Formula 1 ilə əlaqədar Bakının bütün mərkəzi hotellərində yerlər dolub

Formula 1 ilə əlaqədar Bakının bütün mərkəzi hotellərində yerlər dolub
23:29
26.04.2018
622
İdman
A
Azərbaycanda keçiriləcək Formula 1 yarışları ilə əlaqədar Bakıdakı mərkəzi hotellərin hamısında artıq yerlər tam dolub.

"Ölkə.Az" xəbər verir ki, bunu Trend-ə Azərbaycan Turizm Assosiasiyasının (AzTA) sədri Nahid Bağırov deyib.

N.Bağırovun sözlərinə görə, hotellərdə yerlər aprelin 26-dan 30-dək olan müddət üçün bronlaşdırılıb:

"Formula 1 yarışları Bakıda keçirildiyindən paytaxtdakı hotellərdə, xüsusilə mərkəzi hotellərdə yerlər dolub. Formula 1 yarışı dünyanın ən maraqlı, sevilən yarışlarından biri olduğundan müxtəlif ölkələrdən onun azarkeşi olan tuiristlər ölkəmizə gəlir".

N.Bağırov qeyd edib ki, Formula 1 yarışları ilə əlaqədar Bakıda bir çox əyləncəli tədbirlər həyata keçiriləcək. Buna görə də yarışa gələn qonaqların Azərbaycanda olacaqları müddətdə vaxtlarını regionlarda deyil, daha çox Bakıda keçirəcəyi gözlənilir.

Qeyd edək ki, aprelin 27-29-da Bakıda Formula 1 Azərbaycan Qran Prisi keçiriləcək.

Ölkə.Az

ŞƏRH YAZ
0

Şərif Şərifov Rusiyada bürünc medal qazanıb

Şərif Şərifov Rusiyada bürünc medal qazanıb
22:46
09.12.2018
768
İdman
A
Şimali Osetiyanın paytaxtı Vladiqafqazda (Rusiya) sərbəst güləş üzrə "Alans" turniri keçirilib.

"Ölkə.Az" report-a istinadən bildirir ki, yığmamızın böyük məşqçisi Zəlimxan Hüseynovun rəhbərliyi altında olimpiya və dünya çempionu Şərif Şərifov və Məhəmmədhacı Xatiyev (hər ikisi 92 kq) yarışda ölkəmizi təmsil edib.

Aslenbek Alborov son anda zədə üzündən xalça üzərinə çıxa bilməyib. Digər təmsilçilərimizə gəlincə, Xatiyev 1/8 finalda mübarizəni dayandırıbsa, Şərifov bürünc medal qazanaraq, 1000 dollar pul mükafatına sahib çıxıb.

Ölkə.Az

ŞƏRH YAZ
0

"Ruslan Qurbanovu bazanı icazəsiz tərk etdiyi üçün əvəzedici heyətə göndərmişik" — Aftandil Hacıyev

21:52
09.12.2018
1109
İdman
A
"Çox maraqlı oyun alındı. Bu gün gördük ki, bütün komandalar avrokuboklara düşmək üçün layiqli mübarizə aparırlar. Belə getsə, çempion son turda bəlli olacaq"

"Ölkə.Az" report-a istinadən bildirir ki, bunu "Səbail"in baş məşqçisi Aftandil Hacıyev Azərbaycan Premyer Liqasının XIV turunda "Qəbələ" ilə evdə qolsuz bərabərliklə başa çatan oyundan sonra söyləyib.

37 yaşlı mütəxəssis bildirib ki, komandasının çıxışından razı qalıb: "Qarşıda iki kubok matçımız var. Bu görüşlərdə də maksimum nəticə qazanmağa çalışacağıq".

Baş məşqçi komandanın aparıcı futbolçularından olan Ruslan Qurbanovu əvəzedici heyətə göndərdiyini söyləyib:

"Hər oyundan bir gün qabaq toplaşırıq. Ruslan Qurbanov bazanı icazəsiz tərk etdiyi üçün cəzalanıb və əvəzedici heyətə göndərmişik. Onun istəyi ilə deyil, lazım gəlsə əvəzedici heyətdə oynayacaq. Həm də indi zədəsi var. Qurbanovun qış fasiləsində komandanı tərk edib-etməyəcəyi barədə heç nə deyə bilmərəm".

Hacıyev Edqar Paçekodan savayı qarşılıqlı razılaşma əsasında başqa futbolçuların da göndərilməsini düşündüklərini bildirib.

Ölkə.Az

ŞƏRH YAZ
0
BAĞLA