"Fitch": Azərbaycan büdcə kəsirini neytrallaşdırmağı bacaran 4 neft ölkəsindən biridir

10:41
17.04.2017
97
İqtisadiyyat
A
Keçirilən islahatlar nəticəsində neft qiymətlərindəki kəskin azalmanın büdcəyə mənfi təsirini neytrallaşdırmağı bacaran ölkələr Konqo, Azərbaycan, Qazaxıstan və Behreyn olub.

"Ölkə.Az" "Report"a istinadən xəbər verir ki, bu barədə açıqlama "Fitch" beynəlxalq reytinq agentliyi tərəfindən verilib.

Agentliyin hesabatında bildirilir ki, Fars körfəzi ölkələri isə milli valyutaının məzənnəsinə toxunmadan büdcə xərclərini azaldaraq büdcə kəsirini minimuma endirməyə müvəffəq olub. Qazaxıstan, Rusiya və Azərbaycan isə devalvasiya etməklə neft qiymətlərindəki azalmanın büdcəyə mənfi təsirini aradan qaldıra bilib. Hazırkı neft qiymətlərində kəsirsiz büdcəyə sahib olan yeganə ölkə isə Küveyt olub.

"Fitch" agentliyi 2017-ci il üçün neftiin orta qiymətinin 52,5 dollar/barel olacağını ehtimal edir. Bu qiymət neft hasil edən 14 ölkədən 11-i üçün büdcə kəsirinə səbəb olacaq. Agentlik bildirir ki, "neft hasil edən ölkələrin fiskal və monetar siyasətlərindəki sərtləşdirmə tədbirlərinə baxmayaraq, tam olaraq neft qiymətlərindəki azalmanın təsirindən qurtulmaq mümkün olmayacaq".

Ölkə.Az

ŞƏRH YAZ
0

Serbiya prezidenti Azərbaycan iş adamlarına çağırış etdi

Serbiya prezidenti Azərbaycan iş adamlarına çağırış etdi
14:04
Bu gün
326
İqtisadiyyat
A
"Azərbaycanla Serbiya arasında iqtisadi əlaqələr qənaətbəxş deyil".

"Ölkə.Az" "APA-Economics"ə istinadən xəbər verir ki, bunu Serbiya prezidenti Aleksandr Vuçiç Azərbaycan-Serbiya işgüzar forumunda çıxışı zamanı bildirib.

A.Vuçiçin sözlərinə görə, iki ölkə arasında iqtisadi əlaqələr siyasi münasibətlər kimi daha yüksək səviyyədə olmalıdır.

"Bunu şərtləndirən bir çox amillər var. Dünən Azərbaycanla Serbiya arasında strateji əməkdaşlıqla bağlı bir neçə sahədə müqavilə imzalandı. Ümid edirəm bu, bizim ölkələr arasında qarşılıqlı münasibətlərin inkişafına töhfə verəcək",- deyə A.Vuçiç qeyd edib.

Son 3 il ərzində Serbiyanın büdcəsinin profisitlə icra olunduğunu vurğulayan prezident bu il ölkə vətəndaşlarının əmək haqlarının artırıldığını da qeyd edib.

Serbiya prezidenti Azərbaycan iş adamlarını ölkəsinə investisiya qoymağa çağırıb və ölkəsinə investisiya yatıran sərmayədarlara ayrıca güzəştlər ediləcəyini vurğulayıb.

"Serbiyada istənilən sahəyə investisiya yatıra bilərsiniz. İnvestisiyanın həcminə görə, investorlara 15-20% güzəşt ediləcək.  Azərbaycanlı iş adamlarını daşınmaz əmlak, otel biznesi və s. investisiya qoymağa çağırıram. Sərmayədarlara dövlət tərəfindən vergi güzəştləri ediləcək, subsidiyalar veriləcək",- deyə Serbiya prezidenti əlavə edib.

ŞƏRH YAZ
0

Bugünkü valyuta hərracının nəticəsi açıqlandı

Bugünkü valyuta hərracının nəticəsi açıqlandı
13:12
Bu gün
708
İqtisadiyyat
A
Bu gün Azərbaycan Mərkəzi Bankında (AMB) Dövlət Neft Fondunun da iştirakı ilə hərrac keçirilib.

AMB-dən "Ölkə.Az"a verilən məlumata görə, hərracda manatın ortaçəkili məzənnəsi 1,7000 səviyyəsində formalaşıb.

Qeyd edək ki, AMB bu gün üçün USD/AZN rəsmi məzənnəsini 1,7000 səviyyəsində müəyyən edib.

ŞƏRH YAZ
0
BAĞLA