“Full” paketlərinə 50 minədək “Nar” abunəçisi qoşulub

“Full” paketlərinə 50 minədək “Nar” abunəçisi qoşulub
13:42
16.04.2018
1343
Ölkə
A
“Nar”-ın sərfəli “Full” paketlərindən istifadə etmiş abunəçilərin sayı qısa müddət ərzində 50 minə çatıb.

Sərfəli qiymətə ölkədaxili danışıq dəqiqələri və bol internetin daxil olduğu paketlərin əsas özəlliyi qazanılan bonusların növbəti aya keçməsidir. Xatırladaq ki, “Nar”-ın təqdim etdiyi “Full” paketləri Azərbaycanın mobil rabitə bazarında ilk dəfə olaraq “yanmayan” bonuslar təcrübəsinə əsaslanır. Belə ki, keçirilmiş çoxsaylı sorğular və abunəçilərin istəkləri  əsasında bonusların yanmaması və bir sonrakı aya keçirilməsi təmin edilib. Abunəçilərin sorğularına əsasən, bonusların toplanmasından başqa, həm də qalıq bonusların dəyişdirilməsi funksiyası – “Exchange” təklifi irəli sürülüb. 

Beləliklə, “Full” paketlərinin daha bir özəlliyi “Nar” abunəçilərinin dəqiqələri meqabaytlara və ya, əksinə, meqabaytları dəqiqələrə dəyişə bilmək imkanına sahib olmalarıdır. Bununla daha bir ilkə imza atmış “Nar” artıq “Full” paketlərinin istifadəçilərinə öz bonuslarından istədikləri şəkildə istifadə etmək, onları  digər bonuslarla dəyişmək fürsətini də verib. “Exchange” təklifi çərçivəsində mümkün olan bu fürsət sayəsində abunəçi topladığı yüzlərlə dəqiqə və megabaytları dəyişə bilir. 

Rominqdə olan “Full” istifadəçiləri də toplanan bonuslardan növbəti ayda istifadə etmək fürsəti qazanırlar. Belə ki, Türkiyə və ya İranda rominqdə olan “Nar” istifadəçiləri 2 GB-dək internet bonusu əldə edirlər. 

“Full” paketləri haqqında ətraflı məlumatı nar.az internet səhifəsindən öyrənmək olar. 

“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. “Nar” ticarət nişanı Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilib. 
“Nar” ölkədə ilk dəfə olaraq 3G texnologiyasını təqdim etmiş və geniş 4G şəbəkəsini abunəçilərinin istifadəsinə verib. 2017-ci ilin 2-ci rübündə müstəqil beynəlxalq şirkət olan “P3 Communications” tərəfindən keçirilmiş mobil rabitə şəbəkələrinin müqayisəli testlərinə əsasən, dinamik inkişaf və şəbəkənin genişləndirilməsi istiqamətində görülmüş işlər sayəsində “Nar” şəbəkəsi mobil zəng xidmətlərinin göstərilməsi üzrə ölkədə ən yüksək nəticəyə nail olub. 
“Nar” şəbəkəsi hazırda ölkə ərazisinin 93%-ni əhatə edir və 2 milyondan çox abunəçiyə yüksəkkeyfiyyətli xidmət göstərir.

ŞƏRH YAZ
0

Azərbaycanda təhlükəli qrip var?

Azərbaycanda təhlükəli qrip var?
21:14
Bu gün
1402
Ölkə
A
Hazırda Azərbaycanda kəskin respirator virus infeksiyaları və qriplə bağlı epidemioloji vəziyyət sabitdir.

"Ölkə.Az" xəbər verir ki, bunu Trend-ə Respublika Gigiyena və Epidemiologiya Mərkəzinin Hava-damcı infeksiyaları bölməsinin həkim-epidemioloqu Nəzmiyyə Brumendfard deyib.

Onun sözlərinə görə, bu il ağır kəskin respirator virus infeksiyalarına yoluxanların sayında artım müşahidə edilməyib və infeksiyalara yoluxanların builki sayı ötənilki səviyyədədir.

N.Brumendfard əlavə edib ki, ötən il Azərbaycanda ağır kəskin respirator virus infeksiyalarına yoluxan insanların 78-də qrip aşkarlanmışdı: “Onlarda da adi qrip - “B” qripi olub. Bu qrip pandemik qrip virusu hesab olunmur. Azərbaycanda qrip virusu dövr edirsə, bu, diqqətdən yayına bilməz. Hələ ki, ölkə ərazisində kəskin respirator virus infeksiyaları və qriplə bağlı narahatlıq yoxdur, vəziyyət stabildir”.

Mərkəz rəsmisi qeyd edib ki, son illər ərzində Azərbaycanda daha təhlükəli olan “A” tipli qripə yoluxma halı aşkarlanmayıb:

“Azərbaycanda hələ ki, təhlükəli qrip növü aşkarlanmayıb. Bu il mövsüm yeni başladığından hələlik kəskin respirator virus infeksiyalarına yoluxma halı da qeydə alınmayıb”.

N.Brumendfard payız-qış mövsümündə bəzi xəstələrin qoruyucu steril maskalardan istifadə etməməsinin də kəskin respirator virus infeksiyalarının yayılmasında mühüm rol oynadığını söyləyib:

“Bizdə əhali xəstələndikdə qoruyucu maska taxmır, maska taxmağa utanırlar. Əgər xəstə insan maska taxmırsa, onda sağlam insan maska taxaraq özünü infeksiyadan qorumalıdır. Maskalar 4 saatdan bir yenisi ilə dəyişməlidir. Əks halda, xəstə insan özünün tənəffüs yollarından gələn infeksiya ilə yenidən infeksiyaya yoluxa bilər”.

Ölkə.Az

ŞƏRH YAZ
0

Azərbaycanın 41 rayonunda ailə təsərrüfatları yaradılır — FOTO

Azərbaycanın 41 rayonunda ailə təsərrüfatları yaradılır
19:45
Bu gün
2706
Ölkə
A
Əmək və Əhalinin Sosial Müdafiəsi Nazirliyi və Heydər Əliyev Fondunun “Regional İnkişaf” İctimai Birliyi arasında özünüməşğulluq proqramının icrası sahəsində əməkdaşlığa dair imzalanan memoranduma əsasən icra olunan “Sosial bağlar” layihəsi çərçivəsində sosial cəhətdən həsas qruplar üçün meyvə bağlarının salınması, tərəvəz və bostan məhsulları istehsalı üzrə ailə təsərrüfatlarının yaradılması işləri davam etdirilir.

Nazirlikdən "Ölkə.Az"a verilən məlumat görə, layihə Prezident İlham Əliyevin müvafiq sərəncamına əsasən icra olunan özünüməşğulluq proqramına dəstək məqsədi daşıyır.

Layihə çərçivəsində respublikanın 41 rayonu (Tərtər, Ağdam, Bərdə, Füzuli, Quba, Xaçmaz, Qusar, Siyəzən, Şabran, Ağdaş, Kürdəmir, Yevlax, Beyləqan, Ucar, Siyəzən, Salyan, Sabirabad, Qobustan, Ağsu, İsmayıllı, Şəmkir, Daşkəsən, Samux, Ağstafa, Qazax və s.) üzrə 125 ailə üçün təsərrüfatlar yaradılır.

Quba, Xaçmaz, Qusar, Siyəzən, Şabran rayonlarında da 17 nəfər üçün layihə çərçivəsində bağ sahələrinin salınması nəzərdə tutulub. Həmin rayonlarda bağların salınması üçün ayrılmış sahələrdə yeni ağacların əkilməsinə hazırlıq işləri çərçivəsində ilk növbədə bəzi sahələr bar verməyən qurumuş ağaclardan, kötüklərdən, kollardan təmizlənir. Həmçinin bağların salınması üçün digər sahələrin şumlanması və çəpərlənməsi işləri görülür.

“Sosial bağlar” layihəsi iştirakçılarından 30 nəfəri şəhid ailəsi üzvləri, 28 nəfəri əlilliyi olanlar, qalanları aztəminatlı ailələrin üzvləridirlər. Layihəyə cəlb edilənlər üçün alma, gilas, qoz, gavalı və s. meyvələr üzrə bağların, tərəvəz və bostanların salınması işləri həyata keçirilməklə, sahələrə aqrotexniki qulluq, suvarma, təlimləndirmə, logistika və hazır məhsulun marketinqinin təşkili, məsləhət xidmətlərinin göstərilməsi, eləcə də digər sahələrdə də onlara dəstək göstəriləcək.

Layihəyə cəlb olunan vətəndaşlar üçün ilk mərhələdə müvafiq fəaliyyət sahələri üzrə bilik və bacarıqların aşılanması məqsədilə təlim kursları təşkil edilib. Kursları bitirərək biznes planlarını uğurla müdafiə edən şəxslərin layihə üzrə təsərrüfatlarının yaradılmasına başlanılıb.

Aztəminatlı ailələrin özünüməşğulluğunun təmin olunmasına və gəlirlərini artırmalarına imkan verən layihə belə ailələrin ünvanlı dövlət sosial yardımı proqramından asılılığının aradan qaldırılmasına və kiçik sahibkarlığa çıxış imkanlarına yiyələnmələrinə şərait yaradır. Eyni zamanda, layihə üzrə yeni bağçılıq sahələrinin yaradılması qeyri-neft sektorunun mühüm sahəsi olan kənd təsərrüfatının inkişafına əlavə dəstəkdir.

Xatırladaq ki, cari ildə özünüməşğulluq proqramı çərçivəsində ölkə üzrə 7 minədək ailənin kiçik ailə təsərrüfatlarının yaradılması planlaşdırılıb. Bunun üçün işsizlikdən sığorta fondunun 2018-ci il üzrə büdcəsindən 35,8 milyon manatın ayrılması nəzərdə tutulub. 

Ölkə.Az

ŞƏRH YAZ
0
BAĞLA