Fransalı siyasətçilərin “nala-mıxa” vurmaq siyasəti

Fransalı siyasətçilərin “nala-mıxa” vurmaq siyasəti
17:01
19.04.2017
13
Siyasət
A

Erməni diasporunun yayılma coğrafiyası və inkişafından söz düşdükdə ilk ağla gələn dövlət Fransa olur. Çünki Fransada yüz illərlə formalaşan erməni icması fəaliyyət göstərir. Şübhəsiz ki, Azərbaycan icmasının əməyini yüksək qiymətləndirirəm. On ildən çoxdur ki,  Azərbaycanın diaspor fəaliyyətini izləyən bir şəxs kimi yaxşı bilirəm ki, Azərbaycan icması Fransada hansı çətinliklərlə fəaliyyət göstərir. Erməni lobbisi müxtəlif vasitələrlə onların yerli media, televiziya və siyasi dairələrə çıxışlarını əngəlləməyə çalışır. Ancaq buna baxmayaraq, Azərbaycan icması Fransada erməni lobbisinə qarşı ciddi mübarizə aparır.

Çox təəssüflər ki, erməni lobbisinə “atalıq” edən fransalı siyasətçilərin Qarabağ məsələsində fikirlərinə təsir etmək hələlik  çətindir.  

Bu günlərdə Fransada prezidentliyə namizəd Fransua Fion Parisdəki “Nouvelles d'Arménie” nəşrinə müsahibəsində “Stalin Dağlıq Qarabağı Ermənistandan qoparıb Azərbaycana verdi” fikrini səsləndirməsi ciddi siyasətlə məşğul olan bir şəxsin qeyri-ciddilliyindən xəbər verir.

Həmçinin F. Fion aprel hadisələrinə toxunaraq bunları qeyd edib: “2016-cı ilin aprelində altı gün ərzində Cənubi Qafqaz yenidən alovlandı. Beynəlxalq birliyin laqeydliyi fonunda Azərbaycan güc yolu ilə Dağlıq Qarabağı ələ keçirməyə cəhd elədi. Öldürücü hücum atəşkəsin qeyri-stabil rejimi ilə nəticələndi”.  Açıqlamadan da aydın görünür ki, aprel hadisələri Ermənistanı müdafiə edən dövlətləri bərk qorxuya salıb. Onlar Ermənistana təsir etmək əvəzinə, bölgədə vəziyyəti gərginləşdirməyə xidmət edirlər.

Digər bir məsələ odur ki, ermənilər yaşadıqları ölkələrin siyasi-ictimai həyatında və ən əsası seçki proseslərində fəal iştirak edirlər. Öz siyasi maraqlarını realizə etmək üçün namizədlərə təsir göstərirlər.

Bundan sonra da Fransada namizəd olan şəxslər erməni lobbisinin gücünü almaq üçün taktiki gedişlər edəcəklər. Yetər ki, erməni icmasının dəstəyini öz tərəflərinə çəkə bilsinlər.

Ermənilərə dəstək verən siyasətçilər bölgəni elə də yaxşı tanımır və ya Qarabağın harada, hansı ərazidə yerləşdiyini bilmirlər. Bu gün  Fransua Fiondan Qarabağın harada yerləşdiyini soruşsan udquna-udquna qalar. Hələ Fransa ATƏT-in Minsk qrupunun üç həmsədr dövlətindən biridir. Qarabağ münaqişəsini “nizamlamaq” prosesində fəal rol oynayır.

Demək ki, Fion prezident seçilsə, bu gün necə fransalı diplomatlar Qarabağ məsələsində “nala-mıxa” vurmaqla məşğuldurlarsa, həmin "nala-mıxa" siyasəti davam edəcək.

Elnur Eltürk
Ölkə.Az

ŞƏRH YAZ
0

Ərdoğan 20 Yanvar şəhidlərini yad etdi

Ərdoğan 20 Yanvar şəhidlərini yad etdi
01:02
Bu gün
14190
Siyasət
A
Türkiyə prezidenti Rəcəb Tayyib Ərdoğan azərbaycanlıların Ümumxalq Hüzn Günü ilə bağlı paylaşım edib.

“Ölkə.Az” xəbər verir ki, dövlət başçısı “Twitter”də 20 Yanvar həştəqi ilə etdiyi paylaşımda 20 Yanvar şəhidlərini yad edib:

“28 il öncə Azərbaycanın müstəqilliyi uğrunda canlarını fəda edən 20 Yanvar şəhidlərini rəhmətlə yad edirəm. Azərbaycanlı qardaşlarımızın kədərini bölüşürük. Türkiyə olaraq hər zaman Azərbaycanın yanında olacağıq”.

Ölkə.Az

 

ŞƏRH YAZ
0

Facebook-da təhqir edən necə cəzalandırılmalıdır... — Deputatdan AÇIQLAMA

Facebook-da təhqir edən necə cəzalandırılmalıdır...
16:40
20.01.2018
16658
Siyasət
A
“Təhqir və böhtanlarla bağlı qanunvericilikdə bir dəyişiklik etmişik. Lakin bu, ancaq rəsmi saytlara, informasiya mənbələrinə, agentliklərə aiddir”.

"Ölkə.Az" xəbər verir ki, bunu  Milli Məclisin Hüquq siyasəti və dövlət quruculuğu komitəsinin üzvü Tahir Kərimli  Modern.az-a açıqlamasında  deyib. O bildirib ki, bəzən bu məsələ səhv başa düşülür:

“Bu qanun  sosial mühitin bütün parametrlərinə aid deyil. Tutaq ki, “Facebook” yazışmalarını əhatə etmir. Yəni əgər rəsmi saytda böhtan və təhqirə yol verilibsə, prokurorluq hər hansı məlumat əsasında  cinayət işi başlada bilər. Kiminsə  xüsusi ittiham qaydasında məhkəməyə müraciəti də mümkündür. Ancaq sosial şəbəkələrdə belə hallar yoxdur. Yalnız ümumi qaydada təhqir olunan, böhtan atılan zərər çəkmiş şəxs rəsmi müraciət etməli  və onun  müraciəti araşdırılmalıdır. Bu qanun rəsmi informasiya mənbələrinə, elektron vasitələrinə aiddir. İnsanın şərəf və ləyaqəti təhqir olunur, alçaldılır, yaxud etmədiyi, etdiyi hərəkət barədə böhtan məlumat yayılırsa, ailəsi haqqında , işi haqqında şəxsiyyəti təhqir olunursa, təbii ki, o vətəndaşın müraciəti araşdırılmalıdır”.

Deputat qeyd edib ki, bu gün sosial şəbəkələrlə bağlı məsələ ciddi əhəmiyyət daşıyır:

“Demək olar ki, bütün dünyada sosial şəbəkələrdəki yazışmaları oxumaq olmaz, bu dövlətin də borcu deyil. Əlbəttə sosial şəbəkələrdə hər hansı təhqir və böhtanın  qabağını  almaq üçün hətta qərb ölkələrində belə müəyyən qanunlar qəbul olunur. İnternetin məhdudlaşdırılması, ona nəzarətin tətbiqi, böhtan və təhqirlərin qarşısının alınması ilə bağlı demokratik  dövlətlərdə belə aktuallaşıb. Bu çox ciddi məsələdir. Lakin  dediyim kimi, rəsmi informasiya mənbəyi olduğu halda dövlət orqanları mütləq reaksiya verməlidir. Fərqi yoxdur, müraciət etdilər ya etmədilər”.

ŞƏRH YAZ
1
BAĞLA