Florida ştatında həbsxanada qarşıdurma

“Ölkə.Az" xəbər verir ki, hadisə Panama-Siti şəhərindəki həbsxanada qeydə alınıb. Qarşıdurma kişilərin saxlanıldığı kamerada yaranıb. İğtişaş ilk öncə iki məhbusun mübahisəsilə yaranıb. Sonradan mübahisəyə digər məhkumlar daqatılıb. Nəticədə dava çıxıb.

Qarşıdurmaya nəzarətçilər müdaxilə etmək istədikdə vəziyyət daha da gərginləşib. Məhbuslar nəzarətçilərə hücum ediblər. Davaya qonşu kamerada olan dustaqlar da qatılıblar.

Qarşıdurma 2 saata yaxın davam edib. Vəziyyətə nəzarət etmək üçün əlavə köməkçi qüvvələr cəlb edilib.

Dava zamanı 7 nəfər yaralanıb. Onlardan 6-sı nəzarətçi, biri məhkumdur.

İğtişaş yatırılıb. Qarşıdurmada iştirak edən məhbusların dəqiq sayları məlum deyil.

Qeyd edək ki, qarşıdurmça baş verən həbsxanada ümumilikdə 1,4 min məhbus cəza çəkir. Bu Florida ştatında böyük həbsxanalardan biridir.

Ziya Səccad
Ölkə.Az