Fransada rəsmi təyinat
Fransanın Yelisey sarayı prezident Emmanuel Makronun həyat yoldaşı Bricit Makronu birinci xanım olaraq təyin edib.
"Ölkə.Az" xəbər verir ki, Makronun seçki kampaniyası dövründə səsləndirdiyi "Fransız birinci xanım" (Premiere Dame) sistemi reallığa çevrilib.
Fransada isə yüz minlərlə vətəndaş internet kampaniyaları ilə bu sistemin əleyhinə çıxış edib. Fransada ABŞ prezidentlərinin həyat yoldaşlarına verilən "first lady" ünvanının bir bənzərinin həyata keçirilməsi uzun müddətdir ki, gündəmdə idi. Makron xanımı Bricit üçün bir vəzifə təsis edilməsini və işçilərin işə götürülməsini istəyirdi.
Amma Bricit Makrona birinci xanım ünvanı üçün dövlət büdcəsindən heç bir ödəniş verilməyəcək. Müxalifət isə Makronun əleyhinə çıxaraq bu təyinatı fransız siyasətinin "amerikanlaşdırma" cəhdi kimi qiymətləndirib.
Hikmət Həsənov
Ölkə.Az
