Flora Kərimova: "Nə zamansa quda dediyim insan haqqında danışmaq istəmirəm, başa düşün"

Flora Kərimova:
15:05
27.02.2017
21
Mədəniyyət
A
Xalq artisti Flora Kərimova keçmiş qudası, şairə Tərlan Asnounun onun barəsində səsləndirdiyi fikirlərə münasibət bildirmək istəməyib

Sənətkar "Ölkə.Az"-a açıqlamasında bunları deyib:

"Siz bu məsələnin təməliylə maraqlanmısınız? Onun mənim ünvanıma dediyi sözə cavab verə bilərəm. Ancaq bu məsələylə bağlı cavab verəcək şəxs mən deyiləm. Mən uşaq deyiləm, 76 yaşım var. İndi bu barədə danışmağı lazım bilmirəm. İşin kökündən xəbəriniz olsun, sonra suallarınıza cavab verərəm və suallardan qaçmıram. Keçmiş qohumum haqqında açıqlama verməyəcəyəm. Siz bu söhbətin kökünü bilməyənə qədər. Özünüz araşdırın. Nə zamansa qızımın qaynanası olmuş, quda dediyim bir insanın haqqında danışmaq istəmirəm. Məni başa düşün".

Xatırladaq ki, Tərlan Asnoun "Ölkə.Az"-a müsahibəsində Flora Kərimovanın onun adından efirdə yalan danışdığını və üzrxahlıq tələb etdiyini bildirib:

"Çünki mənə qarşı düz hərəkət etmədi. Onun sənətinə hörmətim var. Zümrüd kimi bir qızı dünyaya gətirdiyinə, tərbiyə verdiyinə, ona həyat dərsi öyrətdiyinə, gözəl bir insan yetişdirdiyinə görə ona minnətdaram. Amma bu məsələdə keçməyəcəyəm. Adımdan yalan danışdığına görə üzr istəməlidir". 
  

İntiqam VALEHOĞLU
Ölkə.Az

ŞƏRH YAZ
0

Ən yaxşı ssenari yazanlar bəlli oldu — Siyahı

Ən yaxşı ssenari yazanlar bəlli oldu
16:55
16.11.2017
230
Mədəniyyət
A
Azərbaycan Respublikası Kinematoqrafçılar İttifaqında növbəti iclas keçirilib.

İttifaqın mətbuat xidmətinin rəhbəri Əli Vəliyev "Ölkə.Az"a bildirib ki, "Zaman və Məkan" adlı qısametrajlı sənədli filmlərin ssenari müsabiqəsinin qaliblərinin müəyyən edilməsi ilə bağlı keçirilən iclasda, İttifaqın sədri professor Şəfiqə Məmmədova, qrumun birinci katibi əməkdar incəsənət xadimi Cəmil Quliyev, kinorejissor xalq artisti Oqtay Mirqasım, kinorejissor əməkdar incəsənət xadimi Rafael Qəmbərov, əməkdar incəsənət xadimi Yavər Rzayev iştirak ediblər.

İclasda iştirak edən Münsiflər heyətinin (Kinorejissor, xalq artisti Oqtay Mirqasım, kinorejissor, əməkdar incəsənət xadimi Rafael Qəmbərov, əməkdar incəsənət xadimi Yavər Rzayev) qərarı ilə ssenari müsabiqəsinin qalibləri aşağıdakı kimi qiymətləndirilib.

1-ci yer 1500 manat pul mükafatı (Heç bir ssenari qalib olmayıb)

2-ci yer 1000 manat pul mükafatı, 24 balla “Şükriyyə taleyim” ssenarisi 

3-cü yer 500 manat pul mükafatı, 23 balla “Bakının su əfsanəsi” ssenarisi

Həvəsləndirici “Ümid” mükafatı 500 manat pul, 20 balla “Qara Qızıl” ssenarisidir.

Qeyd edək ki, “Şükriyyə taleyim” ssenarisinin müəllifi Cavid Zeynallı, “Bakının su əfsanəsi” ssenarisi Rəşad Şükürovun, “Qara Qızıl” ssenarisinin müəllifi isə Seyram Əmirovdur.

ŞƏRH YAZ
0

İTV-dən — SƏRT ETİRAZ

İTV-dən
09:26
15.11.2017
362
Mədəniyyət
A
İctimai Televiziya və Radio Yayımları Şirkəti Avropa Yayım Birliyinin Baş direktoru Noel Kerrana məktub ünvanlayıb.

"Ölkə.Az"ın məlumatına görə, məktubda qeyd edilib ki, Ermənistan təmsilçisi Mişa Qriqoryanın Gürcüstanda keçiriləcək “Uşaq Avrovizya-2017” mahnı müsabiqəsində siyasi təxribata yol verəcəyi haqqında əldə olunan məlumatlar torpaqlarının 20 faizi Ermənistanın işğalı altında olan Azərbaycanda böyük narahatlıq doğurub.

“İctimai Televiziya və Radio Yayımları Şirkəti bəyan edir ki, Mişa Qriqoryanın Xankəndi əsilli olmasını bəhanə edərək, qondarma “DQR”-ə məxsus bayrağı nümayiş etdirməsi və “Artsaxın səsi” adı altında musiqi qrupunun üzvü olduğunu vurğulaması yolverilməzdir.

İnanmaq istərdik ki, siyasi oyunlardan uzaq olduğunu dəfələrlə və israrla bəyan edən Avropa Yayım Birliyi bu həssas məsələdə Azərbaycanın mövqeyini anlayışla qarşılayacaq, siyasi təxribatın qarşısını qətiyyətlə alacaq, bütün Avropanın nəzərlərinin dikildiyi səhnədə uşaqların separatizmin qurbanına və siyasi oyunbazların alətinə çevrilməsinə imkan verməyəcək.

Hesab edirik ki, “Uşaq Avrovizya-2017” mahnı müsabiqəsi musiqi meydanıdır və bu möhtəşəm tədbir bütün dünyadakı uşaqlara sevinc gətirməli, xoş anlar bəxş etməlidir”.

ŞƏRH YAZ
0
BAĞLA