Formulada yeni sürücümüz debüt edə bilər

Formulada yeni sürücümüz debüt edə bilər
13:24
06.02.2018
1489
İdman
A
Cavidan Əlizadə testlərdə iştirak etmək üçün Malayziyanın Sepanq trasına yollanıb və məşqçilərin onun barəsində ilkin rəyi müsbətdir.

"Ölkə.Az" F-1.az-a istinadən bildirir ki, 22 yaşlı həmyerlimiz Cavidan Əlizadə kartinq yarışlarında bir neçə qələbə qazandıqdan sonra təcrübəsini artırmaq üçün Malayziyaya yollanıb. Kuala Lumpurda Asiya Avtoidman Federasiyasının başçısı Peter Tomsonla görüşən Cavidan F4 Asia seriyasının testlərində iştirak etməyə dəvət olunub. Dünənki testlərdən sonra Cavidan saytımıza eksklüziv müsahibə verib…

Cavidan Əlizadə: “Əslində Avropada təcrübəmi artırmağı düşünürdüm. Amma keçən ilin noyabrında Bakıda səfərdə olan Daniel Rikkardo ilə görüşüm zamanı onun dəyərli məsləhətinə qulaq asmağı qərara aldım. Daniel mənə Asiyaya və ya Avstraliyaya üz tutmağı məsləhət gördü. Mən də internetlə axtardım, cənab Tomsonla əlaqə qurdum və dəvətini qəbul edərək, Kuala Lumpura gəldim.

Fiziki hazırlığımı yoxladılar və çox razı qaldılar. Dünən isə trasda ilk testlərə qatıldım. Elə ilk cəhdimdən maşına dərhal öyrəşdim. Hər dövrə nəticələrimi də yaxşılaşdırdım. Hazrda mühəndislərlə iş prinsipini öyrənirəm. Əgər normal nəticələr göstərsəm, böyük ehtimalla bu seriyada yarışacam.

Əlbəttə, hər bir sürücü kimi mən də nə vaxtsa ölkəmizi Formula1-də təmsil etmək barədə düşünürəm…”

Xatırladaq ki, əvvəlki iki mövsümdə Azərbaycanı F4 və F3 seriyalarında təmsil edən Gülhüseyn Abdullayevin karyerasının davamı barədə hələlik heç bir məlumat yoxdur…

ŞƏRH YAZ
0

Ronaldo hakim qarşısına çıxacaq

Ronaldo hakim qarşısına çıxacaq
00:10
Bu gün
885
İdman
A
İtaliyanın “Yuventus” klubunun portuqaliyalı ulduzu Kriştiano Ronaldo hakim qarşısına çıxacaq.

“Ölkə.Az” xəbər verir ki, futbolşu “Real Madrid”də oynadığı müddətdə 14,7 milyon avro vergidən yayınıb. Bu səbəbdən Ronaldo 2019-cu il yanvarın 14-də hakim qarşısına çıxacaq.

Futbolçunun şərti olaraq 2 il həbs cəzası alacağı bildirilir. O, bu cinayətləri ilk dəfə işlədiyi üçün həbs olunmayacaq.

Xatırladaq ki, Ronaldonun vəkili Joze Antonio Koklanın futbolçunun məhkəmə qarşısına çıxmaması üçün apardığı danışıqlar uğursuz alınıb.  

Ölkə.Az

ŞƏRH YAZ
0

“Bavariya”da ciddi itki

“Bavariya”da ciddi itki
21:15
14.12.2018
1180
İdman
A
Almaniyanın “Bavariya” klubunun futbolçusu Aryen Robben bir müddət yaşıl meydanlardan uzaq qalacaq.

“Ölkə.Az” xəbər verir ki, bu barədə baş məşqçi Niko Kovaç məlumat verib. Onun sözlərinə əsasən, hollandiyalı yarımmüdafiəçi növbəti ilin yanvarın 4-nə kimi əzələsində yaranan problemlərə görə oynamayacaq.

Qeyd edək ki, A. Robben bu mövsüm meydana çıxdığı 15 oyunda 5 dəfə fərqlənib və 2 qol ötürməsi edib.

Ölkə.Az

ŞƏRH YAZ
0
BAĞLA