Floyddan Həbibə yeni mesajlar — “Mənim artıqlarımla döyüşürsən”

Floyddan Həbibə yeni mesajlar
22:28
18.10.2018
8854
İdman
A
Amerikalı boksçu Floyd Meyvezer ona meydan oxuyan Həbib Nurməhəmmədova yeni mesaj göndərib.

“Ölkə.Az” xəbər verir ki, Floyd döyüşə hazır olduğunu qeyd edib.
Həbibin Makqreqoru nakaut etdiyi ilə bağlı sözlərinə Meyvezer belə cavab verib: “Mən özüm özümün rəhbəriyəm. Həbib nə düşünür bilmirəm, amma mən döyüşə hazıram. Eşitdim ki, Həbib mənim Makqreqoru nakaut edə bilmədiyimi deyirmiş. Olsun da, Həbib, demək ki, sən mənim artıqlarımla döyüşürsən”.

İkilinin matçı hələ baş tutmayıb, lakin böyük qarşılaşmanın 2019-cu ilin il aylarında gerçəkləşəcəyi gözlənilir.

Ölkə.Az

 

ŞƏRH YAZ
0

Azərbaycanlı futbolçu oynadığı kluba erməni baş məşqçi gətirildi

Azərbaycanlı futbolçu oynadığı kluba erməni baş məşqçi gətirildi
22:00
Bu gün
262
İdman
A
Azərbaycan millisinin futbolçusu Emil Balayevin çıxış etdiyi Qazaxıstanın "Tobol" klubunun yeni baş məşqçisi müəyyənləşib.

"Ölkə.Az" qafqazinfo-ya istinadən xəbər verir ki, Kostanay təmsilçisini erməni Qriqori Babayan çalışdıracaq.Onunla imzalanan müqavilənin detalları barədə məlumat verilməyib.

Qeyd edək ki, Babayan bundan əvvəl "Astana"da "Qəbələ"nin sabiq çalışdırıcısı Roman Qriqorçukun köməkçisi işləyib.

Ölkə.Az

ŞƏRH YAZ
0

Voleybol millimiz ona tapşırıldı

Voleybol millimiz ona tapşırıldı
20:40
Bu gün
277
İdman
A
Voleybol üzrə qadınlardan ibarət Azərbaycan milli komandasının yeni baş məşqçisi müəyyənləşib.

"Ölkə.Az" Voleybol Federasiyasına istinadən xəbər verir ki, bu posta Vasif Talıbov təyin edilib.

7-12 yanvar 2020-ci il tarixlərində Hollandiyada keçiriləcək Avropa Olimpiya Təsnifat Turnirində Famil Ağayev və Eldar Yusubov isə yığma komandanın köməkçi məşqçiləri kimi seçiliblər.

Qeyd edək ki, hər üç məşqçi, voleybol üzrə qadınlar arasında keçirilən Azərbaycan Çempionatı “Super” liqa yarışlarında mübarizə aparan klublarda baş məşqçi kimi fəaliyyət göstərirlər. Vasif Talıbov “Murov”, Famil Ağayev “Azərreyl”, Eldar Yusubov isə “Abşeron” voleybol klubunun baş məşqçiləridirlər.

Milli komandamıza yeni təyin olunmuş baş məşqçi Talıbov Vasif Rahib oğlu 1973-cü ildə Masallı rayonunda anadan olub.

1991-ci ildə SSRİ-nin gənclərdən ibarət yığma komandasının tərkibində Yeniyetmələr arasında Olimpiya çempionu olub.

O, voleybol üzrə kişilərdən ibarət Milli yığma komandamızın üzvü olmaqla bərabər Azərbaycan, Türkiyə, İran və Ukrayna klublarında çıxış edib.

2004-cü ildən məşqçilik fəaliyyətinə Ukraynanın Vinnitsa şəhərinin klublarında köməkçi məşqçi, baş məşqçi vəzifələrində çalışmağa başlayıb.

Məşqçilik fəaliyətində uğurlu nəticələrini nəzərə alaraq 2013-cü ildə V.Talıbov Bakıya dəvət almış və “Telekom” voleybol klubunun baş məşqçisi təyin edilmişdir.

2014-cü ildə isə avropada, dünyada öz sözünü demiş, dəfələrlə Azərbaycan Çempionu olmuş və klublar arasında keçirilən Dünya Çempionatının qızıl medalçısı olan Rabitə klubunda dünyaca məşhur məşqçi Zoran Qayiçın yanında ikinci məşqçi olaraq çalışmışdır. 2017-2018-ci illərdə Vasif Talıbov Ukraynanın kişilərdən ibarət “Vinnitsa” voleybol komandasının baş məşqçisi olmuşdur.

Ölkə.Az

ŞƏRH YAZ
0
BAĞLA