Fransa prezidenti: “Ümid edirəm ki, Putinlə ...”

“Ölkə.Az” xəbər verir ki, görüş Parisdə bağlı qapılar arxasında 3 saata yaxın davam edib. Görüşdən sonra iki ölkə rəhbəri jurnalistlər üçün mətbuat konfransı keçirib. 

Tədbirdə çıxış edən Fransa rəhbəri E. Makron görüşün qarşılıqlı anlaşma əsasında keçdiyini bildirib. Onun sözlərinə görə, görüş zamanı Rusiya və Fransa arasında əməkdaşlığın inkişafı istiqamətində görüləcək işlərdən danışılıb.

"İki ölkə arasında humanitar sahədə sıx əlaqələrin olması vacibdir. Bu görüşdə ikitərəfli münasibətlərdən, Rusiya-Avropa Birliyi münasibətlərindən danışdıq. Dünyadakı problemli nöqtələrdən danışdıq. Prezident Putinlə bu çətin məsələlərin həllinə ümumi yanaşma tapmağa cəhd etdik", - deyə E. Makron bildirib. 

Danışıqlar zamanı iki dövlət rəhbəri Suriyadakı vəziyyəti də müzakirə ediblər.

Suriyada baş verən hadisələri müzakirə etdik. Müzakirələr zamanı İŞİD terrorçuları ilə mübarizə barədə ətraflı danışıqlar apardıq. Suriyada sülhü bərpa etmək üçün siyasi həll yolunu axtarmaq lazımdır. Suriyada kimyəvi silahın tətbiq olunması "qırmızı xətdir". Bu bir dövlətin məhvidir. Suriya dövlətinin süqutuna yol vermək olmaz”, - deyə E. Makron vurğulayıb.

Putin və Makron görüş zamanı Ukrayna problemini də müzakirə ediblər. Prezidentlər Ukrayna münaqişəsinin həlli ilə bağlı Minsk razılaşmasının həyata keçirilməsi haqqında danışıblar. Makron tez bir zamanda Normand formatında görüşün keçirilməsinin vacibliyini əmin olduğunu bildirib.

Ziya Səccad
Ölkə.Az