Finlandiyada Azərbaycan Xalq Cümhuriyyətinin 100 illiyi ilə bağlı təqdimat keçirilib — FOTO

Finlandiyada Azərbaycan Xalq Cümhuriyyətinin 100 illiyi ilə bağlı təqdimat keçirilib
23:00
26.04.2018
3284
Dünya
A
Finlandiyanın Tampere Universitetində Azərbaycan Xalq Cümhuriyyətinin (AXC) 100 illiyi ilə bağlı təqdimat və Azərbaycan həqiqətlərini əks etdirən kitab sərgisi keçirilib.

"Ölkə.Az" xəbər verir ki, bu ilin 16-24 aprel tarixlərində Azərbaycan Respublikasının Gənclər və İdman Nazirliyinin dəstəyi ilə Azərbaycan Gənc Alim, Aspirant və Magistrlər Cəmiyyətinin sədri, fəlsəfə doktoru İlqar Orucovun rəhbərliyi altında nümayəndə heyəti Finlandiyanın Tampere şəhərində Avropa Gənc Alimlər Şurasının (EURODOC) İllik Baş Toplantısında və elmi konfransda ölkəmizi təmsil edib. 

Aprelin 21-də Tampere Universitetində rektor professor Liisa Laakso, Avropa Gənc Alimlər Şurasının prezidenti dr. Garek OʹNell, Avropa Komissiyasının elm və təhsil üzrə komissarı professor Fabiana Gauter, Finlandiya Akademiyasının nrəsmisi professor Hannel Lahtinen, Finlandiya Təhsil və Mədəniyyət Nazirliyinin və 38 dövlətin gənc alimlərinin milli assosasiyalarının rəhbər heyətindən ibarət 100-dək nümayəndənin qatıldığı tədbirdə Azərbaycan Gənc Alim, Aspirant və Magistrlər Cəmiyyətinin təşəbbüsü ilə Azərbaycan Xalq Cümhuriyyətinin (AXC) 100 illiyinə həsr olunmuş geniş təqdimat mərasimi təşkil edilib.

İştirakçıların böyük maraqla izlədiyi təqdimat mərasimində ölkə başçısı cənab İlham Əliyevin imzaladığı Sərəncamla 2018-ci ilin “Azərbaycan Xalq Cümhuriyyəti İli” elan edilməsi məclis iştirakçılarının diqqətinə çatdırılıb və təqdimatın məhz xalqımız üçün tarixi bir məqamda keçirilməsini vurğulayıb.

Müsəlman Şərqində ilk parlament respublikası olan Azərbaycan Xalq Cümhuriyyətinin yaranması tarixi, fəaliyyət göstərdiyi qısa dövr ərzində həyata keçirilən islahatlar barədə tədbir iştirakçılarına geniş məlumat verilib. Qeyd olunub ki, xalqımızın mədəni-intellektual, siyasi səviyyəsinin məhsulu və dövlətçilik ənənələrinin təcəssümü olan demokratik dövlət maarifin, elmin və mədəniyyətin inkişafına xüsusi diqqət yetirib. 

Azərbaycan Gənc Alim, Aspirant və Magistrlər Cəmiyyətinin üzvü, Bakı Dövlət Universitetinin əməkdaşı Səbuhi Talıbovun çıxışı ilə davam edən təqdimatda Xalq Cümhuriyyətinin süqutuna səbəb olan tarixi reallıqlar əks olunub və bildirilib ki, 70 il SSRİ imperiyası tərkibində olmasına baxmayaraq sivil və dünyəvi Azərbaycan xalqı daim qəlbində müstəqillik ideyalarını və arzularını yaşadıb.

Təqdimatda Azərbaycanda həyata keçirilən müstəqil və uğurlu siyasət, iqtisadi nailiyyətlərimizdən, Bakının bütün dünyada humanitar mərkəz kimi rolundan və bu istiqamətdə görülən işlərdən, Azərbaycanda gənclər sahəsində aparılan siyasətin və ölkə başçısı möhtərəm İlham Əliyevin gənclərin təşəbbüslərinin reallaşması üçün yaratdığı unikal imkanlardə danışılıb. 

Azərbaycan Gənc Alim, Aspirant və Magistrlər Cəmiyyətinin təşəbbüsü ilə növbəti aksiya 22 aprel tarixində Tampere Universitetinin Mərkəzi Elmi Kitabxanasında baş tutub. Azərbaycan Milli Elmlər Akademiyasının Abbasqulu Ağa Bakıxanov adına Tarix İnstitutunun ingilis dilində çap etdirdiyi tariximizə, xalqımıza qarşı ermənilər tərəfindən həyata keçirilmiş silsilə soyqırım faktlarına, Qarabağda məhv edilmiş və özünküləşdirilmiş  maddi-mədəniyyət və arxeoloji abidələrə həsr olunmuş kitabların sərgisi təşkil edilib. Sərgidə xalqımıza qarşı Ermənistan tərəfinin hərbi təcavüzü, 20 faiz torpaqlarımızın işğal edildiyi, 1 milyondan çox insanımızın doğma yurd-yuvalarından didərgin salınaraq bu gün də məcburi köçkün həyatı yaşamaları ilə bərabər, işğal olunmuş torpaqlarda qanunsuz cinayətlər və vandalizm aktları həyata keçirildiyi vurğulanıb. Qeyd olunub ki, işğal altında olan torpaqlarda bu gün də böyük humanitar fəlakət yaşanmaqdadır.

Sərginin sonunda kitablar müxtəlif ölkələrdən olan xarici alimlərə paylanılıb.

Ölkə.Az

ŞƏRH YAZ
0

Həyatlarında ilk dəfə dron görən afrikalı uşaqların REAKSİYASI — VİDEO

Həyatlarında ilk dəfə dron görən afrikalı uşaqların REAKSİYASI
20:00
Bu gün
1697
Dünya
A
Uqandanın şimalında afrikalı uşaqların həyatlarında ilk dəfə gördükləri drona verdikləri reaksiya sosial şəbəkədə geniş marağa səbəb olub.

“Ölkə.Az” xəbər verir ki, video çarxı Mark Brendon Smit yayımlayıb. Mark Brendon Afrikaya səyahətə çıxıb və dron uçurub. 

Uşaqların drona maraq göstərərək arxasınca qaçması isə maraqlı görüntülərə səbəb olub.

 

Hikmət Həsənov
Ölkə.Az

ŞƏRH YAZ
0

İki Koreya dövləti arasında növbəti danışıqlar

İki Koreya dövləti arasında növbəti danışıqlar
19:17
Bu gün
1806
Dünya
A
Şimali Koreya ilə Cənubi Koreya arasında danışıqların növbəti raundu keçiriləcək.

 “Ölkə.Az” xəbər verir ki, tərəflərin danışığı gələn həftəyə planlaşdırılır. Cənubi Koreyanın rəsmi dövlət orqanı bildirib ki, danışıqlar cümə günü Keson sərhədyanı şəhərində keçirilə bilər. Tərəflər Kesondakı rabitə ofisinə toplaşacaqlar.

Nazirliyin rəsmisi əlavə edib ki, görüş təklifini Seul irəli sürüb. Hazırda Şimali Koreya tərəfinin cavabı gözlənilir.

Əgər danışıqlara razılıq verilsə, Cənubi Koreya tərəfdən görüşdə birləşmə məsələləri üzrə nazirin müavini Çxon Xe Son, Şimali Koreya tərəfdən isə Çon Çon So iştirak edəcək.

Hikmət Həsənov
Ölkə.Az

ŞƏRH YAZ
0
BAĞLA