"Fransa nümayişçilərə qarşı dəyənəklərdən istifadə etməklə insan hüquqlarını pozur" — Deputat

15:50
11.01.2019
2723
Siyasət
A
"Fransanın Avropa və Xarici İşlər Nazirliyinin sözçüsünün Azərbaycana qarşı bəyanatı ölkəmizə olan ikili standartlar siyasətinin davamıdır".

Bu fikirləri "Ölkə.Az"a açıqlamasında Milli Məclisin deputatı Rauf Əliyev bildirib. 

Deputat deyib ki, Fransanın Avropa və Xarici İşlər Nazirliyinin Azərbaycanla bağlı son bəyanatı qərəzlidir:

"Fransanın hazırda ölkənin “sarı jilet”lər aksiyalarının bürüdüyü bir zamanda belə bir məsələ ilə maraqlanması  çox təccüb doğurur. Özünü demokratik bir ölkə hesab edən Fransada nümayişçilərə qarşı su şırnaqlarından, dəyənəklərdən və digər şiddət vasitələrinən istifadə olunur, 4500-ən çox nümayişçi saxlanılıb. Bu ölkənin,  Avropanın və dünyanın özünü demokratik ölkələr sayan dövlətlərin nə rəsmi qurumları nə də mətbuat orqanları bu hadisələri görməzdən gələrək bu hadisələrə heç bir münasibət bildirmirlər. Bütün bunlar Avropada və elcə də dünyada ikili standartlar siyasətinin  hələ davam etdiyini göstərir. Fransanın bu addımı bir də onu göstərir ki, bu ölkədə erməni lobbisinin təsiri güclüdür və vaxtaşrı bu qüvvələrin Azəbaycana qarşı çirkin anti-Azərbaycan  təbliğatı işə düşür". 

R.Əliyev qeyd edib ki, Azərbaycanın nüfuzu artdıqca, dünyada mövqeyi güclənikçə Azərbaycanı istəməyən bu  qüvvələr hər bir fürsətdən yararlnmaq istəyirlər: 

"Bunlar eyni zamanda  Azərbaycana qarşı təzyiq vasitəsi kimi qəbul eilməlidir. Ancaq bu qüvvələr bilməlidir ki, Azərbaycan müstəqil, demokratik, dünyada söz sahibi olan bir ölkədir və belə təziqlərin heç bir faydası olmayacaq,  Azərbaycan özünün müəyyənləşdirdiyi yolla uğurla  inkişaf edəcək".

Vasif Həsənli
Ölkə.Az

ŞƏRH YAZ
0

Bəxtiyar Əliyevlə seçicilərin səmimi görüşündən — FOTOLAR

Bəxtiyar Əliyevlə seçicilərin səmimi görüşündən
21:30
23.01.2020
1302
Siyasət
A
Azərbaycanda fevralın 9-da keçiriləcək növbədənkənar parlament seçkilərində 118 saylı Ağdam Şəhər Seçki Dairəsi üzrə Milli Məclisin üzvlüyünə namizəd, AMEA-nın müxbir üzvü, professor Bəxtiyar Əliyev seçkiqabağı təşviqat çərçivəsində seçiciləri ilə görüşlərini davam etdirir.

"Ölkə.Az"ın verdiyi məlumata görə, bu gün B.Əliyev Bakıda məskunlaşmış Ağdamdan olan məcburi köçkün ailələri ilə görüş keçirib. Görüş səmimi və diskussiya şəraitində keçib və ölkəmizdə Prezident İlham Əliyevin rəhbərliyi ilə aparılan uğurlu islahatlar, seçiciləri maraqlandıran məsələlər ətrafında müzakirələr aparılıb.

B.Əliyev seçicilərə deputat kimi gördüyü işlər haqqında danşıb. Deputatlığa namizəd bildirib ki, harada və hansı işlə məşğul olmasından asılı olmayaraq daim doğma ağdamlılarla bir yerdə olacaq, onların qaldırdığı məsələlərə diqqətlə yanaşacaq.

Yüksək səviyyədə keçən görüş zamanı çıxış edən seçicilər Prezident İlham Əliyev tərəfindən aparılan uğurlu daxili və xarici siyasəti dəstəklədiklərini bildiriblər və daim Dövlət başçısı ətrafında sıx birləşdiklərini diqqətə çatdırıblar. Onlar deputatlığa namizəd B.Əliyevə dəstək ifadə ediblər. Seçicilər qeyd ediblər ki, B.Əliyev hər zaman onların etimadını doğruldub, daim seçiciləri ilə bir yerdə olub. Ona görə də fevralın 9-da Bəxtiyar Əliyevə səs verəcəklər.

Qeyd edək ki, B.Əliyev bundan əvvəl Abşeron, Yasamal, Qaradağ rayonu Qobu Park Yeni yaşayış kompleksində, Dərnəgül qəsəbəsində, Suraxanı rayonunda məskunlaşmış seçiciləri ilə görüşlər keçirib.

ŞƏRH YAZ
0

Azərbaycan XİN Yerevanın yanvar hadisələri ilə bağlı şərhlərinə cavab verib

Azərbaycan XİN Yerevanın yanvar hadisələri ilə bağlı şərhlərinə cavab verib
20:36
23.01.2020
1234
Siyasət
A
Ermənistanın 1990-cı ilin yanvar hadisələri ilə bağlı apardığı uydurma propaqandaya, bu kimi fəaliyyəti ilə Ermənistan tərəfi Azərbaycanın dinc əhalisinə qarşı tarixən həyata keçirdiyi soyqırımı, etnik təmizləmə siyasətini, Xocalı şəhərində bir gecədə 613 mülki şəxsi vəhşicəsinə qətlə yetirdiyini gizlətmək məqsədini güdür.

"Ölkә.Az" bildirir ki, bunu Trend-ə Ermənistan Xarici İşlər Nazirliyinin Azərbaycanın 1990-cı ilin yanvar hadisələri ilə bağlı reaksiyasına münasibət bildirərkən Azərbaycan Xarici İşlər Nazirliyinin (XİN) Mətbuat xidməti idarəsinin rəisi Leyla Abdullayeva deyib.

L.Abdullayeva bildirib ki, 1990-cı ilin 20 yanvar tarixində Azərbaycanın qəhrəman oğul və qızlarının ölkənin müstəqilliyi uğrunda canlarından keçərək, müasir tariximizin şərəfli bir səhifəsinə adlarını öz qanları ilə yazmalarının 30-cu ildönümü həm ölkəmizdə, həm də diplomatik nümayəndəliklərimiz tərəfindən dünyanın 60-dan çox ölkəsində anım mərasimləri ilə qeyd olundu:

"Beynəlxalq ictimaiyyətin, o cümlədən ölkəmizdəki diplomatik korpusun bu xüsusda bizə verdiyi dəstəyi xüsusilə vurğulamaq istərdik.

1990-cı il yanvarın 19-dan 20-ə keçən gecə sovet ordusunun dinc azərbaycanlılara qarşı törətdiyi qırğın insanlıq əleyhinə cinayətdir və bu cinayətə görə məsuliyyəti keçmiş sovet rəhbərliyi daşıyır. 1990-cı ilin yanvar hadisələri Azərbaycan xalqının müstəqillik əzmini qıra bilmədi və ölkəmiz dövlət müstəqilliyini bərpa etdi. Bu gün Azərbaycanın müstəqilliyi və suverenliyi bütün beynəlxalq ictimaiyyət tərəfindən birmənalı şəkildə tanınır və dəstəklənir.

O ki, qaldı Ermənistanın 1990-cı ilin yanvar hadisələri ilə bağlı apardığı uydurma propaqandaya, bu kimi fəaliyyəti ilə Ermənistan tərəfi Azərbaycanın dinc əhalisinə qarşı tarixən həyata keçirdiyi soyqırımı, etnik təmizləmə siyasətini, Xocalı şəhərində bir gecədə 613 mülki şəxsi vəhşicəsinə qətlə yetirdiyini gizlətmək məqsədini güdür. Ermənistan XİN-i Azərbaycanı əsassız şəkildə ittiham etməkdənsə, öz tarixinə diqqət yetirməli, keçmiş prezidentlərinin şəxsən təsdiq etdiyi etnik təmizləmə siyasətini və yüz minlərlə azərbaycanlının fundamental hüquqlarını kobudcasına pozduqlarını və beynəlxalq ictimaiyyət tərəfindən qətiyyətlə pislənən işğalçı siyasəti illərdir ki, davam etdirdiklərini etiraf etməlidir".

ŞƏRH YAZ
0
BAĞLA