Fuad Muradov gürcü nazirlə görüşdü

Fuad Muradov gürcü nazirlə görüşdü
18:00
14.06.2018
6621
Siyasət
A
Gürcüstanda səfərdə olan Diasporla İş üzrə Dövlət Komitəsinin sədri Fuad Muradov bu ölkənin elm və təhsil naziri Mixeil Çxenkeli ilə görüşüb.

"Ölkə.Az" Report-a istinadən  xəbər verir ki, görüşdə iki ölkə arasında elm və təhsil sahəsində əməkdaşlıq, gənclər siyasəti, kadr hazırlığı və s. məsələlər ətrafında geniş fikir mübadiləsi aparılıb.

F.Muradov bildirib ki, Azərbaycan Prezidenti İlham Əliyev Gürcüstanla əlaqələrin bütün istiqamətlərdə, eləcə də elm və təhsil sahəsində inkişafına mühüm əhəmiyyət verir: 

"Ölkələrimiz arasında mövcud olan dostluq və qardaşlıq münasibətləri elm və təhsil sahəsində əməkdaşlığın genişləndirilməsinə imkan yaradır. Bu gün Gürcüstanda xeyli sayda azərbaycanlı yaşayır. Onlar bu ölkənin bərabərhüquqlu vətəndaşlarıdırlar. Onlar bu dövlətin güclənməsində mühüm rol oynayırlar. Lakin bəzi sahələrdə müəyyən problemlər hələ də qalmaqdadır".

M.Çxenkeli isə, öz növbəsində, deyib ki, Gürcüstan hökuməti bütün milli azlıqların, eləcə də azərbaycanlıların normal təhsil almaları üçün hər cür şərait yaradıb: "Yeni tətbiq olunan 4+1 təhsil proqramı milli azlıqların inteqrasiyası ilə yanaşı, dövlət dilini öyrənmələrinə imkan yaradır. Azərbaycan dilində olan məktəblərin maddi texniki bazasının möhkəmləndirilməsi üçün də tədbirlər görülür".

Görüşdə hər iki ölkənin dövlət və özəl universitetlərində Azərbaycan və gürcü dillərini mükəmməl bilən kadrların hazırlanması, tələbə mübadiləsi, professor, müəllim və tələbələrin qarşılıqlı səfərlərinin təşkili və qarşılıqlı maraq doğuran digər məsələlər də müzakirə olunub.

Görüşdə Azərbaycanın Gürcüstandakı səfiri Dursun Həsənov da iştirak edib.

ŞƏRH YAZ
0

Elmar Məmmədyarov Con Boltonla Dağlıq Qarabağ münaqişəsini müzakirə edib

Elmar Məmmədyarov Con Boltonla Dağlıq Qarabağ münaqişəsini müzakirə edib
22:03
Bu gün
751
Siyasət
A
Azərbaycan Respublikasının Xarici İşlər naziri Elmar Məmmədyarov Vaşinqtona işgüzar səfəri çərçivəsində ABŞ prezidentinin milli təhlükəsizlik məsələləri üzrə müşaviri Con Bolton ilə görüşüb.

Xarici İşlər Nazirliyindən "Ölkə.Az"a verilən məlumata görə, görüşdə tərəflər bir sıra məsələlər üzrə, o cümlədən Ermənistan-Azərbaycan Dağlıq Qarabağ münaqişəsinin həllinin cari mərhələsi və substantiv məsələlər üzrə danışıqların irəli aparılması yolları ətrafında intensiv və uzun fikir mübadiləsi aparıblar.

Həmçinin ABŞ və Azərbaycan arasında mövcud olan ikitərəfli siyasi gündəlikdə duran bir çox məsələlər, eləcə də iqtisadi əlaqələr və həyata keçirilən təşəbbüslər, enerji və nəqliyyat sahəsində rellaşdırılan layhələr, habelə Avropaya qaz təminatının şaxələndirilməsi üzrə əlavə imkanları tərəflər arasında müzakirə edilib.

Görüşdə, eləcə də, geniş Yaxın Şərq bölgəsində mövcud olan vəziyyət, eləcə də qlobal gündəlikdə duran qarşılıqlı maraq doğuran məsələlər üzrə fikir mübadiləsi aparılıb.

Ölkə.Az

ŞƏRH YAZ
0

On ölkənin deputatı Bakıya toplaşır — Parlamentdən açıqlama

On ölkənin deputatı Bakıya toplaşır
19:02
Bu gün
1384
Siyasət
A
Sabah Bakıda Qara Dəniz İqtisadi Əməkdaşlıq Təşkilatı Parlament Məclisinin (QDİƏT PM) 53-cü Baş Assambleyası öz işinə başlayacaq.

“Ölkə.Az” xəbər verir ki, toplantıda 10-dan artıq ölkənin parlamentariləri iştirak edəcək.

İyunun 20-də  Milli Məclis (MM)  Azərbaycanın rəhbərliyi ilə QDİƏT PM-nin 53-cü Baş Assambleyasının iclası keçiriləcək.

Bir gün davam edəcək torplantıda Qara dəniz hövzəsində yerləşən ölkələrin iqtisadi, humanitar, nəqliyyat və digər sahələrdə əməkdaşlıqlarını daha da genişləndirmək və dərinləşdirmək məsələlərini müzakirə edəcəklər.

Qeyd edək ki, Ermənistan da adı çəkilən qurumun üzvüdür və Bakıda keçiriləcək toplantıda bu ölkənin də parlamentinin təmsilçiləri  iştirak edəcək.

Mürtəza
Ölkə.Az

 

 

ŞƏRH YAZ
0
BAĞLA