“Full” paketlərinə 50 minədək “Nar” abunəçisi qoşulub

“Full” paketlərinə 50 minədək “Nar” abunəçisi qoşulub
13:42
16.04.2018
1523
Ölkə
A
“Nar”-ın sərfəli “Full” paketlərindən istifadə etmiş abunəçilərin sayı qısa müddət ərzində 50 minə çatıb.

Sərfəli qiymətə ölkədaxili danışıq dəqiqələri və bol internetin daxil olduğu paketlərin əsas özəlliyi qazanılan bonusların növbəti aya keçməsidir. Xatırladaq ki, “Nar”-ın təqdim etdiyi “Full” paketləri Azərbaycanın mobil rabitə bazarında ilk dəfə olaraq “yanmayan” bonuslar təcrübəsinə əsaslanır. Belə ki, keçirilmiş çoxsaylı sorğular və abunəçilərin istəkləri  əsasında bonusların yanmaması və bir sonrakı aya keçirilməsi təmin edilib. Abunəçilərin sorğularına əsasən, bonusların toplanmasından başqa, həm də qalıq bonusların dəyişdirilməsi funksiyası – “Exchange” təklifi irəli sürülüb. 

Beləliklə, “Full” paketlərinin daha bir özəlliyi “Nar” abunəçilərinin dəqiqələri meqabaytlara və ya, əksinə, meqabaytları dəqiqələrə dəyişə bilmək imkanına sahib olmalarıdır. Bununla daha bir ilkə imza atmış “Nar” artıq “Full” paketlərinin istifadəçilərinə öz bonuslarından istədikləri şəkildə istifadə etmək, onları  digər bonuslarla dəyişmək fürsətini də verib. “Exchange” təklifi çərçivəsində mümkün olan bu fürsət sayəsində abunəçi topladığı yüzlərlə dəqiqə və megabaytları dəyişə bilir. 

Rominqdə olan “Full” istifadəçiləri də toplanan bonuslardan növbəti ayda istifadə etmək fürsəti qazanırlar. Belə ki, Türkiyə və ya İranda rominqdə olan “Nar” istifadəçiləri 2 GB-dək internet bonusu əldə edirlər. 

“Full” paketləri haqqında ətraflı məlumatı nar.az internet səhifəsindən öyrənmək olar. 

“Azerfon” şirkəti (“Nar” ticarət nişanı) 21 mart 2007-ci ildə fəaliyyətə başlayaraq qısa bir müddətdə Azərbaycanda telekommunikasiya və mobil rabitə sahəsinin aparıcı şirkətlərindən birinə çevrilib. “Nar” ticarət nişanı Azərbaycanın zəngin mədəni və tarixi irsinin çağdaş həyatla bağlılığının rəmzi olaraq seçilib. 
“Nar” ölkədə ilk dəfə olaraq 3G texnologiyasını təqdim etmiş və geniş 4G şəbəkəsini abunəçilərinin istifadəsinə verib. 2017-ci ilin 2-ci rübündə müstəqil beynəlxalq şirkət olan “P3 Communications” tərəfindən keçirilmiş mobil rabitə şəbəkələrinin müqayisəli testlərinə əsasən, dinamik inkişaf və şəbəkənin genişləndirilməsi istiqamətində görülmüş işlər sayəsində “Nar” şəbəkəsi mobil zəng xidmətlərinin göstərilməsi üzrə ölkədə ən yüksək nəticəyə nail olub. 
“Nar” şəbəkəsi hazırda ölkə ərazisinin 93%-ni əhatə edir və 2 milyondan çox abunəçiyə yüksəkkeyfiyyətli xidmət göstərir.

ŞƏRH YAZ
0

“Corabından çıxardığı “beşbarmaq”la məni vurdu” — Qayınatasını döyən dünya çempionunun məhkəməsi

“Corabından çıxardığı “beşbarmaq”la məni vurdu”
11:35
Bu gün
1025
Ölkə
A
Kikboks üzrə beşqat dünya çempionu Ehram Məcidovun cinayət işi üzrə məhkəmə iclası davam etdirilib.

“Ölkə.Az” xəbər verir ki, Bakı Ağır Cinayətlər Məhkəməsində hakim Eldar İsmayılovun sədrliyi ilə keçirilən prosesdə zərərçəkmiş Bəhruz Dilbazinin 18 min maddi, 5 min manat isə mənəvi zərərin ödənilməsi üçün mülki iddia qaldırdığı elan olunub.

Daha sonra prokuror ittiham aktını elan edib.

Ehram Məcidov özünü təqsirli bilməyib.

Zərərçəkmiş B.Dilbazi ifadəsində söyləyib ki, qızının ailəsində problemlər və söz-söhbətlər 2014-cü ildən başlayıb.

Zərərçəkmiş hadisə haqqında danışaraq qeyd edib ki, həmin vaxt E.Məcidov uşaqlarını görməyə gəlib: 

"Görüş icra məmurlarının yanında oldu. Yanımda yoldaşım da var idi. Bir az keçəndən sonra uşaqlar getmək istədi. Ehram da bildirdi ki, uşaqları babası öyrədir. Mən oturanda üstümə hücum elədi. Sağ əli ilə çiynimdən aşağı sıxdı. Sol əli ilə də sifətimə vurmağa başladı. Müqavimət göstərə bilmirdim. Bir dəfə sağ əlimi qabağa uzatdım. Onda da qolum sındı. Əməliyyat olunmuşam. Müalicəmi xaricdə də davam etdirdim. İndi də müalicə alıram. Ağrılardan gecə yata bilmirəm".

B.Dilbazinin sözlərinə görə, E.Məcidov onu "beşbarmaq" adlanan soyuq silahla vurub: "Deyəsən onu corabından çıxardı".

E.Məcidov isə hadisə zamanı "beşbarmaq"dan istifadə etmədiyini deyib.

Məhkəmənin növbəti iclası fevralın 26-na təyin edilib.

Qeyd edək ki, E.Məcidov "Neftçi” İSM-də kikboks bölməsinin baş məşqçisi olub. O, qayınatası Bəhruz Dilbazini döyməkdə ittiham edilir.

E.Məcidovun barəsində Cinayət Məcəlləsinin 126.2.4-cü (qəsdən sağlamlığa ağır zərər vurma, ümumi təhlükəli üsulla, xuliqanlıq niyyətilə) maddəsi ilə ittiham irəli sürülüb. Məhkəmənin qərarı ilə onun barəsində həbs qətimkan tədbiri seçilib.

Məlumata görə, E.Məcidov 2016-cı ildə həyat yoldaşı Müqəddə Dilbazi ilə boşanıb. Cütlüyün nikahndan bir övladı olub. Uşaq ananın himayəsinə verilib. 2017-ci ildə isə M.Dilbazi məhkəməyə müraciət edərək uşağın xarici ölkəyə aparılmasına icazə verilməsini istəyib. Bununla bağlı E.Məcidovla arvadı arasında uzun sürən məhkəmə çəkişmələri də olub.

Son dövrdə isə E.Məcidov övladı ilə ünsiyyət qurmasına keçmiş həyat yoldaşı və onun valideynləri tərəfindən maneələr yaradıldığını bildirib. İdmançının bununla bağlı müraciətini Binəqədi rayon İcra şöbəsi araşdırıb. Hadisə də şöbənin inzibati binasında baş verib. İcra məmuru Vüqar Alıyevin otağında görüşən tərəflər atanın uşaqla görüşməsi ilə bağlı mübahisə ediblər.

İddiaya görə, E.Məcidovun keçmiş qayınatası B.Dilbazi məmurun otağında onu söyüb və kikboksçu qarşı tərəfə bir yumruq zərbəsi vurub.

Natiq Allahverdiyev
Ölkə.Az

ŞƏRH YAZ
0

Bakıda işçi müdirini öldürdü — Nisyə cörəyə görə

Bakıda işçi müdirini öldürdü
10:24
Bu gün
4386
Ölkə
A
Qətl törətməkdə təqsirləndirilən İsmayıl Cəfərovun cinayət işi üzrə məhkəmə iclası başa çatıb.

“Ölkə.Az” xəbər verir ki, Bakı Ağır Cinayətlər Məhkəməsində hakim Eldar İsmayılovun sədrliyi ilə keçirilən prosesdə təqsirləndirilən şəxsə hökm oxunub.

O, məhkəmənin hökmü ilə 13 il müddətinə azadlıqdan məhrum edilib.

Məhkəmə istintaqı zamanı şahid qismində Aysel Məmmədova ifadə verib.

O, hadisənin baş verdiyi yerdə - "Batabat" kafesində çalışdığını, həmin zaman təqsirləndirilən şəxslə mərhum Elmar Qasımovun mübahisə etdiyini bildirib.
A.Məmmədova deyib ki, hadisə zamanı E.Qasımov İ.Cəfərovu təhqir edib, sonra boğazından tutaraq yuxarı qaldırıb: 

"Mən müdaxilə edə bilmədim. Bir də onu gördüm ki, İsmayıl cibindən bıçaq çıxarıb Elmarı vurdu. Elmar "maşın, maşın" deyə qışqırıb çölə çıxdı. Bir maşına əl eləsə də, saxlamadı. Sonra özü yeriyərək getdi. Nə olduğunu bilmədik".

Şahid ifadəsinin sonunda təqsirləndirilən şəxsin günahsız olduğunu, sakit adam olduğunu söyləyib.

Daha sonra digər şahid, "Batabat" kafesində çalışan Samra Taralova dindirilib. O, qeyd edib ki, iş yoldaşı A.Məmmədova İ.Cəfərovdan nisyə çörək alıb, buna görə də sex sahibi E.Qasımov təqsirləndirilən şəxslə mübahisə edib: "Sonra içəri keçdim və bu hadisə baş verdi".

Qeyd edək ki, qətl hadisəsi Bakı şəhərində, NZS qəsəbəsində baş verib. Çörək sexində çalışan İ.Cəfərov sexin sahibi Elmar Qasımovu mübahisə zəminində bıçaqlayıb. Nəticədə E.Qasımov ölüb.

Hadisədən sonra İ.Cəfərov polis əməkdaşları tərəfindən saxlanılıb və barəsində Cinayət Məcəlləsinin 120.1-ci (qəsdən adam öldürmə) maddəsi ilə ittiham irəli sürülüb.

Natiq Allahverdiyev
Ölkə.Az

ŞƏRH YAZ
0
BAĞLA