəziyyətdə olduğunu söyləmək olar. Həmçinin, Suriyaya gediş-gəlişimiz olmasa da, Nəsiminin qohumları ilə Livanda görüşə bilirik. Çünki Bakıdan birbaşa Suriyaya hava uçuşu yoxdur. Suriyadan Azərbaycana gəlmək istəyənlər belə, Livan ərazisindən keçərək səfərlərini həyata keçirirlər.

- 2019-cu ilin "Nəsimi ili" elan olunması Nəsiminin məzarının Azərbaycana gətirilməsi iddialarını da gündəmə gətirdi. Tarixçilər, ədəbiyyatşünaslar bunun doğru olmadığını bildiriblər. Siz necə düşünürsüz? Nəsiminin məzarı Azərbaycana gətirilməlidirmi?

- Səfirlik olaraq Nəsiminin məzarının Azərbaycana aparılmasını düşünmürük. Səfirlik də dövlət qurumudur. Cənab prezidentin, yaxud da Nazirlər Kabinetinin sərəncamı olarsa, Xarici İşlər Nazirliyi tərəfindən hər hansı göstəriş verilərsə, onu yerinə yetirəcəyik. Qaldı ki, Nəsiminin məzarının Azərbaycana aparılmasının münasib olub-olmamasına, düşünürəm ki, bu barədə alimlər nəsə deyə bilərlər.

- Maraqlıdır, Nəsiminin varisləri 2019-cu ilin "Nəsimi ili" elan olunmasına necə reaksiya verdilər? Bakıya gəlməyi düşünürlərmi?

- Nəsiminin varisləri əlamətdar hadisədən xəbərdardırlar. Bütün lazımi məlumatlar onlara ötürülüb. 2018-ci ilin sentyabrında Azərbaycanda Humanitar Forum keçirilmişdi. Həmin Forumda Nəsiminin qohumları da iştirak edib. Bakıda olarkən bu barədə onlarla ətraflı söhbət də aparılıb. Hazırda onların 2019-cu ildə Azərbaycana səfər edəcəkləri barədə nəsə söyləyə bilmərəm. Güman ki, Azərbaycanda hər hansı beynəlxalq tədbir keçiriləcəyi təqdirdə onlar da dəvət olunacaq və Nəsiminin yadigarları olaraq bu dəvətdən məmnuniyyətlə istifadə edəcəklər.

Ölkə.Az

ŞƏRH YAZ
0
BAĞLA