Fransada turist təyyarəsi parçalanaraq yandı
Aralıq dənizində Fransaya məxsus kiçik mühərrikli təyyarə qəzaya uğrayıb.
“Ölkə.Az” xəbər verir ki, hadisə Korsika adasında qeydə alınıb. “Corse Matin” qəzetinin yazdığına görə, qəza zamanı təyyarədə olan 4 nəfər ölüb. Ölənlərdən ikisi qadın olub.
Qəzaya uğrayan təyyarənin turistlər üçün nəzardə tutulduğu bildirilib. Turistləri gəzdirən təyyarə havaya qalxdıqdan bir neçə dəqiqə sonra qəzaya uğrayıb. Yerə çırpılandan sonra təyyarə alovlanıb.
Hadisə yerinə yanğınsöndürənlər çağırılsa da, alov söndürmək mümkün olmayıb. Təyyarədə bir it də olub.
Yanmış meyitlərin kimliyini isə müəyyən etmək hələlik mümkün olmayıb. Faktla bağlı araşdırmalar aparılır.
Ziya Səccad
Ölkə.Az
