FTB-nin sabiq direktoru: “Tramp prezidentliyə yaramır”

FTB-nin sabiq direktoru: “Tramp prezidentliyə yaramır”
09:47
16.04.2018
1768
Dünya
A
FTB-nin sabiq direktoru Ceyms Komi bəyan edib ki, Donald Tramp ABŞ prezidentliyi postuna yaramır.

 “Ölkə.Az” xəbər verir ki, Komi bu barədə “ABC” kanalına müsahibə verib.

“Düşünmürəm ki, tibbi cəhətdən prezident ola bilməz. Düşünürəm ki, mənəvi olaraq prezident olmağa yaramır”, - deyə Komi müsahibəsində qeyd edib.

Komi eyni zamanda prezidenti yalançı adlandırıb. Çünki onun versiyasına görə, Tramp müntəzəm olaraq faktları görməzdən gəlir:
“Məsələn, Tramp deyib ki, onun inauqurasiyasında olan adamların sayı Barak Obamanın inauqurasiyasındakıların sayından çox olub. Amma əslində belə deyil”.

Jurnalistin “Siz düşünürsünüz ki, Tramp yalançıdır?”- sualına FTB-nin sabiq direktoru “Bəli, o, yalançıdır” cavabını verib.

Hikmət Həsənov
Ölkə.Az

ŞƏRH YAZ
0

Kaliforniyada Novruz bayramı qeyd olunub

Kaliforniyada Novruz bayramı qeyd olunub
11:05
Bu gün
450
Dünya
A
Kaliforniyanın San Dieqo şəhərində Novruz bayramı təntənə ilə qeyd edilib.

Bu barədə "Ölkə.Az"a Azərbaycanın Los Ancelesdəki Baş Konsulluğundən məlumat verilib. 

Tədbir Azərbaycanın Los Ancelesdəki Baş Konsulluğunun dəstəyi və Kaliforniya Azərbaycan Dostluq Assosiasiyasının (California Azerbaijan Friendship Association - CAFA) təşkilatçılığı ilə San Dieqonun tanınmış "Cafe 21" məkanında keçirilib. Bayram şənliyində Kaliforniyada yaşayan Azərbaycan icmasının üzvləri, həmçinin Kaliforniyanın müxtəlif şəhərlərindən olan amerikalı qonaqlar iştirak ediblər.

CAFA-nın icraçı direktoru Kimiya Məmmədova çıxışında Novruz bayramı, onun tarixi, ənənələri və mahiyyəti haqqında ətraflı danışıb. O, Novruz bayramının Azərbaycanda çox qədim köklərə malik olduğunu, ölkəmizdə bu əziz bayramın çox geniş və təntənəli şəkildə qeyd edildiyini diqqətə çatdırıb. K.Məmmədova həmçinin Azərbaycanın qədim tarixi, zəngin mədəniyyəti və incəsənəti, milli mətbəxi haqqında tədbir iştirakçılarına məlumat verib. Novruz şənliyinin keçirilməsində dəstəyə görə Baş Konsulluğa və "Cafe 21"in sahibləri Lalə və İmran Cavadova və digər icma üzvlərinə təşəkkürünü bildirən K.Məmmədova icraçı direktoru olduğu CAFA təşkilatının gələcəkdə də bu kimi tədbirlərin keçirilməsini davam etdirəcəyini vurğulayıb.

Tədbir tanınmış tarzən Sahib Paşazadənin ifasında Azərbaycan musiqisindən nümunələr və Azərbaycan mətbəxinin ləziz təamlarını əks etdirən ziyafətlə davam edib.

Ölkə.Az

ŞƏRH YAZ
0

Çində biabırçılıq — Qumar borcuna görə qızını internetdə satışa çıxardı

Çində biabırçılıq
00:59
Bu gün
1799
Dünya
A
Çinin şərqindəki Quiyanq şəhərində yaşayan bir şəxs qumar borcunu ödəmək üçün 1 yaşlı qızını internetdə satışa çıxarıb.

“Ölkə.Az” xəbər verir ki, qumarbaz ata qızını uşağı olmayan bir ailəyə satmaq üçün razılaşıb. Sonra isə qızı ilə birlikdə anasına dəyməyə gedəcəyini deyərək arvadını aldadıb.
Vanq adlı ana isə qızını anasının yanında qoyduğunu deyən ərinin cavablarından şübhələnərək mobil telefonunu yoxlayıb. O, ərinin qızını satdığı ailə ilə mesajlarını görüb şoka düşüb. Ərinin qumar borcuna görə övladını satdığını eşidən qadın polisə xəbər verib. Qumarbaz ata isə qızını satdığı ailəyə arvadından ayrı yaşadığı üçün qızına baxmağa adam olmadığını deyərək aldatdığı da üzə çıxıb.

İnsan alveri maddəsi ilə ittiham edilən “ata” məhkəmənin hökmü ilə həbs edilib və həbsxanaya göndərilib.

Hikmət Həsənov
Ölkə.Az

 

ŞƏRH YAZ
0
BAĞLA