Fransa millisi Uruqvaya qalib gəlməklə yarımfinala vəsiqə qazanıb
Rusiyada keçirilən futbol üzrə dünya çempionatında 1/4 final mərhələsinin ilk oyunu baş tutub.
"Ölkə.Az" xəbər verir ki, Fransa komandası Uruqvay millisi ilə üz-üzə gəlib. "Nijni Novqorod” stadionunda baş tutan qarşılaşma fransızların 2:0 hesablı qələbəsi ilə başa çatıb.
Görüşdə ilk qolu 40-cı dəqiqədə Rafael Varan vurub. Antuan Qrizman 61-ci dəqiqədə fərqlənməklə oyunda son nöqtəni qoyub.
Fransa yığması yarımfinalda Braziliya-Belçika cütünün qalibi ilə qarşılaşacaq.
Qeyd edək ki, Braziliya-Belçika matçı bu axşam Bakı vaxtı ilə saat 22:00-da keçiriləcək.
Ölkə.Az
