Fransa baş nazirinin evi qarət olundu

"Ölkə.Az" xəbər verir ki, bu barədə “Frans Press” Agentliyi məlumat yayıb. Yayılan məlumata görə, nazirin Parisdəki evi naməlum şəxslər tərəfindən qarət edilib. Quldurlar evdə olan bahalı əşyaları və pulu oğurlasalar da, rəsmi sənədlərə toxunmayıblar. Agentlik məlumatında Bernar Kaznevin mənzilindən nə qədər pulun və hansı dəyərdə əşyaların oğurlanması barədə dəqiq məlumat verməyib.

Hazırda evə girən oğruların tapılması istiqamətində əməliyyata başlanılıb. Ehtimal edilir ki, oğrular girdikləri mənzilin kimə məxsus olduğunu bilməyiblər. Bilsəydilər, çox güman ki, bu işi tutmazdılar.

Faktla bağlı araşdırmalar aparılır.

Ziya Səccad
Ölkə.Az