Fransa yeni Dünya Çempionudur

"Ölkə.Az" xəbər verir ki, baş tutan final qarşılaşmasında Fransa Xorvatiyaya 4-2 hesabı ilə qalib gələrək planetin ən güclüsü olub.

Matçın 18-ci dəqiqəsində Mario Mandzukiçin öz qapısına vurduğu qolla Fransa önə keçib. 28-ci dəqiqədə Perişiç hesabı bərabərləşdirib: 1-1.

İlk hissənin bitməyinə 6 dəqiqə qalmış Antuan Qrizman penaltini qola çevirərək komandasını irəli çıxarıb. 59-cu dəqiqədə Pol Poqba, 65-ci dəqiqədə isə Kilian Embappenin qolları ilə Fransa hesabı 4-1-ə çatdırıb. Xorvatiya millisi 69-cu dəqiqədə Mandzukiçlə hesab arasındakı fərqi azaltsa da bundan artığına gücü çatmayıb.

Qeyd edəki, bu, Fransanın ikinci dünya çempionluğudur. Hazırda komandanın baş məşqçisi olan Didier Deşamın da 1998-ci ildə formasını geyindiyi Fransa millisi mundialın qalibi olmuşdu.

Ölkə.Az