Fransada vergi cinayəti

"Ölkə.Az" xəbər verir ki, futbolçular maliyyə və vergi cinayətində şübhəlidirlər. Hüquq-mühafizə orqanı əməkdaşları Anhel di Mariya və Havyer Pastorenin evində, klubun ofisində axtarış aparıblar.

Polisdən verilən məlumata görə Di Mariya və Pastore gəlirlərinin bir hissəsini gizlədərək vergi ödəməyiblər. İstintaq dekabr ayından başlayıb. Klubun hücumçusu Edinson Kavaninin də adı bu qalmaqalda hallanır. Edinson ümumi olaraq 500 min avro vergidən yayınıb. Bu əməli üçün isə Malta şirkətindən istifadə edib.

Qeyd edək ki, bir müddət əvvəl "Barselona" futbol klubunun keçmiş prezidenti Sandro Rosel də həbs edilib. Sandro qanunsuz olaraq pul mənimsəməkdə ittiham edilir. Ümumi olaraq o, 35 milyon avro pulu ofşor şirkətləri tərəfindən mənimsəməkdə ittiham edilib.

Hikmət
Ölkə.Az