“Formula-1”in biletləri satışa çıxarıldı

“Formula-1”in biletləri satışa çıxarıldı
14:50
06.11.2017
417
İdman
A
Gələn il 27-29 aprel tarixlərində Bakıda keçiriləcək Formula 1 Azərbaycan Qran Prisi üçün biletlərin satışına start verilib.

"Ölkə.Az" xəbər verir ki, noyabrın 6-dan 2017-ci il dekabrın 31-dək həm xarici, həm də yerli avtoyürüş həvəskarları biletləri 20% endirimlə əldə edə biləcəklər. Bundan başqa, sırf yerli sakinlərə əlavə 25%-lik endirim də tətbiq olunur.

İlkin endirim kampaniyası yalnız tribunaya olan və aprelin 26-29 tarixlərini əhatə edən 4 günlük biletlər üçün keçərlidir. İlkin endirim kampaniyası müddətində yerli sakinlər üçün tribunalara 4 günlük biletlərin qiyməti tribunadan asılı olaraq 160-600 AZN arasında dəyişir. Azyaşlılar üçün bu qiymət müvafiq olaraq 120-420 AZN təşkil edir.

Bu kampaniya ərəfəsində ayaqüstü zonalara birgünlük bilet almaq da mümkün olacaq. Bu zonalara birgünlük biletlərin qiyməti cümə günü üçün 60 AZN, şənbə günü - 100 AZN, bazar günü üçün 150 AZN-dir.

1 yanvar 2018-ci il tarixdən etibarən biletlərin satışı yalnız xarici vətəndaşlar üçün tam qiymətlərlə aparılacaq, yerli sakinlər üçün isə nəzərdə tutulmuş 25%-lik endirim qüvvədə qalacaq. Həmçinin 2018-ci ilin ilk günündən etibarən yeni bilet seçimləri satışda olacaq.

ŞƏRH YAZ
0

Ronaldinyo futbol karyerasını başa vurur

Ronaldinyo futbol karyerasını başa vurur
10:17
Bu gün
243
İdman
A
Əfsanəvi futbolçu Ronaldinyo futbol karyerasını başa vurur.

"Ölkə.Az" xəbər verir ki, karyerasında iki illik fasilədən sonra Ronaldinyo rəsmi olaraq idmanı tərk etdiyini bildirib.

37 yaşlı futbolçunun qardaşı Roberto de Assiş bəyan edib ki, "Barselona" klubu və Braziliya millisinin yarımmüdafiəçisi bundan sonra futbol meydançasında simvolik fiqur kimi peyda ola bilər.

"Globo" nəşriyyatı Robertonun müsahibəsini verib: "Ronaldinyo karyerasını başa vurdu. Artıq bitdi. Ola bilər ki, 2018-ci ilin dünya çempionatından sonra nəsə düşünək. Braziliya, Avropa və Asiyada tədbirlər təşkil edə bilərik".

Hikmət Həsənov
Ölkə.Az

ŞƏRH YAZ
0

“Qarabağ” dünyanın ən yaxşı 100 komandası arasında

“Qarabağ” dünyanın ən yaxşı 100 komandası arasında
17:59
16.01.2018
213
İdman
A
Dünyanın ən yaxşı klublarının siyahısı açıqlanıb.

"Ölkə.Az" Apasport.az-a istinadən xəbər verir ki, Beynəlxalq Futbol Tarixi və Statistikaları Federasiyasının (İFFHS) tərtib etdiyi cədvəldə planetin ən yaxşı 402 komandası yer alıb.

2017-ci ilin yekunlarının əksini tapdığı siyahıda Azərbaycan 3 klubla təmsil olunub. Ən yaxşı təmsilçimiz “Qarabağ”dı.

Ağdam klubu 136 xalla planetin 93-cü komandasıdı. İlk “100-lük”dəki yeganə təmsilçimiz Çempionlar Liqasının qrupuna qədər irəliləsə də, 1 il əvvəlki ilə müqayisədə 39 pillə geriləyib. Bu, Qurban Qurbanovun yetirmələrinin ötən il Avropa Liqasının qrupunda daha çox xal yığması ilə bağlıdı.

“Qarabağ”dan başqa, dünyanın 2 klubu 136 xala malikdi. Təmsilçimizin şərikləri “Borussiya” (Mönhenqladbax, Almaniya) və “Paçuka” (Meksika) klublarıdı.

Ölkəmizin siyahıdakı 2-ci komandası “Zirə”di. Paytaxt klubu 72 xalla 296-cı yerə şərikdi. “Atletiko” (Bukaramanqa, Kolumbiya), “Kolon” (Argentina), “Renn” (Fransa) və “Melqar”la (Peru) eyni xala malik Ayxan Abbasovun yetirmələri fantastik sıçrayışla diqqət çəkib. Ötən il 761-ci olan bakılılar 465 pillə irəliləyib.

Hesabında 65 xal olan “Qəbələ” isə 353-cü pillənin şərikləri arasındadı. Roman Qriqorçukun yetirmələri “Əl-Naser” (Səudiyyə Ərəbistanı), “Arka” (Polşa), “Defensor” (Uruqvay), “Atromitos” (Yunanıstan), “Hapoel” (Hayfa, İsrail), “Əl-Vəhdət” (İordaniya) ilə eyni nəticəyə malikdi. Əyalət klubu bir il əvvəlki ilə müqayisədə 255 pillə geriləyib. Bu, komandanın ötənilki uğurunu təkrarlayıb Avropa Liqasının qrup mərhələsinə yüksələ bilməməsi ilə bağlıdı.

Qeyd edək ki, siyahıya İspaniya “Real”ı başçılıq edir – 328 xal. Braziliya “Qremio”su 286 xalla 2-ci, İngiltərə təmsilçisi “Mançester Yunayted”  284 xalla 3-cüdü.

ŞƏRH YAZ
0
BAĞLA