Fransada meşə yanğınları
Fransanın cənubunda meşə yanğınları tüğyan edir.
"Ölkə.Az" xəbər verir ki, anomal istilərin səbəb olduğu yanğınların sahəsi getdikcə artır. Həftənin çərşənbə günü Var departamentində yeni yanğın ocağı aşkar edilib. Artıq 400 hektarlıq ərazi yanğına təslim olub.
Məlumata əsasən Lond-le-Mor və Kap Benat yaşayış məntəqələri yaxınlığında da güclü yanğın qeydə alınıb. Bu səbəbdən yerli hakimiyyət orqanları əhalini təxliyyə etmək qərarına gəlib.
Alov dilimləri yayılmağa başlayanda 10 mindən çox sakin evini tərk edib. Ərazi isə turistik zona olduğu üçün onların əksəriyyəti gəlmələrdir.
Hazırda Fransanın cənubi-şərqində 3 min hektarlıq meşə ərazisi yanır. Yanğına qarşı mübarizə üçün çoxsaylı işçi qüvvəsi cəlb edilib.
Hikmət Həsənov
Ölkə.Az
