Fransa kinosunun əfsanəsi dünyasını dəyişdi
Fransa kinosunun əfsanəvi aktrisalarından sayılan Janna Moro vəfat edib.
"Ölkə.Az" xəbər verir ki, 89 yaşlı aktrisanın meyiti evində tapılıb.
Moro xüsusilə "Yeni dalğa" axınının ən məşhur rejissorlarından olan Fransua Trufanın 1962-ci ildə lentə aldığı "Jules və Jim" filmi ilə məşhurlaşmışdı. Janna həm də Katrin Denev, Bricit Bardo ilə birlikdə 3 məşhur fransız aktrisadan biri idi.
Tənqidçilərin fikrinə görə, 2-ci dünya müharibəsindən sonrakı fransız kinosu Jannasız təsəvvür edilə bilməz.
1928-ci ildə anadan olan aktrisa atasının etirazına baxmayaraq aktrisa olmaq qərarına gəlir. 1957-ci ildə çəkildiyi "Edam kürsüsü" və "Aşiqlər" filmləri ilə məşhurlaşıb.
Hikmət Həsənov
Ölkə.Az
